॥ Rasa Gita Bengali Lyrics ॥
॥ রাসগীতা ॥
নারদ উবাচ —
শ্রীরাধা মাধবস্যাপি রাধায়াশ্চাপি মাধবঃ ।
করোতি পরমানন্দং প্রেমালিঙ্গনপূর্বকম্ ॥ ১ ॥
রাধাসুখসুধাসিন্ধুঃ কৃষ্ণশ্চুম্বতি রাধিকাম্ ।
শ্যামপ্রেমময়ী রাধা সদা চুম্বতি মাধবম্ ॥ ২ ॥
ত্রিভঙ্গললিতঃ কৃষ্ণো মুরলীং পূরয়েন্মুদা ।
চালয়েদ্রেণুরন্ধ্রেষু রাধিকা চ করাঙ্গুলীঃ ॥ ৩ ॥
শ্রীনামাকর্ষণং কৃষ্ণং রাধা গায়তি সুন্দরম্ ।
শব্দব্রহ্মধ্বনিং রাধাং কৃষ্ণো ধারয়তি ধ্রুবম্ ॥ ৪ ॥
মুরলীকলসঙ্গীতং শ্রুৎবা মুগ্দ্ধা ব্রজস্ত্রিয়ঃ ।
কদম্বমূলমায়াতা যত্রাস্তি মুরলীধরঃ ॥ ৫ ॥
রাধাকান্তো ব্রজস্ত্রীভির্বেষ্টিতো ব্রজমোহনঃ ।
শোভতে তারকামধ্যে তারকানায়কো যথা ॥ ৬ ॥
কিশোরী সুন্দরী রাধা কিশোরঃ শ্যামসুন্দরঃ ।
কিশোর্যো ব্রজসুন্দর্যো বিহরন্তি নিরন্তরম্ ॥ ৭ ॥
নিত্যবৃন্দাবনে রাধ্যা রাধাকৃষ্ণশ্চ গোপিকাঃ ।
মণ্ডলং পূর্ণরাসস্য লীলয়া সংবিতথ্যতে ॥ ৮ ॥
রাধয়া সহ কৃষ্ণেন ক্রিয়তে রাসমণ্ডলম্ ।
কল্পিতানেকরূপেণ মায়যা পরমাত্মনা ॥ ৯ ॥
মাধবরাধয়োর্মধ্যে রাধামাধবয়োরপি ।
মাধবো রাধয়া সার্দ্ধং রাজতে রাসমণ্ডলে ॥ ১০ ॥
গোপালবল্লভা গোপ্যো রাধিকায়াঃ কলাত্মিকাঃ ।
ক্রীডন্তি সহ কৃষ্ণেন রাসমণ্ডলমণ্ডিতাঃ ॥ ১১ ॥
কৃৎবা চানেকরূপাণি গোপীমণ্ডলসংশ্রয়ঃ ।
গোবিন্দো রমতে তত্র তাসাং মধ্যে দ্বয়োর্দ্বয়োঃ ॥ ১২ ॥
প্রেমস্পর্শমণিং কৃষ্ণং শ্লিষ্যন্তো ব্রজয়োষিতঃ ।
ভবন্তি সর্বকালাঢ্যা গোবিন্দহৃদয়ঙ্গমাঃ ॥ ১৩ ॥
একৈকগোপিকাপার্শ্বে হরেরেকৈকবিগ্রহঃ ।
সুবর্ণগুটিকায়োগে মধ্যে মারকতো যথা ॥ ১৪ ॥
হেমকল্পলতাগোপীবাহুভিঃ কণ্ঠমালয়া ।
তমালশ্যামলঃ কৃষ্ণো ঘূর্ণ্যতে রাসলীলয়া ॥ ১৫ ॥
কিঙ্কিণীনূপুরাদীনাং ভূষণানাং চ ভূষণম্ ।
কৈশোরং সফলং কুর্বন্ গোপীভিঃ সহ মোদতে ॥ ১৬ ॥
রাধাকৃষ্ণেতি সঙ্গীতং গোপ্যো গায়ন্তি সুস্বরম্ ।
রাধাকৃষ্ণরীনাত্তহস্তকানুপদক্রমৈঃ ॥ ১৭ ॥
জয় কৃষ্ণ মনোহর যোগধরে যদুনন্দন নন্দকিশোর হরে ।
জয় রাসরসেশ্বরি পূর্ণতমে বরদে বৃষভানুকিশোরি যমে ॥ ১৮ ॥
জয়তীহ কদম্বতলে মিলিতঃ কলবেণুসমীরিতগানরতঃ ।
সহ রাধিকয়া হরিরেকমহঃ সততং তরুণীগণমধ্যগতঃ ॥ ১৯ ॥
বৃষভানুসুতা পরমা প্রকৃতিঃ পুরুষো ব্রজরাজসুতপ্রকৃতিঃ ।
মুহুর্নৃত্যতি গায়তি বাদয়তে সহ গোপিকয়া বিপিনে রমতে ॥ ২০ ॥
যমুনাপুলিনে বৃষভানুসুতা নবকা-ললিতাদি সখীসহিতা ।
রমতে বিধুনা সহ নৃত্যবতা গতিচঞ্চলকুণ্ডলহারবতা ॥ ২১ ॥
স্ফুটপদ্মমুখী বৃষভানুসুতা নবনীতসুকোমলবাহুয়ুতা ।
পরিরভ্য হরিং প্রিয়মাত্মসুখং পরিচুম্বতি শারদচন্দ্রমুখম্ ॥ ২২ ॥
রসিকো ব্রজরাজসুতঃ সুরতে রসিকাং বৃষভানুসুতাং ভজতে ।
নবপল্লবকল্পিততল্পগতাং সুকুমারমনোভবভাববশাম্ ॥ ২৩ ॥
বসুদেবসুতোরসি হেমলতা স্ফুটপীনপয়োধরভারবতা ।
শয়নং কুরুতে বৃষভানুসুতা প্রণমামি সদা বৃষভানুসুতাম্ ।
নবনীরদসুন্দরনীলতনুং তডিদুজ্জ্বলকুণ্ডলিনীং সুতনুম্ ॥ ২৫ ॥
শিথিকণ্ঠশিখণ্ডলসন্মুকুটং কবরীপরিবদ্ধকিরীটঘটাম্(?) ।
কমলাশ্রিতখঞ্জননেত্রয়ুগং মকরাকৃতিকুণ্ডলগণ্ডয়ুগম্ ॥ ২৬ ॥
পরিপূর্ণমৃগাঙ্কসুচারুমুখং মণিকুণ্ডলমণ্ডিতগণ্ডয়ুগম্ ।
কনকাঙ্গদশোভিতবাহুধরং মণিকঙ্কণশোভিতশঙ্খকরাম্ ॥ ২৭ ॥
মণিকৌস্তুভভূষিতহারয়ুতং কুচকুম্ভবিরাজিতহারলতাম্ ।
তুলসীদলদামসুগন্ধিতনুং হরিচন্দনচর্চিতগৌরতনুম্ ॥ ২৮ ॥
তনুভূষিতপীতপটীজডিতং রশনান্বিতনীলনিচোলয়ুতাম্ ।
তরসাঞ্জনদিগ্গজরাজগতিং কলনূপুরহংসবিলাসগতিম্ ॥ ২৯ ॥
রতিনাথমনোহরবেশধরং নিজনাথমনোহরবেশধরাম্ ।
মণিনির্মিতপঙ্কজমধ্যগতং রসরাসমনোহরমধ্যরতাম্ ॥ ৩০ ॥
মুরলীমধুরশ্রুতিরাগপরং স্বরসপ্তসমন্বিতগানপরাম্ ।
নবনায়কবেশকিশোরবয়ো ব্রজরাজসুতঃ সহ রাধিকয়া ॥ ৩১ ॥
ইতরেতরবদ্ধকরভ্রমণং কুরুতে কুসুমায়ুধকেলিবনম্ ।
অধিকেহিতমাধবরাধিকয়োঃ বৃতরাসপরস্পরমণ্ডলয়োঃ ॥ ৩২ ॥
মণিকঙ্কণশিঞ্চিততালবনং হরতে সনকাদিমুনের্মননম্ ।
বৃষভানুসুতা ব্রজরাজসুতঃ কনকপ্রতিমা মণিমারকতঃ ॥ ৩৩ ॥
ভ্রমতীহ যথাবিথি যন্ত্রগতঃ সহয়োগগতো যমিতান্তরিতঃ ।
উভয়োরুভয়োরাধয়োর্দয়িতে পৃথগন্তরিতে বৃষভানুসুতে ॥ ৩৪ ॥
বৃষভানুসুতাভুজবদ্ধগলঃ কুশলী ব্রজরাজসুতঃ সকলঃ ।
যদুনন্দনয়োর্ভুজবদ্ধগলা বৃষভানুসুতা রুচিরা সকলা ॥ ৩৫ ॥
বৃষভানুসুতা ব্রজরাজসুতঃ ব্রজরাজসুতো বৃষভানুসুতা ।
কেলিকদম্বতলে বনমালী নৃত্যতি চঞ্চলচন্দ্রকমৌলী ॥ ৩৬ ॥
রাধিকয়া সহ রাসবিলাসী গোপবধূপ্রিয়গোকুলবাসী ।
ক্রীডতি রাধিকয়া সহ কৃষ্ণঃ শ্রীমুখচন্দ্রসুধারসতৃষ্ণঃ ॥ ৩৭ ॥
নর্তকখঞ্জনলোচনলোলঃ কুণ্ডলমণ্ডিতচারুকপোলঃ ।
কুঞ্জগৃহে কুসুমোত্তমতল্পে সূর্যসুতাজলবায়ুসুকল্পে ॥ ৩৮ ॥
কেশব আদিরসং প্রতিশেতে রাধিকয়া সহ চন্দ্রসুশীতে ।
রাসরসে সুবিরাজিতরাধা চন্দনচর্চিতপঙ্কজগন্ধা ॥ ৩৯ ॥
মাধবসঙ্গমবর্ধিতরঙ্গা পূর্ণমনোরথমন্মথসঙ্গা ।
শোভনকোমলদিব্যশরীরা কৃষ্ণবপুঃপরিমাণকিশোরা ॥ ৪০ ॥
ভাবময়ী বৃষভানুকিশোরী কাঞ্চনচম্পককুঙ্কুমগৌরী ।
রাধয়োরাধয়োর্মধ্যতো মধ্যতো মাধবো মাধবো মণ্ডলে শোভতে ॥ ৪১ ॥
রাধিকা রাধিকা মাধবং চুম্বতি মাধবো মাধবো রাধিকাং শ্লিষ্যতি ।
রাধিকা রাধিকা মাধবং গায়তি মাধতো রাধিকাং বেণুনা গায়তি ॥ ৪২ ॥
কল্পিতে মণ্ডলে রাজতে রাধিকা মাধবপ্রেমসন্দোহসংরাধিকা ।
রাধিকাং রাধিকাং চান্তরেণান্তরঃ মাধবং মাধবং চান্তরেণান্তরা ।
মাধবো মাধবো রাধিকা রাধিকা রাধিকা রাধিকা মাধবো মাধবঃ ॥ ৪৩ ॥
বাসাবতারবিস্তারং বংশীবাদনসুন্দরম্ ।
রতিকামমদাক্রান্তং রাধাকৃষ্ণং ভজাম্যহম্ ॥ ৪৪ ॥
ভ্রমন্তং রাসচক্রেণ নৃত্যন্তং তালশিঞ্জিতৈঃ ।
গোপীভিঃ সহ গায়ন্তং রাধাকৃষ্ণং ভজাম্যহম্ ॥ ৪৫ ॥
রাসমণ্ডলমধ্যস্থং প্রফুল্লবদনাম্বুজম্ ।
অনন্যহৃদয়াসক্তং রাধাকৃষ্ণং ভজাম্যহম্ ॥ ৪৬ ॥
বিদ্যুদ্গৌরং ঘনশ্যামং প্রেমালিঙ্গনতৎপরম্ ।
পরস্পরকমর্দ্ধাঙ্গং রাধাকৃষ্ণং ভজাম্যহম্ ॥ ৪৭ ॥
রাধিকারূপিণং কৃষ্ণং রাধিকাং কৃষ্ণরূপিণীম্ ।
রাসয়োগানুসারেণ রাধাকৃষ্ণং ভজাম্যহম্ ॥ ৪৮ ॥
পুষ্পিতে মাধবীকুঞ্জে পুষ্পতল্পোপরিস্থিতম্ ।
বিপরীতরতাসক্তং রাধাকৃষ্ণং ভজাম্যহম্ ॥ ৪৯ ॥
রাসক্রিডাপরিশ্রান্তং মধুপানপরায়ণম্ ।
তাম্বূলপূর্ণবক্ত্রেন্দুং রাধাকৃষ্ণং ভজাম্যহম্ ॥ ৫০ ॥
রাসোল্লাসকলাপূর্ণং গোপীমণ্ডলমণ্ডিতম্ ।
শ্রীমাধবং রাধিকাখ্যং পূর্ণচন্দ্রমুপাস্মহে ॥ ৫১ ॥
চতুর্বর্গফলং ত্যক্ত্বা শ্রীবৃন্দাবনমধ্যতঃ ।
শ্রীরাধা-শ্রীপাদপদ্মং প্রার্থয়ে জন্মজন্মনি ॥ ৫২ ॥
রাধাকৃষ্ণসুধাসিন্ধুরাসগঙ্গাঙ্গসঙ্গমে ।
অবগাহ্য মনোহংসো বিহরেচ্চ যাথাসুখম্ ॥ ৫৩ ॥
রাসগীতাং পঠেদ্যস্তু শৃণুয়দ্বাপি যো নরঃ ।
বাঞ্চাসিদ্ধির্ভবেত্তস্য ভক্তিঃ স্যাৎ প্রেমলক্ষণা ॥ ৫৪ ॥
লক্ষ্মীস্তস্য বসেদ্গেহে মুখে ভাতি সরস্বতী ।
ধর্মার্থকামকৈবল্যং লভতে সত্যমেব সঃ ॥ ৫৫ ॥
সমাপ্তেয়ং রাসগীতা ।
– Chant Stotra in Other Languages –
Rasa Gita in Sanskrit – English – Bengali – Gujarati – Kannada – Malayalam – Odia – Telugu – Tamil