Runa Vimochana Ganesha Stotram In Kannada

॥ Runa Vimochana Ganesha Stotram Kannada Lyrics ॥

॥ ಋಣ ವಿಮೋಚನ ಗಣೇಶ ಸ್ತೋತ್ರಂ ॥
ಅಸ್ಯ ಶ್ರೀ ಋಣಹರ್ತೃ ಗಣಪತಿ ಸ್ತೋತ್ರ ಮಂತ್ರಸ್ಯ – ಸದಾಶಿವ ಋಷಿಃ – ಅನುಷ್ಟುಪ್ ಛಂದಃ – ಶ್ರೀ ಋಣಹರ್ತೃ ಗಣಪತಿ ದೇವತಾ – ಗೌಂ ಬೀಜಂ – ಗಂ ಶಕ್ತಿಃ – ಗೋಂ ಕೀಲಕಂ – ಸಕಲ ಋಣನಾಶನೇ ವಿನಿಯೋಗಃ ।

ಶ್ರೀ ಗಣೇಶ – ಋಣಂ ಛಿಂದಿ – ವರೇಣ್ಯಂ – ಹುಂ – ನಮಃ – ಫಟ್ ।
ಇತಿ ಕರ ಹೃದಯಾದಿ ನ್ಯಾಸಃ ।

ಧ್ಯಾನಂ
ಸಿಂದೂರವರ್ಣಂ ದ್ವಿಭುಜಂ ಗಣೇಶಂ
ಲಂಬೋದರಂ ಪದ್ಮದಳೇ ನಿವಿಷ್ಟಂ
ಬ್ರಹ್ಮಾದಿದೇವೈಃ ಪರಿಸೇವ್ಯಮಾನಂ
ಸಿದ್ಧೈರ್ಯುತಂ ತಂ ಪ್ರಣಮಾಮಿ ದೇವಂ ॥

ಸ್ತೋತ್ರಂ

ಸೃಷ್ಟ್ಯಾದೌ ಬ್ರಹ್ಮಣಾ ಸಮ್ಯಕ್ಪೂಜಿತಃ ಫಲಸಿದ್ಧಯೇ
ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ ॥ ೧ ॥

ತ್ರಿಪುರಸ್ಯವಧಾತ್ಪೂರ್ವಂ ಶಂಭುನಾ ಸಮ್ಯಗರ್ಚಿತಃ
ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ ॥ ೨ ॥

ಹಿರಣ್ಯಕಶ್ಯಪಾದೀನಾಂ ವಧಾರ್ಥೇ ವಿಷ್ಣುನಾರ್ಚಿತಃ
ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ ॥ ೩ ॥

ಮಹಿಷಸ್ಯವಧೇ ದೇವ್ಯಾ ಗಣನಾಥಃ ಪ್ರಪೂಜಿತಃ
ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ ॥ ೪ ॥

ತಾರಕಸ್ಯ ವಧಾತ್ಪೂರ್ವಂ ಕುಮಾರೇಣ ಪ್ರಪೂಜಿತಃ
ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ ॥ ೫ ॥

ಭಾಸ್ಕರೇಣ ಗಣೇಶೋಹಿ ಪೂಜಿತಶ್ಚ ವಿಶುದ್ಧಯೇ
ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ ॥ ೬ ॥

ಶಶಿನಾ ಕಾಂತಿವೃದ್ಧ್ಯರ್ಥಂ ಪೂಜಿತೋ ಗಣನಾಯಕಃ
ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ ॥ ೭ ॥

See Also  Shiva Ashtottara Sata Namavali In Kannada

ಪಾಲನಾಯ ಚ ತಪಸಾಂ ವಿಶ್ವಾಮಿತ್ರೇಣ ಪೂಜಿತಃ
ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ ॥ ೮ ॥

ಇದಂ ಋಣಹರಂ ಸ್ತೋತ್ರಂ ತೀವ್ರದಾರಿದ್ರ್ಯನಾಶನಂ
ಏಕವಾರಂ ಪಠೇನ್ನಿತ್ಯಂ ವರ್ಷಮೇಕಂ ಸಮಾಹಿತಃ ॥ ೯ ॥

ದಾರಿದ್ರ್ಯಂ ದಾರುಣಂ ತ್ಯಕ್ತ್ವಾ ಕುಬೇರ ಸಮತಾಂ ವ್ರಜೇತ್
ಪಠಂತೋಽಯಂ ಮಹಾಮಂತ್ರಃ ಸಾರ್ಥ ಪಂಚದಶಾಕ್ಷರಃ ॥ ೧೦ ॥

ಶ್ರೀ ಗಣೇಶಂ ಋಣಂ ಛಿಂದಿ ವರೇಣ್ಯಂ ಹುಂ ನಮಃ ಫಟ್
ಇಮಂ ಮಂತ್ರಂ ಪಠೇದಂತೇ ತತಶ್ಚ ಶುಚಿಭಾವನಃ ॥ ೧೧ ॥

ಏಕವಿಂಶತಿ ಸಂಖ್ಯಾಭಿಃ ಪುರಶ್ಚರಣಮೀರಿತಂ
ಸಹಸ್ರವರ್ತನ ಸಮ್ಯಕ್ ಷಣ್ಮಾಸಂ ಪ್ರಿಯತಾಂ ವ್ರಜೇತ್ ॥ ೧೨ ॥

ಬೃಹಸ್ಪತಿ ಸಮೋ ಜ್ಞಾನೇ ಧನೇ ಧನಪತಿರ್ಭವೇತ್
ಅಸ್ಯೈವಾಯುತ ಸಂಖ್ಯಾಭಿಃ ಪುರಶ್ಚರಣ ಮೀರಿತಃ ॥ ೧೩ ॥

ಲಕ್ಷಮಾವರ್ತನಾತ್ ಸಮ್ಯಗ್ವಾಂಛಿತಂ ಫಲಮಾಪ್ನುಯಾತ್
ಭೂತ ಪ್ರೇತ ಪಿಶಾಚಾನಾಂ ನಾಶನಂ ಸ್ಮೃತಿಮಾತ್ರತಃ ॥ ೧೪ ॥

ಇತಿ ಶ್ರೀಕೃಷ್ಣಯಾಮಲ ತಂತ್ರೇ ಉಮಾ ಮಹೇಶ್ವರ ಸಂವಾದೇ ಋಣಹರ್ತೃ ಗಣೇಶ ಸ್ತೋತ್ರಂ ಸಮಾಪ್ತಂ ॥

– Chant Stotra in Other Languages –

Runa Vimochana Ganesha Stotram in EnglishSanskrit – Kannada – TeluguTamil