॥ Sankashtaharanam Ganeshashtakam Gujarati Lyrics ॥
॥ સઙ્કષ્ટહરણં ગણેશાષ્ટકમ્ અથવા વક્રતુણ્ડસ્તોત્રમ્ ॥
શ્રીગણેશાય નમઃ ।
ૐ અસ્ય શ્રીસઙ્કષ્ટહરણસ્તોત્રમન્ત્રસ્ય શ્રીમહાગણપતિર્દેવતા,
સંકષ્ટહરણાર્થ જપે વિનિયોગઃ ।
ૐ ૐ ૐકારરૂપં ત્ર્યહમિતિ ચ પરં યત્સ્વરૂપં તુરીયં var ૐકારરૂપં હિમકરરુચિરં
ત્રૈગુણ્યાતીતનીલં કલયતિ મનસસ્તેજ-સિન્દૂર-મૂર્તિમ્ ।
યોગીન્દ્રૈર્બ્રહ્મરન્ધ્રૈઃ સકલ-ગુણમયં શ્રીહરેન્દ્રેણ સઙ્ગં
ગં ગં ગં ગં ગણેશં ગજમુખમભિતો વ્યાપકં ચિન્તયન્તિ ॥ ૧ ॥
વં વં વં વિઘ્નરાજં ભજતિ નિજભુજે દક્ષિણે ન્યસ્તશુણ્ડં
ક્રં ક્રં ક્રં ક્રોધમુદ્રા-દલિત-રિપુબલં કલ્પવૃક્ષસ્ય મૂલે ।
દં દં દં દન્તમેકં દધતિ મુનિમુખં કામધેન્વા નિષેવ્યં
ધં ધં ધં ધારયન્તં ધનદમતિઘિયં સિદ્ધિ-બુદ્ધિ-દ્વિતીયમ્ ॥ ૨ ॥
તું તું તું તુઙ્ગરૂપં ગગનપથિ ગતં વ્યાપ્નુવન્તં દિગન્તાન્
ક્લીં ક્લીં ક્લીં કારનાથં ગલિતમદમિલલ્લોલ-મત્તાલિમાલમ્ ।
હ્રીં હ્રીં હ્રીં કારપિઙ્ગં સકલમુનિવર-ધ્યેયમુણ્ડં ચ શુણ્ડં
શ્રીં શ્રીં શ્રીં શ્રીં શ્રયન્તં નિખિલ-નિધિકુલં નૌમિ હેરમ્બબિમ્બમ્ ॥ ૩ ॥
લૌં લૌં લૌં કારમાદ્યં પ્રણવમિવ પદં મન્ત્રમુક્તાવલીનાં
શુદ્ધં વિઘ્નેશબીજં શશિકરસદૃશં યોગિનાં ધ્યાનગમ્યમ્ ।
ડં ડં ડં ડામરૂપં દલિતભવભયં સૂર્યકોટિપ્રકાશં
યં યં યં યજ્ઞનાથં જપતિ મુનિવરો બાહ્યમભ્યન્તરં ચ ॥ ૪ ॥
હું હું હું હેમવર્ણં શ્રુતિ-ગણિત-ગુણં શૂર્પકણં કૃપાલું
ધ્યેયં સૂર્યસ્ય બિમ્બં હ્યુરસિ ચ વિલસત્ સર્પયજ્ઞોપવીતમ્ ।
સ્વાહા હું ફટ્ નમોઽન્તૈષ્ઠ-ઠઠઠ-સહિતૈઃ પલ્લવૈઃ સેવ્યમાનં
મન્ત્રાણાં સપ્તકોટિ-પ્રગુણિત-મહિમાધારમીશં પ્રપદ્યે ॥ ૫ ॥
પૂર્વં પીઠં ત્રિકોણં તદુપરિ-રુચિરં ષટ્કપત્રં પવિત્રં
યસ્યોર્ધ્વં શુદ્ધરેખા વસુદલ કમલં વા સ્વતેજશ્ચતુસ્રમ્ ।
મધ્યે હુઙ્કાર બીજં તદનુ ભગવતઃ સ્વાઙ્ગષટ્કં ષડસ્રે
અષ્ટૌ શક્તીશ્ચ સિદ્ધીર્બહુલગણપતિર્વિષ્ટરશ્ચાઽષ્ટકં ચ ॥ ૬ ॥
ધર્માદ્યષ્ટૌ પ્રસિદ્ધા દશદિશિ વિદિતા વા ધ્વજાલ્યઃ કપાલં
તસ્ય ક્ષેત્રાદિનાથં મુનિકુલમખિલં મન્ત્રમુદ્રામહેશમ્ ।
એવં યો ભક્તિયુક્તો જપતિ ગણપતિં પુષ્પ-ધૂપા-ઽક્ષતાદ્યૈ-
ર્નૈવેદ્યૈર્મોદકાનાં સ્તુતિયુત-વિલસદ્-ગીતવાદિત્ર-નાદૈઃ ॥ ૭ ॥
રાજાનસ્તસ્ય ભૃત્યા ઇવ યુવતિકુલં દાસવત્ સર્વદાસ્તે
લક્ષ્મીઃ સર્વાઙ્ગયુક્તા શ્રયતિ ચ સદનં કિઙ્કરાઃ સર્વલોકાઃ ।
પુત્રાઃ પુત્ર્યઃ પવિત્રા રણભુવિ વિજયી દ્યૂતવાદેઽપિ વીરો
યસ્યેષો વિઘ્નરાજો નિવસતિ હૃદયે ભક્તિભાગ્યસ્ય રુદ્રઃ ॥ ૮ ॥
॥ ઇતિ સઙ્કષ્ટહરણં ગણેશાષ્ટકં અથવા વક્રતુણ્ડસ્તોત્રં સમ્પૂર્ણમ્ ॥
– Chant Stotra in Other Languages –
Sri Ganapathi Slokam » Sankashtaharanam Ganeshashtakam Lyrics in Sanskrit » English » Bengali » Kannada » Malayalam » Odia » Telugu » Tamil