॥ Satya Vratokta Damodara Stotram Telugu Lyrics ॥
॥ సత్యవ్రతోక్తదామోదరస్తోత్రమ్ ॥
శ్రీగణేశాయ నమః ॥
సిన్ధుదేశోద్భవో విప్రో నామ్నా సత్యవ్రతః సుధీః ।
విరక్త ఇన్ద్రియార్థేభ్యస్త్యక్త్వా పుత్రగృహాదికమ్ ॥ ౧ ॥
వృన్దావనే స్థితః కృష్ణమారిరాధ దివానిశమ్ ।
నిఃస్వః సత్యవ్రతో విప్రో నిర్జనేఽవ్యగ్రమానసః ॥ ౨ ॥
కార్తికే పూజయామాస ప్రీత్యా దామోదరం నృప ।
తృతీయేఽహ్ని సకృద్భుఙ్క్తే పత్రం మూలం ఫలం తథా ॥ ౩ ॥
పూజయిత్వా హరిం స్తౌతి ప్రీత్యా దామోదరాభిధమ్ ॥ ౪ ॥
సత్యవ్రత ఉవాచ ।
నమామీశ్వరం సచ్చిదానన్దరూపం లసత్కుణ్డలం గోకులే భ్రాజమానమ్ ।
యశోదాభియోలూఖలే ధావమానం పరామృష్టమత్యన్తతో దూతగోప్యా ॥ ౫ ॥
రుదన్తం ముహుర్నేత్రయుగ్మం మృజన్తం కరామ్భోజయుగ్మేన సాతఙ్కనేత్రమ్ ।
ముహుఃశ్వాసకం పత్రిరేఖాఙ్కకణ్ఠం స్థితం నౌమి దామోదరం భక్తవన్ద్యమ్ ॥ ౬ ॥
వరం దేవ దేహీశ మోక్షావధిం వా న చాన్యం వృణేఽహం వరేశాదపీహ ।
ఇదం తే వపుర్నాథ గోపాలబాలం సదా మే మనస్యావిరాస్తాం కిమన్యైః ॥ ౭ ॥
ఇదం తే ముఖామ్భోజమత్యన్తనీలైర్వృతం కున్తలైః స్నిగ్ధవక్త్రైశ్చ గోప్యా ।
ముహుశ్చుమ్బితం బిమ్బరక్తాధరం మే మనస్యావిరాస్తామలం లక్షలాభైః ॥ ౮ ॥
నమో దేవ దామోదరానన్త విష్ణో ప్రసీద ప్రభో దుఃఖజాలాబ్ధిమగ్నమ్ ।
కృపాదృష్టివృష్ట్యాఽతిదీనం చ రక్ష గృహాణేశ మామజ్ఞమేవాక్షిదృశ్యమ్ ॥ ౯ ॥
కుబేరాత్మజౌ వృక్షమూర్తీ చ యద్వత్వయా మోచితౌ భక్తిభాజౌ కృతౌ చ ।
తథా ప్రేమభక్తిం స్వకాం మే ప్రయచ్ఛ న మోక్షేఽఽగ్రహో మేఽస్తి దామోదరేహ ॥ ౧౦ ॥
నమస్తే సుదామ్నే స్ఫురద్దీప్తధామ్నే తథోరస్థవిశ్వస్య ధామ్నే నమస్తే ।
నమో రాధికాయై త్వదీయప్రియాయై నమోఽనన్తలీలాయ దేవాయ తుభ్యమ్ ॥ ౧౧ ॥
నారద ఉవాచ ।
సత్యవ్రతద్విజస్తోత్రం శ్రుత్వా దామోదరో హరిః ।
విద్యుల్లీలాచమత్కారో హృదయే శనకైరభూత్ ॥ ౧౨ ॥
ఇతి శ్రీసత్యవ్రతకృతదామోదరస్తోత్రం సమ్పూర్ణమ్ ॥
– Chant Stotra in Other Languages –
Satya Vratokta Damodara Stotram Lyrics in Sanskrit » English » Bengali » Gujarati » Kannada » Malayalam » Odia » Tamil