॥ Shatabhisha Ashtakam Bengali Lyrics ॥
রভেশাষ্টকম্
শ্রীশিব উবাচ –
শৃণু দেবি মহাগুহ্যং পরং পুণ্যবিবর্ধনম্ ।
শরভেশাষ্টকং মন্ত্রং বক্ষ্যামি তব তত্ত্বতঃ ॥ ১ ॥
ঋষিন্যাসাদিকং য়ত্তত্সর্বপূর্ববদাচরেত্ ।
ধ্যানভেদং বিশেষেণ বক্ষ্যাম্যহমতঃ শিবে ॥ ২ ॥
ধ্যানম্ –
জ্বলনকুটিলকেশং সূর্যচন্দ্রাগ্নিনেত্রং
নিশিততরনখাগ্রোদ্ধূতহেমাভদেহম্ ।
শরভমথ মুনীন্দ্রৈঃ সেব্যমানং সিতাঙ্গং
প্রণতভয়বিনাশং ভাবয়েত্পক্ষিরাজম্ ॥ ৩ ॥
অথ স্তোত্রম্ –
দেবাদিদেবায় জগন্ময়ায় শিবায় নালীকনিভাননায় ।
শর্বায় ভীমায় শরাধিপায় নমোঽস্তু তুভ্যং শরভেশ্বরায় ॥ ৪ ॥
হরায় ভীমায় হরিপ্রিয়ায় ভবায় শান্তায় পরাত্পরায় ।
মৃডায় রুদ্রায় বিলোচনায় নমোঽস্তু তুভ্যং শরভেশ্বরায় ॥ ৫ ॥
শীতাংশুচূডায় দিগম্বরায় সৃষ্টিস্থিতিধ্বংসনকারণায় ।
জটাকলাপায় জিতেন্দ্রিয়ায় নমোঽস্তু তুভ্যং শরভেশ্বরায় ॥ ৬ ॥
কলঙ্ককণ্ঠায় ভবান্তকায় কপালশূলাত্তকরাম্বুজায় ।
ভুজঙ্গভূষায় পুরান্তকায় নমোঽস্তু তুভ্যং শরভেশ্বরায় ॥ ৭ ॥
শমাদিষট্কায় য়মান্তকায় য়মাদিয়োগাষ্টকসিদ্ধিদায় ।
উমাধিনাথায় পুরাতনায় নমোঽস্তু তুভ্যং শরভেশ্বরায় ॥ ৮ ॥
ঘৃণাদিপাশাষ্টকবর্জিতায় খিলীকৃতাস্মত্পথি পূর্বগায় ।
গুণাদিহীনায় গুণত্রয়ায় নমোঽস্তু তুভ্যং শরভেশ্বরায় ॥ ৯ ॥
কালায় বেদামৃতকন্দলায় কল্যাণকৌতূহলকারণায় ।
স্থূলায় সূক্ষ্মায় স্বরূপগায় নমোঽস্তু তুস্তু তুভ্যং শরভেশ্বরায় ॥ ১০ ॥
পঞ্চাননায়ানিলভাস্করায় পঞ্চাশদর্ণাদ্যপরাক্ষয়ায় ।
পঞ্চাক্ষরেশায় জগদ্ধিতায় নমোঽস্তু তুভ্যং শরভেশ্বরায় ॥ ১১ ॥
নীলকণ্ঠায় রুদ্রায় শিবায় শশিমৌলিনে ।
ভবায় ভবনাশায় পক্ষিরাজায় তে নমঃ ॥ ১২ ॥
পরাত্পরায় ঘোরায় শম্ভবে পরমাত্মনে ।
শর্বায় নির্মলাঙ্গায় সালুবায় নমো নমঃ ॥ ১৩ ॥
গঙ্গাধরায় সাম্বায় পরমানন্দতেজসে ।
সর্বেশ্বরায় শান্তায় শরভায় নমো নমঃ ॥ ১৪ ॥
বরদায় বরাঙ্গায় বামদেবায় শূলিনে ।
গিরিশায় গিরীশায় গিরিজাপতয়ে নমঃ ॥ ১৫ ॥
কনকজঠরকোদ্যদ্রক্তপানোন্মদেন
প্রথিতনিখিলপীডানারসিংহেন জাতা ।
শরভ হর শিবেশ ত্রাহি নঃ সর্বপাপা-
দনিশমিহ কৃপাব্ধে সালুবেশ প্রভো ত্বম্ ॥ ১৬ ॥
সর্বেশ সর্বাধিকশান্তমূর্তে কৃতাপরাধানমরানথান্যান্ ।
বিনীয় বিশ্ববিধায়ি নীতে নমোঽস্তু তুভ্যং শরভেশ্বরায় ॥ ১৭ ॥
দংষ্ট্রানখোগ্রঃ শরভঃ সপক্ষশ্চতুর্ভুজশ্চাষ্টপদঃ সহেতিঃ ।
কোটীরগঙ্গেন্দুধরো নৃসিংহক্ষোভাপহোঽস্মদ্রিপুহাস্তু শম্ভুঃ ॥ ১৮ ॥
হুঙ্কারী শরভেশ্বরোঽষ্টচরণঃ পক্ষী চতুর্বাহুকঃ ।
পাদাকৃষ্টনৃসিংহবিগ্রহধরঃ কালাগ্নিকোটিদ্যুতিঃ ।
বিশ্বক্ষোভহরঃ সহেতিরনিশং ব্রহ্মেন্দ্রমুখ্যৈঃ স্তুতো
গঙ্গাচন্দ্রধরঃ পুরত্রয়হরঃ সদ্যো রিপুঘ্নোঽস্তু নঃ ॥ ১৯ ॥
মৃগাঙ্কলাঙ্গূলসচঞ্চুপক্ষো দংষ্ট্রাননাঙ্ঘ্রিশ্চ ভুজাসহস্রঃ ।
ত্রিনেত্রগঙ্গেন্দুধরঃ প্রভাঢ্যঃ পায়াদপায়াচ্ছরভেশ্বরো নঃ ॥ ২০ ॥
নৃসিংহমত্যুগ্রমতীবতেজঃপ্রকাশিতং দানবভঙ্গদক্ষম্ ।
প্রশান্তিমন্তং বিদধাতি য়ো মাং সোঽস্মানপায়াচ্ছরভেশ্বরোঽবতু নঃ ॥ ২১ ॥
য়োঽভূত্ সহস্রাংশুশতপ্রকাশঃ স পক্ষিসিংহাকৃতিরষ্টপাদঃ ।
নৃসিংহসঙ্ক্ষোভশমাত্তরূপঃ পায়াদপায়াচ্ছরভেশ্বরো নঃ ॥ ২২ ॥
ত্বাং মন্যুমন্তং প্রবদন্তি বেদাস্ত্বাং শান্তিমন্তং মুনয়ো গৃণন্তি ।
দৃষ্টে নৃসিংহে জগদীশ্বরে তে সর্বাপরাধং শরভ ক্ষমস্ব ॥ ২৩ ॥
করচরণকৃতং বাক্কর্মজং কায়জং বা
শ্রবণনয়নজং বা মানসং বাপরাধম্ ।
বিহিতমবিহিতং বা সর্বমেতত্ক্ষমস্ব
শিব শিব করুণাব্ধে শ্রীমহাদেব শম্ভো ॥ ২৪ ॥
রুদ্রঃ শঙ্কর ঈশ্বরঃ পশুপতিঃ স্থাণুঃ কপর্দী শিবো
বাগীশো বৃষভধ্বজঃ স্মরহরো ভক্তপ্রিয়স্ত্র্যম্বকঃ ।
ভূতেশো জগদীশ্বরশ্চ বৃষভো মৃত্যুঞ্জয়ঃ শ্রীপতিঃ
য়োঽস্মান্ কালগলোঽবতাত্পুরহরঃ শম্ভুঃ পিনাকী হরঃ ॥ ২৫ ॥
য়তো নৃসিংহং হরসি হর ইত্যুচ্যতে বুধৈঃ ।
য়তো বিভর্ষি সকলং বিভজ্য তনুমষ্টধা ॥ ২৩ ॥
অতোঽস্মান্ পাহি ভগবন্প্রসীদ চ পুনঃ পুনঃ ।
ইতি স্তুতো মহাদেবঃ প্রসন্নো ভক্তবত্সলঃ । ২৭ ॥
সুরানাহ্লাদয়ামাস বরদানৈরভীপ্সিতৈঃ ।
প্রসন্নোঽস্মি স্তবেনাহমনেন বিবুধেশ্বরাঃ ॥ ২৮ ॥
ময়ি রুদ্রে মহাদেবে ভয়ত্বং ভক্তিমূর্জিতম্ ।
মমাংশোঽয়ং নৃসিংহোঽয়ং ময়ি ভক্ততমস্ত্বিহ ॥ ২৯ ॥
ইমং স্তবং জপেদ্যস্তু শরভেশাষ্টকং নরঃ ।
তস্য নশ্যন্তি পাপানি রিপবশ্চ সুরোত্তমাঃ ॥ ৩০ ॥
নশ্যন্তি সর্বরোগাণি ক্ষয়রোগাদিকানি চ ।
অশেষগ্রহভূতানি কৃত্রিমাণি জ্বরাণি চ ॥ ৩১ ॥
সর্পচোরাগ্নিশার্দূলগজপোত্রিমুখানি চ ।
অন্যানি চ বনস্থানি নাস্তি ভীতির্ন সংশয়ঃ ॥ ৩২ ॥
ইত্যুক্ত্বান্তর্দধে দেবি দেবান্ শরভসালুবঃ ।
ততস্তে স্ব-স্বধামানি য়য়ুরাহ্লাদপূর্বকম্ ॥ ৩৩ ॥
এতচ্ছরভকং স্তোত্রং মন্ত্রভূতং জপেন্নরঃ ।
সর্বান্কামানবাপ্নোতি শিবলোকং চ গচ্ছতি ॥ ৩৪ ॥
ইতি শ্রীআকাশভৈরবকল্পোক্তং প্রত্যক্ষসিদ্ধিপ্রদে
উমামহেশ্বরসংবাদে শরভেশাষ্টকস্তোত্রমন্ত্রং সম্পূর্ণম্ ।
– Chant Stotra in Other Languages –
Sharabhesha Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil