॥ Satya Vratokta Damodara Stotram Malayalam Lyrics ॥
॥ സത്യവ്രതോക്തദാമോദരസ്തോത്രം ॥
ശ്രീഗണേശായ നമഃ ॥
സിന്ധുദേശോദ്ഭവോ വിപ്രോ നാംനാ സത്യവ്രതഃ സുധീഃ ।
വിരക്ത ഇന്ദ്രിയാര്‍ഥേഭ്യസ്ത്യക്ത്വാ പുത്രഗൃഹാദികം ॥ 1 ॥
വൃന്ദാവനേ സ്ഥിതഃ കൃഷ്ണമാരിരാധ ദിവാനിശം ।
നിഃസ്വഃ സത്യവ്രതോ വിപ്രോ നിര്‍ജനേഽവ്യഗ്രമാനസഃ ॥ 2 ॥
കാര്‍തികേ പൂജയാമാസ പ്രീത്യാ ദാമോദരം നൃപ ।
തൃതീയേഽഹ്നി സകൃദ്ഭുങ്ക്തേ പത്രം മൂലം ഫലം തഥാ ॥ 3 ॥
പൂജയിത്വാ ഹരിം സ്തൌതി പ്രീത്യാ ദാമോദരാഭിധം ॥ 4 ॥
സത്യവ്രത ഉവാച ।
നമാമീശ്വരം സച്ചിദാനന്ദരൂപം ലസത്കുണ്ഡലം ഗോകുലേ ഭ്രാജമാനം ।
യശോദാഭിയോലൂഖലേ ധാവമാനം പരാമൃഷ്ടമത്യന്തതോ ദൂതഗോപ്യാ ॥ 5 ॥
രുദന്തം മുഹുര്‍നേത്രയുഗ്മം മൃജന്തം കരാംഭോജയുഗ്മേന സാതങ്കനേത്രം ।
മുഹുഃശ്വാസകം പത്രിരേഖാങ്കകണ്ഠം സ്ഥിതം നൌമി ദാമോദരം ഭക്തവന്ദ്യം ॥ 6 ॥
വരം ദേവ ദേഹീശ മോക്ഷാവധിം വാ ന ചാന്യം വൃണേഽഹം വരേശാദപീഹ ।
ഇദം തേ വപുര്‍നാഥ ഗോപാലബാലം സദാ മേ മനസ്യാവിരാസ്താം കിമന്യൈഃ ॥ 7 ॥
ഇദം തേ മുഖാംഭോജമത്യന്തനീലൈര്‍വൃതം കുന്തലൈഃ സ്നിഗ്ധവക്ത്രൈശ്ച ഗോപ്യാ ।
മുഹുശ്ചുംബിതം ബിംബരക്താധരം മേ മനസ്യാവിരാസ്താമലം ലക്ഷലാഭൈഃ ॥ 8 ॥
നമോ ദേവ ദാമോദരാനന്ത വിഷ്ണോ പ്രസീദ പ്രഭോ ദുഃഖജാലാബ്ധിമഗ്നം ।
കൃപാദൃഷ്ടിവൃഷ്ട്യാഽതിദീനം ച രക്ഷ ഗൃഹാണേശ മാമജ്ഞമേവാക്ഷിദൃശ്യം ॥ 9 ॥
കുബേരാത്മജൌ വൃക്ഷമൂര്‍തീ ച യദ്വത്വയാ മോചിതൌ ഭക്തിഭാജൌ കൃതൌ ച ।
തഥാ പ്രേമഭക്തിം സ്വകാം മേ പ്രയച്ഛ ന മോക്ഷേഽഽഗ്രഹോ മേഽസ്തി ദാമോദരേഹ ॥ 10 ॥
നമസ്തേ സുദാംനേ സ്ഫുരദ്ദീപ്തധാംനേ തഥോരസ്ഥവിശ്വസ്യ ധാംനേ നമസ്തേ ।
നമോ രാധികായൈ ത്വദീയപ്രിയായൈ നമോഽനന്തലീലായ ദേവായ തുഭ്യം ॥ 11 ॥
നാരദ ഉവാച ।
സത്യവ്രതദ്വിജസ്തോത്രം ശ്രുത്വാ ദാമോദരോ ഹരിഃ ।
വിദ്യുല്ലീലാചമത്കാരോ ഹൃദയേ ശനകൈരഭൂത് ॥ 12 ॥
ഇതി ശ്രീസത്യവ്രതകൃതദാമോദരസ്തോത്രം സമ്പൂര്‍ണം ॥
– Chant Stotra in Other Languages –
Satya Vratokta Damodara Stotram Lyrics in Sanskrit » English » Bengali » Gujarati » Kannada » Odia » Telugu » Tamil