॥ Krishna Sahasranama Stotram from Satvatatantra Bengali Lyrics ॥
॥ শ্রীকৃষ্ণসহস্রনামস্তোত্রম্ সাত্বততন্ত্রে ॥
শ্রীনারদ উবাচ ।
কথিতং মে ত্বয়া দেব হরিনামানুকীর্তনম্ ।
পাপাপহং মহাসৌখ্যং ভগবদ্ভক্তিকারণম্ ॥ ১ ॥
তত্রাহং য়ানি নামানি কীর্তয়ামি সুরোত্তম ।
তান্যহং জ্ঞাতুমিচ্ছামি সাকল্যেন কুতূহলাত্ ॥ ২ ॥
শ্রীশিব উবাচ ।
ভূম্যম্বুতেজসাং য়ে বৈ পরমাণূনপি দ্বিজ ।
শক্যন্তে গণিতুং ভূয়ো জন্মভির্ন হরের্গুণান্ ॥ ৩ ॥
তথাপি মুখ্যং বক্ষ্যামি শ্রীবিষ্ণোঃ পরমাদ্ভুতম্ ।
নাম্নাং সহস্রং পার্বত্যৈ য়দিহোক্তং কৃপালুনা ॥ ৪ ॥
সমাধিনিষ্ঠং মাং দৃষ্ট্বা পার্বতী বরবর্ণিনী ।
অপৃচ্ছত্পরমং দেবং ভগবন্তং জগদ্গুরুম্ ॥ ৫ ॥
তদা তস্যৈ ময়া প্রোক্তো মত্পরো জগদীশ্বরঃ ।
নাম্নাং সহস্রং চ তথা গুণকর্মানুসারতঃ ॥ ৬ ॥
তদহং তেঽভিবক্ষ্যামি মহাভাগবতো ভবান্ ।
য়স্যৈকস্মরণেনৈব পুমান্ সিদ্ধিমবাপ্নুয়াত্ ॥ ৭ ॥
উদ্যন্নবীনজলদাভমকুণ্ঠধিষ্ণ্যং বিদ্যোতিতানলমনোহরপীতবাসম্ ।
ভাস্বন্ময়ূখমুকুটাঙ্গদহারয়ুক্তং কাঞ্চীকলাপবলয়াঙ্গুলিভির্বিভাতম্ ॥ ৮ ॥
ব্রহ্মাদিদেবগণবন্দিতপাদপদ্যং শ্রীসেবিতং সকলসুন্দরসংনিবেশম্ ।
গোগোপবনিতামুনিবৃন্দজুষ্টং কৃষ্ণং পুরাণপুরুষং মনসা স্মরামি ॥ ৯ ॥
ওং নমো বাসুদেবায় কৃষ্ণায় পরমাত্মনে ।
প্রণতক্লেশসংহর্ত্রে পরমানন্দদায়িনে ॥ ১০ ॥
ওং শ্রীকৃষ্ণঃ শ্রীপতিঃ শ্রীমান্ শ্রীধরঃ শ্রীসুখাশ্রয়ঃ ।
শ্রীদাতা শ্রীকরঃ শ্রীশঃ শ্রীসেব্যঃ শ্রীবিভাবনঃ ॥ ১১ ॥
পরমাত্মা পরং ব্রহ্ম পরেশঃ পরমেশ্বরঃ ।
পরানন্দঃ পরং ধাম পরমানন্দদায়কঃ ॥ ১২ ॥
নিরালম্বো নির্বিকারো নির্লেপো নিরবগ্রহঃ ।
নিত্যানন্দো নিত্যমুক্তো নিরীহো নিস্পৃহপ্রিয়ঃ ॥ ১৩ ॥
প্রিয়ংবদঃ প্রিয়করঃ প্রিয়দঃ প্রিয়সঞ্জনঃ ।
প্রিয়ানুগঃ প্রিয়ালম্বী প্রিয়কীর্তিঃ প্রিয়াত্প্রিয়ঃ ॥ ১৪ ॥
মহাত্যাগী মহাভোগী মহায়োগী মহাতপাঃ ।
মহাত্মা মহতাং শ্রেষ্ঠো মহালোকপতির্মহান্ ॥ ১৫ ॥
সিদ্ধার্থঃ সিদ্ধসঙ্কল্পঃ সিদ্ধিদঃ সিদ্ধসাধনঃ ।
সিদ্ধেশঃ সিদ্ধমার্গাগ্রঃ সিদ্ধলোকৈকপালকঃ ॥ ১৬ ॥
ইষ্টো বিশিষ্টঃ শিষ্টেষ্টো মহিষ্ঠো জিষ্ণুরুত্তমঃ ।
জ্যেষ্ঠঃ শ্রেষ্ঠশ্চ সর্বেষ্টো বিষ্ণুর্ভ্রাজিষ্ণুরব্যয়ঃ ॥ ১৭ ॥
বিভুঃ শম্ভুঃ প্রভুর্ভূমা স্বভূঃ স্বানন্দমূর্তিমান্ ।
প্রীতিমান্ প্রীতিদাতা চ প্রীতিদঃ প্রীতিবর্ধনঃ ॥ ১৮ ॥
য়োগেশ্বরো য়োগগম্যো য়োগীশো য়োগপারগঃ ।
য়োগদাতা য়োগপতির্যোগসিদ্ধিবিধায়কঃ ॥ ১৯ ॥
সত্যব্রতঃ সত্যপরঃ ত্রিসত্যঃ সত্যকারণঃ ।
সত্যাশ্রয়ঃ সত্যহরঃ সত্পালিঃ সত্যবর্ধনঃ ॥ ২০ ॥
সর্বানন্দঃ সর্বহরঃ সর্বগঃ সর্ববশ্যকৃত্ ।
সর্বপাতা সর্বসুখঃ সর্বশ্রুতিগণার্ণবঃ ॥ ২১ ॥
জনার্দনো জগন্নাথো জগত্ত্রাতা জগত্পিতা ।
জগত্কর্তা জগদ্ধর্তা জগদানন্দমূর্তিমান্ ॥ ২২ ॥
ধরাপতির্লোকপতিঃ স্বর্পতির্জগতাম্পতিঃ ।
বিদ্যাপতির্বিত্তপতিঃ সত্পতিঃ কমলাপতিঃ ॥ ২৩ ॥
চতুরাত্মা চতুর্বাহুশ্চতুর্বর্গফলপ্রদঃ ।
চতুর্ব্যূহশ্চতুর্ধামা চতুর্যুগবিধায়কঃ ॥ ২৪ ॥
আদিদেবো দেবদেবো দেবেশো দেবধারণঃ ।
দেবকৃদ্দেবভৃদ্দেবো দেবেডিতপদাম্বুজঃ ॥ ২৫ ॥
বিশ্বেশ্বরো বিশ্বরূপী বিশ্বাত্মা বিশ্বতোমুখঃ ।
বিশ্বসূর্বিশ্বফলদো বিশ্বগো বিশ্বনায়কঃ ॥ ২৬ ॥
ভূতকৃদ্ভূতভৃদ্ভাবো ভূতাত্মা ভূতভাবনঃ ।
ভূতিদো ভূতিবিস্তারো বিভূতির্ভূতিপালকঃ ॥ ২৭ ॥
নারায়ণো নারশায়ী নারসূর্নারজীবনঃ ।
নারৈকফলদো নারমুক্তিদো নারনায়কঃ ॥ ২৮ ॥
সহস্ররূপঃ সাহস্রনামা সাহস্রবিগ্রহঃ ।
সহস্রশীর্ষা সাহস্রপাদাক্ষিভুজশীর্ষবান্ ॥ ২৯ ॥
পদ্মনাভঃ পদ্মগর্ভঃ পদ্মী পদ্মনিভেক্ষণঃ ।
পদ্মশায়ী পদ্মমালী পদ্মাঙ্কিতপদদ্বয়ঃ ॥ ৩০ ॥
বীর্যবান্ স্থৈর্যবান্ বাগ্মী শৌর্যবান্ ধৈর্যবান্ ক্ষমী ।
ধীমান্ ধর্মপরো ভোগী ভগবান্ ভয়নাশনঃ ॥ ৩১ ॥
জয়ন্তো বিজয়ো জেতা জয়দো জয়বর্ধনঃ ।
অমানী মানদো মান্যো মহিমাবান্মহাবলঃ ॥ ৩২ ॥
সন্তুষ্টস্তোষদো দাতা দমনো দীনবত্সলঃ ।
জ্ঞানী য়শস্বান্ ধৃতিমান্ সহ ওজোবলাশ্রয়ঃ ॥ ৩৩ ॥
হয়গ্রীবো মহাতেজা মহার্ণববিনোদকৃত্ ।
মধুকৈটভবিধ্বংসী বেদকৃদ্বেদপালকঃ ॥ ৩৪ ॥
সনত্কুমারঃ সনকঃ সনন্দশ্চ সনাতনঃ ।
অখণ্ডব্রহ্মব্রতবানাত্মা য়োগবিবেচকঃ ॥ ৩৫ ॥
শ্রীনারদো দেবঋষিঃ কর্মাকর্মপ্রবর্তকঃ ।
সাত্বতাগমকৃল্লোকহিতাহিতপ্রসূচকঃ ॥ ৩৬ ॥
আদিকালো য়জ্ঞতত্ত্বং ধাতৃনাসাপুটোদ্ভবঃ ।
দন্তাগ্রন্যস্তভূগোলো হিরণ্যাক্ষবলান্তকঃ ॥ ৩৭ ॥
পৃথ্বীপতিঃ শীঘ্রবেগো রোমান্তর্গতসাগরঃ ।
শ্বাসাবধূতহেমাদ্রিঃ প্রজাপতিপতিস্তুতঃ ॥ ৩৮ ॥
অনন্তো ধরণীভর্তা পাতালতলবাসকৃত্ ।
কামাগ্নিজবনো নাগরাজরাজো মহাদ্যুতিঃ ॥ ৩৯ ॥
মহাকূর্মো বিশ্বকায়ঃ শেষভুক্সর্বপালকঃ ।
লোকপিতৃগণাধীশঃ পিতৃস্তুতমহাপদঃ ॥ ৪০ ॥
কৃপাময়ঃ স্বয়ং ব্যক্তির্ধ্রুবপ্রীতিবিবর্ধনঃ ।
ধ্রুবস্তুতপদো বিষ্ণুলোকদো লোকপূজিতঃ ॥ ৪১ ॥
শুক্লঃ কর্দমসন্তপ্তস্তপস্তোষিতমানসঃ ।
মনোঽভীষ্টপ্রদো হর্ষবিন্দ্বঞ্চিতসরোবরঃ ॥ ৪২ ॥
য়জ্ঞঃ সুরগণাধীশো দৈত্যদানবঘাতকঃ ।
মনুত্রাতা লোকপালো লোকপালকজন্মকৃত্ ॥ ৪৩ ॥
কপিলাখ্যঃ সাঙ্খ্যপাতা কর্দমাঙ্গসমুদ্ভবঃ ।
সর্বসিদ্ধগণাধীশো দেবহূতিগতিপ্রদঃ ॥ ৪৪ ॥
দত্তোঽত্রিতনয়ো য়োগী য়োগমার্গপ্রদর্শকঃ ।
অনসূয়ানন্দকরঃ সর্বয়োগিজনস্তুতঃ ॥ ৪৫ ॥
নারায়ণো নরঋষির্ধর্মপুত্রো মহামনাঃ ।
মহেশশূলদমনো মহেশৈকবরপ্রদঃ ॥ ৪৬ ॥
আকল্পান্ততপোধীরো মন্মথাদিমদাপহঃ ।
ঊর্বশীসৃগ্জিতানঙ্গো মার্কণ্ডেয়প্রিয়প্রদঃ ॥ ৪৭ ॥
ঋষভো নাভিসুখদো মেরুদেবীপ্রিয়াত্মজঃ ।
য়োগিরাজদ্বিজস্রষ্টা য়োগচর্যাপ্রদর্শকঃ ॥ ৪৮ ॥
অষ্টবাহুর্দক্ষয়জ্ঞপাবনোঽখিলসত্কৃতঃ ।
দক্ষেশদ্বেষশমনো দক্ষজ্ঞানপ্রদায়কঃ ॥ ৪৯ ॥
প্রিয়ব্রতকুলোত্পন্নো গয়নামা মহায়শাঃ ।
উদারকর্মা বহুবিন্মহাগুণগণার্ণবঃ ॥ ৫০ ॥
হংসরূপী তত্ত্ববক্তা গুণাগুণবিবেচকঃ ।
ধাতৃলজ্জাপ্রশমনো ব্রহ্মচারিজনপ্রিয়ঃ ॥ ৫১ ॥
বৈশ্যঃ পৃথুঃ পৃথ্বিদোগ্ধা সর্বজীবনদোহকৃত্ ।
আদিরাজো জনাবাসকারকো ভূসমীকরঃ ॥ ৫২ ॥
প্রচেতোঽভিষ্টুতপদঃ শান্তমূর্তিঃ সুদর্শনঃ ।
দিবারাত্রিগণাধীশঃ কেতুমানজনাশ্রয়ঃ ॥ ৫৩ ॥
শ্রীকামদেবঃ কমলাকামকেলিবিনোদকৃত্ ।
স্বপাদরতিদোঽভীষ্টসুখদো দুঃখনাশনঃ ॥ ৫৪ ॥
বিভুর্ধর্মভৃতাং শ্রেষ্ঠো বেদশীর্ষো দ্বিজাত্মজঃ ।
অষ্টাশীতিসহস্রাণাং মুনীনামুপদেশদঃ ॥ ৫৫ ॥
সত্যসেনো য়ক্ষরক্ষোদহনো দীনপালকঃ ।
ইন্দ্রমিত্রঃ সুরারিঘ্নঃ সূনৃতাধর্মনন্দনঃ ॥ ৫৬ ॥
হরির্গজবরত্রাতা গ্রাহপাশবিনাশকঃ ।
ত্রিকূটাদ্রিবনশ্লাঘী সর্বলোকহিতৈষণঃ ॥ ৫৭ ॥
বৈকুণ্ঠশুভ্রাসুখদো বিকুণ্ঠাসুন্দরীসুতঃ ।
রমাপ্রিয়করঃ শ্রীমান্নিজলোকপ্রদর্শকঃ ॥ ৫৮ ॥
বিপ্রশাপপরীখিন্ননির্জরার্তিনিবারণঃ ।
দুগ্ধাব্ধিমথনো বিপ্রো বিরাজতনয়োঽজিতঃ ॥ ৫৯ ॥
মন্দারাদ্রিধরঃ কূর্মো দেবদানবশর্মকৃত্ ।
জম্বূদ্বীপসমঃ স্রষ্টা পীয়ূষোত্পত্তিকারণম্ ॥ ৬০ ॥
ধন্বন্তরী রুক্।গ্শমনোঽমৃতধুক্রুক্প্রশান্তকঃ ।
আয়ুর্বেদকরো বৈদ্যরাজো বিদ্যাপ্রদায়কঃ ॥ ৬১ ॥
দেবাভয়করো দৈত্যমোহিনী কামরূপিণী ।
গীর্বাণামৃতপো দুষ্টদৈত্যদানববঞ্চকঃ ॥ ৬২ ॥
মহামত্স্যো মহাকায়ঃ শল্কান্তর্গতসাগরঃ ।
বেদারিদৈত্যদমনো ব্রীহিবীজসুরক্ষকঃ ॥ ৬৩ ॥
পুচ্ছাঘাতভ্রমত্সিন্ধুঃ সত্যব্রতপ্রিয়প্রদঃ ।
ভক্তসত্যব্রতত্রাতা য়োগত্রয়প্রদর্শকঃ ॥ ৬৪ ॥
নরসিংহো লোকজিহ্বঃ শঙ্কুকর্ণো নখায়ুধঃ ।
সটাবধূতজলদো দন্তদ্যুতিজিতপ্রভঃ ॥ ৬৫ ॥
হিরণ্যকশিপুধ্বংসী বহুদানবদর্পহা ।
প্রহ্লাদস্তুতপাদাব্জো ভক্তসংসারতাপহা ॥ ৬৬ ॥
ব্রহ্মেন্দ্ররুদ্রভীতিঘ্নো দেবকার্যপ্রসাধকঃ ।
জ্বলজ্জ্বলনসঙ্কাশঃ সর্বভীতিবিনাশকঃ ॥ ৬৭ ॥
মহাকলুষবিধ্বংসী সর্বকামবরপ্রদঃ ।
কালবিক্রমসংহর্তা গ্রহপীডাবিনাশকঃ ॥ ৬৮ ॥
সর্বব্যাধিপ্রশমনঃ প্রচণ্ডরিপুদণ্ডকৃত্ ।
উগ্রভৈরবসন্ত্রস্তহরার্তিবিনিবারকঃ ॥ ৬৯ ॥
ব্রহ্মচর্মাবৃতশিরাঃ শিবশীর্ষৈকনূপুরঃ ।
দ্বাদশাদিত্যশীর্ষৈকমণির্দিক্পালভূষণঃ ॥ ৭০ ॥
বামনোঽদিতিভীতিঘ্নো দ্বিজাতিগণমণ্ডনঃ ।
ত্রিপদব্যাজয়াঞ্চাপ্তবলিত্রৈলোক্যসম্পদঃ ॥ ৭১ ॥
পন্নখক্ষতব্রহ্মাণ্ডকটাহোঽমিতবিক্রমঃ । pannagakShata?
স্বর্ধুনীতীর্থজননো ব্রহ্মপূজ্যো ভয়াপহঃ ॥ ৭২ ॥
স্বাঙ্ঘ্রিবারিহতাঘৌঘো বিশ্বরূপৈকদর্শনঃ ।
বলিপ্রিয়করো ভক্তস্বর্গদোগ্ধা গদাধরঃ ॥ ৭৩ ॥
জামদগ্ন্যো মহাবীর্যঃ পরশুভৃত্কার্তবীর্যজিত্ ।
সহস্রার্জুনসংহর্তা সর্বক্ষত্রকুলান্তকঃ ॥ ৭৪ ॥
নিঃক্ষত্রপৃথ্বীকরণো বীরজিদ্বিপ্ররাজ্যদঃ ।
দ্রোণাস্ত্রবেদপ্রবদো মহেশগুরুকীর্তিদঃ ॥ ৭৫ ॥
সূর্যবংশাব্জতরণিঃ শ্রীমদ্দশরথাত্মজঃ ।
শ্রীরামো রামচন্দ্রশ্চ রামভদ্রোঽমিতপ্রভঃ ॥ ৭৬ ॥
নীলবর্ণপ্রতীকাশঃ কৌসল্যাপ্রাণজীবনঃ ।
পদ্মনেত্রঃ পদ্মবক্ত্রঃ পদ্মাঙ্কিতপদাম্বুজঃ ॥ ৭৭ ॥
প্রলম্ববাহুশ্চার্বঙ্গো রত্নাভরণভূষিতঃ ।
দিব্যাম্বরো দিব্যধনুর্দিষ্টদিব্যাস্ত্রপারগঃ ॥ ৭৮ ॥
নিস্ত্রিংশপাণির্বীরেশোঽপরিমেয়পরাক্রমঃ ।
বিশ্বামিত্রগুরুর্ধন্বী ধনুর্বেদবিদুত্তমঃ ॥ ৭৯ ॥
ঋজুমার্গনিমিত্তেষু সঙ্ঘতাডিততাডকঃ ।
সুবাহুর্বাহুবীর্যাঢ্যবহুরাক্ষসঘাতকঃ ॥ ৮০ ॥
প্রাপ্তচণ্ডীশদোর্দণ্ডচণ্ডকোদণ্ডখণ্ডনঃ ।
জনকানন্দজনকো জানকীপ্রিয়নায়কঃ ॥ ৮১ ॥
অরাতিকুলদর্পঘ্নো ধ্বস্তভার্গববিক্রমঃ ।
পিতৃবাক্ত্যক্তরাজ্যশ্রীবনবাসকৃতোত্সবঃ ॥ ৮২ ॥
বিরাধরাধদমনশ্চিত্রকূটাদ্রিমন্দিরঃ ।
দ্বিজশাপসমুচ্ছন্নদণ্ডকারণ্যকর্মকৃত্ ॥ ৮৩ ॥
চতুর্দশসহস্রোগ্ররাক্ষসঘ্নঃ খরান্তকঃ ।
ত্রিশিরঃপ্রাণশমনো দুষ্টদূষণদূষণঃ ॥ ৮৪ ॥
ছদ্মমারীচমথনো জানকীবিরহার্তিহৃত্ ।
জটায়ুষঃ ক্রিয়াকারী কবন্ধবধকোবিদঃ ॥ ৮৫ ॥
ঋষ্যমূকগুহাবাসী কপিপঞ্চমসখ্যকৃত্ ।
বামপাদাগ্রনিক্ষিপ্তদুন্দুভ্যস্থিবৃহদ্গিরিঃ ॥ ৮৬ ॥
সকণ্টকারদুর্ভেদসপ্ততালপ্রভেদকঃ ।
কিষ্কিন্ধাধিপবালিঘ্নো মিত্রসুগ্রীবরাজ্যদঃ ॥ ৮৭ ॥
আঞ্জনেয়স্বলাঙ্গূলদগ্ধলঙ্কামহোদয়ঃ ।
সীতাবিরহবিস্পষ্টরোষক্ষোভিতসাগরঃ ॥ ৮৮ ॥
গিরিকূটসমুত্ক্ষেপসমুদ্রাদ্ভুতসেতুকৃত্ ।
পাদপ্রহারসন্ত্রস্তবিভীষণভয়াপহঃ ॥ ৮৯ ॥
অঙ্গদোক্তিপরিক্লিষ্টঘোররাবণসৈন্যজিত্ ।
নিকুম্ভকুম্ভধূম্রাক্ষকুম্ভকর্ণাদিবীরহা ॥ ৯০ ॥
কৈলাসসহনোন্মত্তদশাননশিরোহরঃ ।
অগ্নিসংস্পর্শসংশুদ্ধসীতাসংবরণোত্সুকঃ ॥ ৯১ ॥
কপিরাক্ষসরাজাঙ্গপ্রাপ্তরাজ্যনিজাশ্রয়ঃ ।
অয়োধ্যাধিপতিঃ সর্বরাজন্যগণশেখরঃ ॥ ৯২ ॥
অচিন্ত্যকর্মা নৃপতিঃ প্রাপ্তসিংহাসনোদয়ঃ ।
দুষ্টদুর্বুদ্ধিদলনো দীনহীনৈকপালকঃ ॥ ৯৩ ॥
সর্বসম্পত্তিজননস্তির্যঙ্ন্যায়বিবেচকঃ ।
শূদ্রঘোরতপঃপ্লুষ্টদ্বিজপুত্রৈকজীবনঃ ॥ ৯৪ ॥
দুষ্টবাক্ক্লিষ্টহৃদয়ঃ সীতানির্বাসকারকঃ ।
তুরঙ্গমেধক্রতুয়াট্শ্রীমত্কুশলবাত্মজঃ ॥ ৯৫ ॥
সত্যার্থত্যক্তসৌমিত্রিঃ সূন্নীতজনসঙ্গ্রহঃ ।
সত্কর্ণপূরসত্কীর্তিঃ কীর্ত্যালোকাঘনাশনঃ ॥ ৯৬ ॥
ভরতো জ্যেষ্ঠপাদাব্জরতিত্যক্তনৃপাসনঃ ।
সর্বসদ্গুণসম্পন্নঃ কোটিগন্ধর্বনাশকঃ ॥ ৯৭ ॥
লক্ষ্মণো জ্যেষ্ঠনিরতো দেববৈরিগণান্তকঃ ।
ইন্দ্রজিত্প্রাণশমনো ভ্রাতৃমান্ ত্যক্তবিগ্রহঃ ॥ ৯৮ ॥
শত্রুঘ্নোঽমিত্রশমনো লবণান্তককারকঃ ।
আর্যভ্রাতৃজনশ্লাঘ্যঃ সতাং শ্লাঘ্যগুণাকরঃ ॥ ৯৯ ॥
বটপত্ত্রপুটস্থায়ী শ্রীমুকুন্দোঽখিলাশ্রয়ঃ ।
তনূদরার্পিতজগন্মৃকণ্ডতনয়ঃ খগঃ ॥ ১০০ ॥
আদ্যো দেবগণাগ্রণ্যো মিতস্তুতিনতিপ্রিয়ঃ ।
বৃত্রঘোরতনুত্রস্তদেবসন্মন্ত্রসাধকঃ ॥ ১০১ ॥
ব্রহ্মণ্যো ব্রাহ্মণশ্লাঘী ব্রহ্মণ্যজনবত্সলঃ ।
গোষ্পদাপ্সুগলদ্গাত্রবালখিল্যজনাশ্রয়ঃ ॥ ১০২ ॥
দৌস্বস্তির্যজ্বনাং শ্রেষ্ঠো নৃপবিস্ময়কারকঃ ।
তুরঙ্গমেধবহুকৃদ্বদান্যগণশেখরঃ ॥ ১০৩ ॥
বাসবীতনয়ো ব্যাসো বেদশাখানিরূপকঃ ।
পুরাণভারতাচার্যঃ কলিলোকহিতৈষণঃ ॥ ১০৪ ॥
রোহিণীহৃদয়ানন্দো বলভদ্রো বলাশ্রয়ঃ ।
সঙ্কর্ষণঃ সীরপাণিঃ মুসলাস্ত্রোঽমলদ্যুতিঃ ॥ ১০৫ ॥
শঙ্খকুন্দেন্দুশ্বেতাঙ্গস্তালভিদ্ধেনুকান্তকঃ ।
মুষ্টিকারিষ্টহননো লাঙ্গলাকৃষ্টয়ামুনঃ ॥ ১০৬ ॥
প্রলম্বপ্রাণহা রুক্মীমথনো দ্বিবিদান্তকঃ ।
রেবতীপ্রীতিদো রামারমণো বল্বলান্তকঃ ॥ ১০৭ ॥
হস্তিনাপুরসঙ্কর্ষী কৌরবার্চিতসত্পদঃ ।
ব্রহ্মাদিস্তুতপাদাব্জো দেবয়াদবপালকঃ ॥ ১০৮ ॥
মায়াপতির্মহামায়ো মহামায়ানিদেশকৃত্ ।
য়দুবংশাব্ধিপূর্ণেন্দুর্বলদেবপ্রিয়ানুজঃ ॥ ১০৯ ॥
নরাকৃতিঃ পরং ব্রহ্ম পরিপূর্ণঃ পরোদয়ঃ ।
সর্বজ্ঞানাদিসম্পূর্ণঃ পূর্ণানন্দঃ পুরাতনঃ ॥ ১১০ ॥
পীতাম্বরঃ পীতনিদ্রঃ পীতবেশ্মমহাতপাঃ ।
মহোরস্কো মহাবাহুর্মহার্হমণিকুণ্ডলঃ ॥ ১১১ ॥
লসদ্গণ্ডস্থলীহৈমমৌলিমালাবিভূষিতঃ ।
সুচারুকর্ণঃ সুভ্রাজন্মকরাকৃতিকুণ্ডলঃ ॥ ১১২ ॥
নীলকুঞ্চিতসুস্নিগ্ধকুন্তলঃ কৌমুদীমুখঃ ।
সুনাসঃ কুন্দদশনো লসত্কোকনদাধরঃ ॥ ১১৩ ॥
সুমন্দহাসো রুচিরভ্রূমণ্ডলবিলোকনঃ ।
কম্বুকণ্ঠো বৃহদ্ব্রহ্মা বলয়াঙ্গদভূষণঃ ॥ ১১৪ ॥
কৌস্তুভী বনমালী চ শঙ্খচক্রগদাব্জভৃত্ ।
শ্রীবত্সলক্ষ্ম্যা লক্ষ্যাঙ্গঃ সর্বলক্ষণলক্ষণঃ ॥ ১১৫ ॥
দলোদরো নিম্ননাভির্নিরবদ্যো নিরাশ্রয়ঃ ।
নিতম্ববিম্বব্যালম্বিকিঙ্কিণীকাঞ্চিমণ্ডিতঃ ॥ ১১৬ ॥
সমজঙ্ঘাজানুয়ুগ্মঃ সুচারুরুচিরাজিতঃ ।
ধ্বজবজ্রাঙ্কুশাম্ভোজশরাঙ্কিতপদাম্বুজঃ ॥ ১১৭ ॥
ভক্তভ্রমরসঙ্ঘাতপীতপাদাম্বুজাসবঃ ।
নখচন্দ্রমণিজ্যোত্স্নাপ্রকাশিতমহামনাঃ ॥ ১১৮ ॥
পাদাম্বুজয়ুগন্যস্তলসন্মঞ্জীররাজিতঃ ।
স্বভক্তহৃদয়াকাশলসত্পঙ্কজবিস্তরঃ ॥ ১১৯ ॥
সর্বপ্রাণিজনানন্দো বসুদেবনুতিপ্রিয়ঃ ।
দেবকীনন্দনো লোকনন্দিকৃদ্ভক্তভীতিভিত্ ॥ ১২০ ॥
শেষানুগঃ শেষশায়ী য়শোদানতিমানদঃ ।
নন্দানন্দকরো গোপগোপীগোকুলবান্ধবঃ ॥ ১২১ ॥
সর্বব্রজজনানন্দী ভক্তবল্লভববল্লভঃ ।
বল্যব্যঙ্গলসদ্গাত্রো বল্লবীবাহুমধ্যগঃ ॥ ১২২ ॥
পীতপূতনিকাস্তন্যঃ পূতনাপ্রাণশোষণঃ ।
পূতনোরস্থলস্থায়ী পূতনামোক্ষদায়কঃ ॥ ১২৩ ॥
সমাগতজনানন্দী শকটোচ্চাটকারকঃ ।
প্রাপ্তবিপ্রাশিষোঽধীশো লঘিমাদিগুণাশ্রয়ঃ ॥ ১২৪ ॥
তৃণাবর্তগলগ্রাহী তৃণাবর্তনিষূদনঃ ।
জনন্যানন্দজনকো জনন্যা মুখবিশ্বদৃক্ ॥ ১২৫ ॥
বালক্রীডারতো বালভাষালীলাদিনির্বৃতঃ ।
গোপগোপীপ্রিয়করো গীতনৃত্যানুকারকঃ ॥ ১২৬ ॥
নবনীতবিলিপ্তাঙ্গো নবনীতলবপ্রিয়ঃ ।
নবনীতলবাহারী নবনীতানুতস্করঃ ॥ ১২৭ ॥
দামোদরোঽর্জুনোন্মূলো গোপৈকমতিকারকঃ ।
বৃন্দাবনবনক্রীডো নানাক্রীডাবিশারদঃ ॥ ১২৮ ॥
বত্সপুচ্ছসমাকর্ষী বত্সাসুরনিষূদনঃ ।
বকারিরঘসংহারী বালাদ্যন্তকনাশনঃ ॥ ১২৯ ॥
য়মুনানিলসঞ্জুষ্টসুমৃষ্টপুলিনপ্রিয়ঃ ।
গোপালবালপূগস্থঃ স্নিগ্ধদধ্যন্নভোজনঃ ॥ ১৩০ ॥
গোগোপগোপীপ্রিয়কৃদ্ধনভৃন্মোহখণ্ডনঃ ।
বিধাতুর্মোহজনকোঽত্যদ্ভুতৈশ্বর্যদর্শকঃ ॥ ১৩১ ॥
বিধিস্তুতপদাম্ভোজো গোপদারকবুদ্ধিভিত্ ।
কালীয়দর্পদলনো নাগনারীনুতিপ্রিয়ঃ ॥ ১৩২ ॥
দাবাগ্নিশমনঃ সর্বব্রজভৃজ্জনজীবনঃ ।
মুঞ্জারণ্যপ্রবেশাপ্তকৃচ্ছ্রদাবাগ্নিদারণঃ ॥ ১৩৩ ॥
সর্বকালসুখক্রীডো বর্হিবর্হাবতংসকঃ ।
গোধুগ্বধূজনপ্রাণো বেণুবাদ্যবিশারদঃ ॥ ১৩৪ ॥
গোপীপিধানারুন্ধানো গোপীব্রতবরপ্রদঃ ।
বিপ্রদর্পপ্রশমনো বিপ্রপত্নীপ্রসাদদঃ ॥ ১৩৫ ॥
শতক্রতুবরধ্বংসী শক্রদর্পমদাপহঃ ।
ধৃতগোবর্ধনগিরির্ব্রজলোকাভয়প্রদঃ ॥ ১৩৬ ॥
ইন্দ্রকীর্তিলসত্কীর্তির্গোবিন্দো গোকুলোত্সবঃ ।
নন্দত্রাণকরো দেবজলেশেডিতসত্কথঃ ॥ ১৩৭ ॥
ব্রজবাসিজনশ্লাঘ্যো নিজলোকপ্রদর্শকঃ ।
সুবেণুনাদমদনোন্মত্তগোপীবিনোদকৃত্ ॥ ১৩৮ ॥
গোধুগ্বধূদর্পহরঃ স্বয়শঃকীর্তনোত্সবঃ ।
ব্রজাঙ্গনাজনারামো ব্রজসুন্দরিবল্লভঃ ॥ ১৩৯ ॥
রাসক্রীডারতো রাসমহামণ্ডলমণ্ডনঃ ।
বৃন্দাবনবনামোদী য়মুনাকূলকেলিকৃত্ ॥ ১৪০ ॥
গোপিকাগীতিকাগীতঃ শঙ্খচূডশিরোহরঃ ।
মহাসর্পমুখগ্রস্তত্রস্তনন্দবিমোচকঃ ॥ ১৪১ ॥
সুদর্শনার্চিতপদো দুষ্টারিষ্টবিনাশকঃ ।
কেশিদ্বেষো ব্যোমহন্তা শ্রুতনারদকীর্তনঃ ॥ ১৪২ ॥
অক্রূরপ্রিয়কৃত্ক্রূররজকঘ্নঃ সুবেশকৃত্ ।
সুদামাদত্তমালাঢ্যঃ কুব্জাচন্দনচর্চিতঃ ॥ ১৪৩ ॥
মথুরাজনসংহর্ষী চণ্ডকোদণ্ডখণ্ডকৃত্ ।
কংসসৈন্যসমুচ্ছেদী বণিগ্বিপ্রগণার্চিতঃ ॥ ১৪৪ ॥
মহাকুবলয়াপীডঘাতী চাণূরমর্দনঃ । ?
রঙ্গশালাগতাপারনরনারীকৃতোত্সবঃ ॥ ১৪৫ ॥
কংসধ্বংসকরঃ কংসস্বসারূপ্যগতিপ্রদঃ ।
কৃতোগ্রসেননৃপতিঃ সর্বয়াদবসৌখ্যকৃত্ ॥ ১৪৬ ॥
তাতমাতৃকৃতানন্দো নন্দগোপপ্রসাদদঃ ।
শ্রিতসান্দীপনিগুরুর্বিদ্যাসাগরপারগঃ ॥ ১৪৭ ॥
দৈত্যপঞ্চজনধ্বংসী পাঞ্চজন্যদরপ্রিয়ঃ ।
সান্দীপনিমৃতাপত্যদাতা কালয়মার্চিতঃ ॥ ১৪৮ ॥
সৈরন্ধ্রীকামসন্তাপশমনোঽক্রূরপ্রীতিদঃ ।
শার্ঙ্গচাপধরো নানাশরসন্ধানকোবিদঃ ॥ ১৪৯ ॥
অভেদ্যদিব্যকবচঃ শ্রীমদ্দারুকসারথিঃ ।
খগেন্দ্রচিহ্নিতধ্বজশ্চক্রপাণির্গদাধরঃ ॥ ১৫০ ॥
নন্দকীয়দুসেনাঢ্যোঽক্ষয়বাণনিষঙ্গবান্ ।
সুরাসুরাজেয়রণ্যো জিতমাগধয়ূথপঃ ॥ ১৫১ ॥
মাগধধ্বজিনীধ্বংসী মথুরাপুরপালকঃ ।
দ্বারকাপুরনির্মাতা লোকস্থিতিনিয়ামকঃ ॥ ১৫২ ॥
সর্বসম্পত্তিজননঃ স্বজনানন্দকারকঃ ।
কল্পবৃক্ষাক্ষিতমহিঃ সুধর্মানীতভূতলঃ ॥ ১৫৩ ॥
য়বনাসুরসংহর্তা মুচুকুন্দেষ্টসাধকঃ ।
রুক্মিণীদ্বিজসংমন্ত্ররথৈকগতকুণ্ডিনঃ ॥ ১৫৪ ॥
রুক্মিণীহারকো রুক্মিমুণ্ডমুণ্ডনকারকঃ ।
রুক্মিণীপ্রিয়কৃত্সাক্ষাদ্রুক্মিণীরমণীপতিঃ ॥ ১৫৫ ॥
রুক্মিণীবদনাম্ভোজমধুপানমধুব্রতঃ ।
স্যমন্তকনিমিত্তাত্মভক্তর্ক্ষাধিপজিত্শুচিঃ ॥ ১৫৬ ॥
জাম্ববার্চিতপাদাব্জঃ সাক্ষাজ্জাম্ববতীপতিঃ ।
সত্যভামাকরগ্রাহী কালিন্দীসুন্দরীপ্রিয়ঃ ॥ ১৫৭ ॥
সুতীক্ষ্ণশৃঙ্গবৃষভসপ্তজিদ্রাজয়ূথভিদ্ ।
নগ্নজিত্তনয়াসত্যানায়িকানায়কোত্তমঃ ॥ ১৫৮ ॥
ভদ্রেশো লক্ষ্মণাকান্তো মিত্রবিন্দাপ্রিয়েশ্বরঃ ।
মুরুজিত্পীঠসেনানীনাশনো নরকান্তকঃ ॥ ১৫৯ ॥
ধরার্চিতপদাম্ভোজো ভগদত্তভয়াপহা ।
নরকাহৃতদিব্যস্ত্রীরত্নবাহাদিনায়কঃ ॥ ১৬০ ॥
অষ্টোত্তরশতদ্ব্যষ্টসহস্রস্ত্রীবিলাসবান্ ।
সত্যভামাবলাবাক্যপারিজাতাপহারকঃ ॥ ১৬১ ॥
দেবেন্দ্রবলভিজ্জায়াজাতনানাবিলাসবান্ ।
রুক্মিণীমানদলনঃ স্ত্রীবিলাসাবিমোহিতঃ ॥ ১৬২ ॥
কামতাতঃ সাম্বসুতোঽসঙ্খ্যপুত্রপ্রপৌত্রবান্ ।
উশায়ানিতপৌত্রার্থবাণবাহুসস্রছিত্ ॥ ১৬৩ ॥
নন্দ্যাদিপ্রমথধ্বংসী লীলাজিতমহেশ্বরঃ ।
মহাদেবস্তুতপদো নৃগদুঃখবিমোচকঃ ॥ ১৬৪ ॥
ব্রহ্মস্বাপহরক্লেশকথাস্বজনপালকঃ ।
পৌণ্ড্রকারিঃ কাশিরাজশিরোহর্তা সদাজিতঃ ॥ ১৬৫ ॥
সুদক্ষিণব্রতারাধ্যশিবকৃত্যানলান্তকঃ ।
বারাণসীপ্রদহনো নারদেক্ষিতবৈভবঃ ॥ ১৬৬ ॥
অদ্ভুতৈশ্বর্যমহিমা সর্বধর্মপ্রবর্তকঃ ।
জরাসন্ধনিরোধার্তভূভুজেরিতসত্কথঃ ॥ ১৬৭ ॥
নারদেরিতসন্মিত্রকার্যগৌরবসাধকঃ ।
কলত্রপুত্রসন্মিত্রসদ্বৃত্তাপ্তগৃহানুগঃ ॥ ১৬৮ ॥
জরাসন্ধবধোদ্যোগকর্তা ভূপতিশর্মকৃত্ ।
সন্মিত্রকৃত্যাচরিতো রাজসূয়প্রবর্তকঃ ॥ ১৬৯ ॥
সর্বর্ষিগণসংস্তুত্যশ্চৈদ্যপ্রাণনিকৃন্তকঃ ।
ইন্দ্রপ্রস্থজনৈঃ পূজ্যো দুর্যোধনবিমোহনঃ ॥ ১৭০ ॥
মহেশদত্তসৌভাগ্যপুরভিচ্ছত্রুঘাতকঃ ।
দন্তবক্ত্ররিপুচ্ছেত্তা দন্তবক্ত্রগতিপ্রদঃ ॥ ১৭১ ॥
বিদূরথপ্রমথনো ভূরিভারাবতারকঃ ।
পার্থদূতঃ পার্থহিতঃ পার্থার্থঃ পার্থসারথিঃ ॥ ১৭২ ॥
পার্থমোহসমুচ্ছেদী গীতাশাস্ত্রপ্রদর্শকঃ ।
পার্থবাণগতপ্রাণবীরকৈবল্যরূপদঃ ॥ ১৭৩ ॥
দুর্যোধনাদিদুর্বৃত্তদহনো ভীষ্মমুক্তিদঃ ।
পার্থাশ্বমেধাহরকঃ পার্থরাজ্যপ্রসাধকঃ ॥ ১৭৪ ॥
পৃথাভীষ্টপ্রদো ভীমজয়দো বিজয়প্রদঃ ।
য়ুধিষ্ঠিরেষ্টসন্দাতা দ্রৌপদীপ্রীতিসাধকঃ ॥ ১৭৫ ॥
সহদেবেরিতপদো নকুলার্চিতবিগ্রহঃ ।
ব্রহ্মাস্ত্রদগ্ধগর্ভস্থপূরুবংশপ্রসাধকঃ ॥ ১৭৬ ॥
পৌরবেন্দ্রপুরস্ত্রীভ্যো দ্বারকাগমনোত্সবঃ ।
আনর্তদেশনিবসত্প্রজেরিতমহত্কথঃ ॥ ১৭৭ ॥
প্রিয়প্রীতিকরো মিত্রবিপ্রদারিদ্র্যভঞ্জনঃ ।
তীর্থাপদেশসন্মিত্রপ্রিয়কৃন্নন্দনন্দনঃ ॥ ১৭৮ ॥
গোপীজনজ্ঞানদাতা তাতক্রতুকৃতোত্সবঃ ।
সদ্বৃত্তবক্তা সদ্বৃত্তকর্তা সদ্বৃত্তপালকঃ ॥ ১৭৯ ॥
তাতাত্মজ্ঞানসন্দাতা দেবকীমৃতপুত্রদঃ ।
শ্রুতদেবপ্রিয়করো মৈথিলানন্দবর্ধনঃ ॥ ১৮০ ॥
পার্থদর্পপ্রশমনো মৃতবিপ্রসুতপ্রদঃ ।
স্ত্রীরত্নবৃন্দসন্তোষী জনকেলিকলোত্সবঃ ॥ ১৮১ ॥
চন্দ্রকোটিজনানন্দী ভানুকোটিসমপ্রভঃ ।
কৃতান্তকোটিদুর্লঙ্ঘ্যঃ কামকোটিমনোহরঃ ॥ ১৮২ ॥
য়ক্ষরাট্কোটিধনবান্মরুত্কোটিস্ববীর্যবান্ ।
সমুদ্রকোটিগম্ভীরো হিমবত্কোট্যকম্পনঃ ॥ ১৮৩ ॥
কোট্যশ্বমেধাঢ্যহরঃ তীর্থকোট্যধিকাহ্বয়ঃ ।
পীয়ূষকোটিমৃত্যুঘ্নঃ কামধুক্কোট্যভীষ্টদঃ ॥ ১৮৪ ॥
শক্রকোটিবিলাসাঢ্যঃ কোটিব্রহ্মাণ্ডনায়কঃ ।
সর্বামোঘোদ্যমোঽনন্তকীর্তিনিঃসীমপৌরুষঃ ॥ ১৮৫ ॥
সর্বাভীষ্টপ্রদয়শাঃ পুণ্যশ্রবণকীর্তনঃ ।
ব্রহ্মাদিসুরসঙ্গীতবীতমানুষচেষ্টিতঃ ॥ ১৮৬ ॥
অনাদিমধ্যনিধনো বৃদ্ধিক্ষয়বিবর্জিতঃ ।
স্বভক্তোদ্ধবমুখ্যৈকজ্ঞানদো জ্ঞানবিগ্রহঃ ॥ ১৮৭ ॥
বিপ্রশাপচ্ছলধ্বস্তয়দুবংশোগ্রবিক্রমঃ ।
সশরীরজরাব্যাধস্বর্গদঃ স্বর্গিসংস্তুতঃ ॥ ১৮৮ ॥
মুমুক্ষুমুক্তবিষয়ীজনানন্দকরো য়শঃ ।
কলিকালমলধ্বংসিয়শাঃ শ্রবণমঙ্গলঃ ॥ ১৮৯ ॥
ভক্তপ্রিয়ো ভক্তহিতো ভক্তভ্রমরপঙ্কজঃ ।
স্মৃতমাত্রাখিলত্রাতা য়ন্ত্রমন্ত্রপ্রভঞ্জকঃ ॥ ১৯০ ॥
সর্বসম্পত্স্রাবিনামা তুলসীদামবল্লভঃ ।
অপ্রমেয়বপুর্ভাস্বদনর্ঘ্যাঙ্গবিভূষণঃ ॥ ১৯১ ॥
বিশ্বৈকসুখদো বিশ্বসজ্জনানন্দপালকঃ ।
সর্বদেবশিরোরত্নমদ্ভুতানন্তভোগবান্ ॥ ১৯২ ॥
অধোক্ষজো জনাজীব্যঃ সর্বসাধুজনাশ্রয়ঃ ।
সমস্তভয়ভিন্নামা স্মৃতমাত্রার্তিনাশকঃ ॥ ১৯৩ ॥
স্বয়শঃশ্রবণানন্দজনরাগী গুণার্ণবঃ ।
অনির্দেশ্যবপুস্তপ্তশরণো জীবজীবনঃ ॥ ১৯৪ ॥
পরমার্থঃ পরংবেদ্যঃ পরজ্যোতিঃ পরাগতিঃ ।
বেদান্তবেদ্যো ভগবাননন্তসুখসাগরঃ ॥ ১৯৫ ॥
জগদ্বন্ধধ্বংসয়শা জগজ্জীবজনাশ্রয়ঃ ।
বৈকুণ্ঠলোকৈকপতির্বৈকুণ্ঠজনবল্লভঃ ॥ ১৯৬ ॥
প্রদ্যুম্নো রুক্মিণীপুত্রঃ শম্বরঘ্নো রতিপ্রিয়ঃ ।
পুষ্পধন্বা বিশ্বজয়ী দ্যুমত্প্রাণনিষূদকঃ ॥ ১৯৭ ॥
অনিরুদ্ধঃ কামসুতঃ শব্দয়োনির্মহাক্রমঃ ।
উষাপতির্বৃষ্ণিপতির্হৃষীকেশো মনঃপতিঃ ॥ ১৯৮ ॥
শ্রীমদ্ভাগবতাচার্যঃ সর্ববেদান্তসাগরঃ ।
শুকঃ সকলধর্মজ্ঞঃ পরীক্ষিন্নৃপসত্কৃতঃ ॥ ১৯৯ ॥
শ্রীবুদ্ধো দুষ্টবুদ্ধিঘ্নো দৈত্যবেদবহিষ্করঃ ।
পাখণ্ডমার্গপ্রবদো নিরায়ুধজগজ্জয়ঃ ॥ ২০০ ॥
কল্কী কলিয়ুগাচ্ছাদী পুনঃ সত্যপ্রবর্তকঃ ।
বিপ্রবিষ্ণুয়শোঽপত্যো নষ্টধর্মপ্রবর্তকঃ ॥ ২০১ ॥
সারস্বতঃ সার্বভৌমো বলিত্রৈলোক্যসাধকঃ ।
অষ্টম্যন্তরসদ্ধর্মবক্তা বৈরোচনিপ্রিয়ঃ ॥ ২০২ ॥
আপঃ করো রমানাথোঽমরারিকুলকৃন্তনঃ ।
সুরেন্দ্রহিতকৃদ্ধীরবীরমুক্তিবলপ্রদঃ ॥ ২০৩ ॥
বিষ্বক্সেনঃ শম্ভুসখো দশমান্তরপালকঃ ।
ব্রহ্মসাবর্ণিবংশাব্ধিহিতকৃদ্বিশ্ববর্ধনঃ ॥ ২০৪ ॥
ধর্মসেতুরধর্মঘ্নো বৈদ্যতন্ত্রপদপ্রদঃ ।
অসুরান্তকরো দেবার্থকসূনুঃ সুভাষণঃ ॥ ২০৫ ॥
স্বধামা সূনৃতাসূনুঃ সত্যতেজো দ্বিজাত্মজঃ ।
দ্বিষন্মনুয়ুগত্রাতা পাতালপুরদারণঃ ॥ ২০৬ ॥
দৈবহোত্রির্বার্হতোয়ো দিবস্পতিরতিপ্রিয়ঃ ।
ত্রয়োদশান্তরত্রাতা য়োগয়োগিজনেশ্বরঃ ॥ ২০৭ ॥
সত্ত্রায়ণো বৃহদ্বাহুর্বৈনতেয়ো বিদুত্তমঃ ।
কর্মকাণ্ডৈকপ্রবদো বেদতন্ত্রপ্রবর্তকঃ ॥ ২০৮ ॥
পরমেষ্ঠী সুরজ্যেষ্ঠো ব্রহ্মা বিশ্বসৃজাম্পতিঃ ।
অব্জয়োনির্হংসবাহঃ সর্বলোকপিতামহঃ ॥ ২০৯ ॥
বিষ্ণুঃ সর্বজগত্পাতা শান্তঃ শুদ্ধঃ সনাতনঃ ।
দ্বিজপূজ্যো দয়াসিন্ধুঃ শরণ্যো ভক্তবত্সলঃ ॥ ২১০ ॥
রুদ্রো মৃডঃ শিবঃ শাস্তা শম্ভুঃ সর্বহরো হরঃ ।
কপর্দী শঙ্করঃ শূলী ত্র্যক্ষোঽভেদ্যো মহেশ্বরঃ ॥ ২১১ ॥
সর্বাধ্যক্ষঃ সর্বশক্তিঃ সর্বার্থঃ সর্বতোমুখঃ ।
সর্বাবাসঃ সর্বরূপঃ সর্বকারণকারণম্ ॥ ২১২ ॥
ইত্যেতত্কথিতং বিপ্র বিষ্ণোর্নামসহস্রকম্ ।
সর্বপাপপ্রশমনং সর্বাভীষ্টফলপ্রদম্ ॥ ২১৩ ॥
মনঃশুদ্ধিকরং চাশু ভগবদ্ভক্তিবর্ধনম্ ।
সর্ববিঘ্নহরং সর্বাশ্চর্যৈশ্বর্যপ্রদায়কম্ ॥ ২১৪ ॥
সর্বদুঃখপ্রশমনং চাতুর্বর্গ্যফলপ্রদম্ ।
শ্রদ্ধয়া পরয়া ভক্ত্যা শ্রবণাত্পঠনাজ্জপাত্ ॥ ২১৫ ॥
প্রত্যহং সর্ববর্ণানাং বিষ্ণুপাদাশ্রিতাত্মনাম্ ।
এতত্পঠন্ দ্বিজো বিদ্যাং ক্ষত্রিয়ঃ পৃথিবীমিমাম্ ॥ ২১৬ ॥
বৈশ্যো মহানিধিং শূদ্রো বাঞ্ছিতাং সিদ্ধিমাপ্নুয়াত্ ।
দ্বাত্রিংশদপরাধান্যো জ্ঞানাজ্ঞানাচ্চরেদ্ধরেঃ ॥ ২১৭ ॥
নাম্না দশাপরাধাংশ্চ প্রমাদাদাচরেদ্যদি ।
সমাহিতমনা হ্যেতত্পঠেদ্বা শ্রাবয়েজ্জপেত্ ॥ ২১৮ ॥
স্মরেদ্বা শৃণুয়াদ্বাপি তেভ্যঃ সদ্যঃ প্রমুচ্যতে ।
নাতঃ পরতরং পুণ্যং ত্রিষু লোকেষু বিদ্যতে ॥ ২১৯ ॥
য়স্যৈককীর্তনেনাপি ভববন্ধাদ্বিমুচ্যতে ।
অতস্ত্বং সততং ভক্ত্যা শ্রদ্ধয়া কীর্তনং কুরু ॥ ২২০ ॥
বিষ্ণোর্নামসহস্রং তে ভগবত্প্রীতিকারণম্ ।
শ্রীনারদ উবাচ ।
ধন্যোঽস্ম্যনুগৃহীতোঽস্মি ত্বয়াতিকরুণাত্মনা ।
য়তঃ কৃষ্ণস্য পরমং সহস্রং নামকীর্তিতম্ ॥ ২২১ ॥
য়দ্যালস্যাত্প্রমাদাদ্বা সর্বং পঠিতুমন্বহম্ ।
ন শক্নোমি তদা দেব কিং করোমি বদ প্রভো ॥ ২২২ ॥
শ্রীশিব উবাচ ।
য়দি সর্বং ন শক্নোষি প্রত্যহং পঠিতুং দ্বিজ ।
তদা কৃষ্ণেতি কৃষ্ণেতি কৃষ্ণেতি প্রত্যহং বদ ॥ ২২৩ ॥
এতেন তব বিপ্রর্ষে সর্বং সম্পদ্যতে সকৃত্ ।
কিং পুনর্ভগবন্নাম্নাং সহস্রস্য প্রকীর্তনাত্ ॥ ২২৪ ॥
য়ন্নামকীর্তনেনৈব পুমান্ সংসারসাগরম্ ।
তরত্যদ্ধা প্রপদ্যে তং কৃষ্ণং গোপালরূপিণম্ ॥ ২২৫ ॥
ইতি সাত্বততন্ত্রে শ্রীকৃষ্ণসহস্রনামষষ্ঠঃ পটলঃ ॥ ৬ ॥