॥ Shambhustotram Odia Lyrics ॥
॥ ଶମ୍ଭୁସ୍ତୋତ୍ରମ୍ ॥
ନାନାୟୋନିସହସ୍ରକୋଟିଷୁ ମୁହୁଃ ସଂଭୂୟ ସଂଭୂୟ ତଦ୍-
ଗର୍ଭାବାସନିରନ୍ତଦୁଃଖନିବହଂ ବକ୍ତୁଂ ନ ଶକ୍ୟଂ ଚ ତତ୍ ।
ଭୂୟୋ ଭୂୟ ଇହାନୁଭୂୟ ସୁତରାଂ କଷ୍ଟାନି ନଷ୍ଟୋଽସ୍ମ୍ୟହଂ
ତ୍ରାହି ତ୍ୱଂ କରୁଣାତରଙ୍ଗିତଦୃଶା ଶଂଭୋ ଦୟାମ୍ଭୋନିଧେ ॥ ୧ ॥
ବାଲ୍ୟେ ତାଡନପୀଡନୈର୍ବହୁବିଧୈଃ ପିତ୍ରାଦିଭିର୍ବୋଧିତଃ
ତତ୍କାଲୋଚିତରୋଗଜାଲଜନିତୈର୍ଦୁଃଖୈରଲଂ ବାଧିତଃ ।
ଲୀଲାଲୌଲ୍ୟଗୁଣୀକୃତୈଶ୍ଚ ବିବିଧୈର୍ଦୁଶ୍ଚୋଷ୍ଟିତୈଃ କ୍ଲେଶିତଃ
ସୋଽହଂ ତ୍ୱାଂ ଶରଣଂ ବ୍ରଜାମ୍ୟବ ବିଭୋ ଶଂଭୋ ଦୟାମ୍ଭୋନିଧେ ॥ ୨ ॥
ତାରୁଣ୍ୟେ ମଦନେନ ପୀଡିତତନୁଃ କାମାତୁରଃ କାମିନୀ-
ସକ୍ତସ୍ତଦ୍ୱଶଗଃ ସ୍ୱଧର୍ମବିମୁଖଃ ସଦ୍ଭିଃ ସଦା ଦୂଷିତଃ ।
କର୍ମାକାର୍ଷମପାରନାରକଫଲଂ ସୌଖ୍ୟାଶୟା ଦୁର୍ମତିଃ
ତ୍ରାହି ତ୍ୱଂ କରୁଣାତରଙ୍ଗିତଦୃଶା ଶଂଭୋ ଦୟାମ୍ଭୋନିଧେ ॥ ୩ ॥
ବୃଦ୍ଧତ୍ୱେ ଗଲିତାଖିଲେନ୍ଦ୍ରିୟବଲୋ ବିଭ୍ରଷ୍ଟଦନ୍ତାବଲିଃ
ଶ୍ୱେତୀଭୂତଶିରାଃ ସୁଜର୍ଜରତନୁଃ କମ୍ପାଶ୍ରୟୋଽନାଶ୍ରୟଃ ।
ଲାଲୋଚ୍ଛିଷ୍ଟପୁରୀଷମୂତ୍ରସଲିଲକ୍ଲିନ୍ନୋଽସ୍ମି ଦୀନୋଽସ୍ମ୍ୟହଂ
ତ୍ରାହି ତ୍ୱଂ କରୁଣାତରଙ୍ଗିତଦୃଶା ଶଂଭୋ ଦୟାମ୍ଭୋନିଧେ ॥ ୪ ॥
ଧ୍ୟାତଂ ତେ ପଦାମ୍ବୁଜଂ ସକୃଦପି ଧ୍ୟାତଂ ଧନଂ ସର୍ୱଦା
ପୂଜା ତେ ନ କୃତା କୃତା ସ୍ୱବପୁଷଃ ସ୍ତ୍ରଗ୍ଗନ୍ଧଲେପାର୍ଚନୈଃ ।
ନାନ୍ନାଦ୍ୟୈଃ ପରିତର୍ପିତା ଦ୍ୱିଜବରା ଜିହ୍ୱୈବ ସଂତର୍ପିତା
ପାପିଷ୍ଠେନ ମୟା ସଦାଶିବ ବିଭୋ ଶଂଭୋ ଦୟାମ୍ଭୋନିଧେ ॥ ୫ ॥
ସଂଧ୍ୟାସ୍ନାନଜପାଦି କର୍ମ ନ କୃତଂ ଭକ୍ତ୍ୟା କୃତଂ ଦୁଷ୍କୃତଂ
ତ୍ୱନ୍ନାମେଶ ନ କୀର୍ତିତଂ ତ୍ୱତିମୁଦା ଦୁର୍ଭାଷିତଂ ଭାଷିତମ୍ ।
ତ୍ୱନ୍ମୂର୍ତିର୍ନ ବିଲୋକିତା ପୁନରପି ସ୍ତ୍ରୀମୂର୍ତିରାଲୋକିତା
ଭୋଗାସକ୍ତିମତା ମୟା ଶିବ ବିଭୋ ଶଂଭୋ ଦୟାମ୍ଭୋନିଧେ ॥ ୬ ॥
ସଂଧ୍ୟାଧ୍ୟାନଜପାଦିକର୍ମକରଣେ ଶକ୍ତୋଽସ୍ମି ନୈବ ପ୍ରଭୋ
ଦାତୁଂ ହନ୍ତ ମତିଂ ପ୍ରତୀପକରଣେ ଦାରାଦିବନ୍ଧାସ୍ପଦେ ।
ନାମୈକଂ ତବ ତାରକଂ ମମ ବିଭୋ ହ୍ୟନ୍ୟନ୍ନ ଚାସ୍ତି କ୍ୱଚିତ୍
ତ୍ରାହି ତ୍ୱଂ କରୁଣାତରଙ୍ଗିତଦୃଶା ଶଂଭୋ ଦୟାମ୍ଭୋନିଧେ ॥ ୭ ॥
କୁମ୍ଭୀପାକଧୁରଂଧରାଦିଷୁ ମହାବୀଜାଦିଷୁ ପ୍ରୋଦ୍ଧତଂ
ଘୋରଂ ନାରକଦୁଃଖମୀଷଦପି ବା ସୋଢୁଂ ନ ଶକ୍ତୋଽସ୍ମ୍ୟହମ୍ ।
ତସ୍ମାତ୍ ତ୍ୱାଂ ଶରଣଂ ବ୍ରଜାମି ସତତଂ ଜାନାମି ନ ତ୍ୱାଂ ବିନା
ତ୍ରାହି ତ୍ୱଂ କରୁଣାତରଙ୍ଗିତଦୃଶା ଶଂଭୋ ଦୟାମ୍ଭୋନିଧେ ॥ ୮ ॥
ମାତା ବାପି ପିତା ସୁତୋଽପି ନ ହିତୋ ଭ୍ରାତ୍ରାଦୟୋ ବାନ୍ଧବାଃ
ସର୍ୱେ ସ୍ୱାର୍ଥପରା ଭବନ୍ତି ଖଲୁ ମାଂ ତ୍ରାତୁଂ ନ କେଽପି କ୍ଷମାଃ ।
ଦୂତେଭ୍ୟୋ ଯମଚୋଦିତେଭ୍ୟ ଇହ ତୁ ତ୍ୱାମନ୍ତରା ଶଂକର
ତ୍ରାହି ତ୍ୱଂ କରୁଣାତରଙ୍ଗିତଦୃଶା ଶଂଭୋ ଦୟାମ୍ଭୋନିଧେ ॥ ୯ ॥
॥ ଶଂଭୁସ୍ତୋତ୍ରଂ ସଂପୂର୍ଣମ୍ ॥
– Chant Stotra in Other Languages –
Shambhu Stotram in Sanskrit – English – Marathi – Bengali – Gujarati – Kannada – Malayalam – Odia – Telugu – Tamil