॥ Shatabhisha Ashtakam Odia Lyrics ॥
ଶରଭେଶାଷ୍ଟକମ୍
ଶ୍ରୀଶିଵ ଉଵାଚ –
ଶୃଣୁ ଦେଵି ମହାଗୁହ୍ୟଂ ପରଂ ପୁଣ୍ୟଵିଵର୍ଧନମ୍ ।
ଶରଭେଶାଷ୍ଟକଂ ମନ୍ତ୍ରଂ ଵକ୍ଷ୍ୟାମି ତଵ ତତ୍ତ୍ଵତଃ ॥ ୧ ॥
ଋଷିନ୍ୟାସାଦିକଂ ୟତ୍ତତ୍ସର୍ଵପୂର୍ଵଵଦାଚରେତ୍ ।
ଧ୍ୟାନଭେଦଂ ଵିଶେଷେଣ ଵକ୍ଷ୍ୟାମ୍ୟହମତଃ ଶିଵେ ॥ ୨ ॥
ଧ୍ୟାନମ୍ –
ଜ୍ଵଲନକୁଟିଲକେଶଂ ସୂର୍ୟଚନ୍ଦ୍ରାଗ୍ନିନେତ୍ରଂ
ନିଶିତତରନଖାଗ୍ରୋଦ୍ଧୂତହେମାଭଦେହମ୍ ।
ଶରଭମଥ ମୁନୀନ୍ଦ୍ରୈଃ ସେଵ୍ୟମାନଂ ସିତାଙ୍ଗଂ
ପ୍ରଣତଭୟଵିନାଶଂ ଭାଵୟେତ୍ପକ୍ଷିରାଜମ୍ ॥ ୩ ॥
ଅଥ ସ୍ତୋତ୍ରମ୍ –
ଦେଵାଦିଦେଵାୟ ଜଗନ୍ମୟାୟ ଶିଵାୟ ନାଲୀକନିଭାନନାୟ ।
ଶର୍ଵାୟ ଭୀମାୟ ଶରାଧିପାୟ ନମୋଽସ୍ତୁ ତୁଭ୍ୟଂ ଶରଭେଶ୍ଵରାୟ ॥ ୪ ॥
ହରାୟ ଭୀମାୟ ହରିପ୍ରିୟାୟ ଭଵାୟ ଶାନ୍ତାୟ ପରାତ୍ପରାୟ ।
ମୃଡାୟ ରୁଦ୍ରାୟ ଵିଲୋଚନାୟ ନମୋଽସ୍ତୁ ତୁଭ୍ୟଂ ଶରଭେଶ୍ଵରାୟ ॥ ୫ ॥
ଶୀତାଂଶୁଚୂଡାୟ ଦିଗମ୍ବରାୟ ସୃଷ୍ଟିସ୍ଥିତିଧ୍ଵଂସନକାରଣାୟ ।
ଜଟାକଲାପାୟ ଜିତେନ୍ଦ୍ରିୟାୟ ନମୋଽସ୍ତୁ ତୁଭ୍ୟଂ ଶରଭେଶ୍ଵରାୟ ॥ ୬ ॥
କଲଙ୍କକଣ୍ଠାୟ ଭଵାନ୍ତକାୟ କପାଲଶୂଲାତ୍ତକରାମ୍ବୁଜାୟ ।
ଭୁଜଙ୍ଗଭୂଷାୟ ପୁରାନ୍ତକାୟ ନମୋଽସ୍ତୁ ତୁଭ୍ୟଂ ଶରଭେଶ୍ଵରାୟ ॥ ୭ ॥
ଶମାଦିଷଟ୍କାୟ ୟମାନ୍ତକାୟ ୟମାଦିୟୋଗାଷ୍ଟକସିଦ୍ଧିଦାୟ ।
ଉମାଧିନାଥାୟ ପୁରାତନାୟ ନମୋଽସ୍ତୁ ତୁଭ୍ୟଂ ଶରଭେଶ୍ଵରାୟ ॥ ୮ ॥
ଘୃଣାଦିପାଶାଷ୍ଟକଵର୍ଜିତାୟ ଖିଲୀକୃତାସ୍ମତ୍ପଥି ପୂର୍ଵଗାୟ ।
ଗୁଣାଦିହୀନାୟ ଗୁଣତ୍ରୟାୟ ନମୋଽସ୍ତୁ ତୁଭ୍ୟଂ ଶରଭେଶ୍ଵରାୟ ॥ ୯ ॥
କାଲାୟ ଵେଦାମୃତକନ୍ଦଲାୟ କଲ୍ୟାଣକୌତୂହଲକାରଣାୟ ।
ସ୍ଥୂଲାୟ ସୂକ୍ଷ୍ମାୟ ସ୍ଵରୂପଗାୟ ନମୋଽସ୍ତୁ ତୁସ୍ତୁ ତୁଭ୍ୟଂ ଶରଭେଶ୍ଵରାୟ ॥ ୧୦ ॥
ପଞ୍ଚାନନାୟାନିଲଭାସ୍କରାୟ ପଞ୍ଚାଶଦର୍ଣାଦ୍ୟପରାକ୍ଷୟାୟ ।
ପଞ୍ଚାକ୍ଷରେଶାୟ ଜଗଦ୍ଧିତାୟ ନମୋଽସ୍ତୁ ତୁଭ୍ୟଂ ଶରଭେଶ୍ଵରାୟ ॥ ୧୧ ॥
ନୀଲକଣ୍ଠାୟ ରୁଦ୍ରାୟ ଶିଵାୟ ଶଶିମୌଲିନେ ।
ଭଵାୟ ଭଵନାଶାୟ ପକ୍ଷିରାଜାୟ ତେ ନମଃ ॥ ୧୨ ॥
ପରାତ୍ପରାୟ ଘୋରାୟ ଶମ୍ଭଵେ ପରମାତ୍ମନେ ।
ଶର୍ଵାୟ ନିର୍ମଲାଙ୍ଗାୟ ସାଲୁଵାୟ ନମୋ ନମଃ ॥ ୧୩ ॥
ଗଙ୍ଗାଧରାୟ ସାମ୍ବାୟ ପରମାନନ୍ଦତେଜସେ ।
ସର୍ଵେଶ୍ଵରାୟ ଶାନ୍ତାୟ ଶରଭାୟ ନମୋ ନମଃ ॥ ୧୪ ॥
ଵରଦାୟ ଵରାଙ୍ଗାୟ ଵାମଦେଵାୟ ଶୂଲିନେ ।
ଗିରିଶାୟ ଗିରୀଶାୟ ଗିରିଜାପତୟେ ନମଃ ॥ ୧୫ ॥
କନକଜଠରକୋଦ୍ୟଦ୍ରକ୍ତପାନୋନ୍ମଦେନ
ପ୍ରଥିତନିଖିଲପୀଡାନାରସିଂହେନ ଜାତା ।
ଶରଭ ହର ଶିଵେଶ ତ୍ରାହି ନଃ ସର୍ଵପାପା-
ଦନିଶମିହ କୃପାବ୍ଧେ ସାଲୁଵେଶ ପ୍ରଭୋ ତ୍ଵମ୍ ॥ ୧୬ ॥
ସର୍ଵେଶ ସର୍ଵାଧିକଶାନ୍ତମୂର୍ତେ କୃତାପରାଧାନମରାନଥାନ୍ୟାନ୍ ।
ଵିନୀୟ ଵିଶ୍ଵଵିଧାୟି ନୀତେ ନମୋଽସ୍ତୁ ତୁଭ୍ୟଂ ଶରଭେଶ୍ଵରାୟ ॥ ୧୭ ॥
ଦଂଷ୍ଟ୍ରାନଖୋଗ୍ରଃ ଶରଭଃ ସପକ୍ଷଶ୍ଚତୁର୍ଭୁଜଶ୍ଚାଷ୍ଟପଦଃ ସହେତିଃ ।
କୋଟୀରଗଙ୍ଗେନ୍ଦୁଧରୋ ନୃସିଂହକ୍ଷୋଭାପହୋଽସ୍ମଦ୍ରିପୁହାସ୍ତୁ ଶମ୍ଭୁଃ ॥ ୧୮ ॥
ହୁଙ୍କାରୀ ଶରଭେଶ୍ଵରୋଽଷ୍ଟଚରଣଃ ପକ୍ଷୀ ଚତୁର୍ବାହୁକଃ ।
ପାଦାକୃଷ୍ଟନୃସିଂହଵିଗ୍ରହଧରଃ କାଲାଗ୍ନିକୋଟିଦ୍ୟୁତିଃ ।
ଵିଶ୍ଵକ୍ଷୋଭହରଃ ସହେତିରନିଶଂ ବ୍ରହ୍ମେନ୍ଦ୍ରମୁଖ୍ୟୈଃ ସ୍ତୁତୋ
ଗଙ୍ଗାଚନ୍ଦ୍ରଧରଃ ପୁରତ୍ରୟହରଃ ସଦ୍ୟୋ ରିପୁଘ୍ନୋଽସ୍ତୁ ନଃ ॥ ୧୯ ॥
ମୃଗାଙ୍କଲାଙ୍ଗୂଲସଚଞ୍ଚୁପକ୍ଷୋ ଦଂଷ୍ଟ୍ରାନନାଙ୍ଘ୍ରିଶ୍ଚ ଭୁଜାସହସ୍ରଃ ।
ତ୍ରିନେତ୍ରଗଙ୍ଗେନ୍ଦୁଧରଃ ପ୍ରଭାଢ୍ୟଃ ପାୟାଦପାୟାଚ୍ଛରଭେଶ୍ଵରୋ ନଃ ॥ ୨୦ ॥
ନୃସିଂହମତ୍ୟୁଗ୍ରମତୀଵତେଜଃପ୍ରକାଶିତଂ ଦାନଵଭଙ୍ଗଦକ୍ଷମ୍ ।
ପ୍ରଶାନ୍ତିମନ୍ତଂ ଵିଦଧାତି ୟୋ ମାଂ ସୋଽସ୍ମାନପାୟାଚ୍ଛରଭେଶ୍ଵରୋଽଵତୁ ନଃ ॥ ୨୧ ॥
ୟୋଽଭୂତ୍ ସହସ୍ରାଂଶୁଶତପ୍ରକାଶଃ ସ ପକ୍ଷିସିଂହାକୃତିରଷ୍ଟପାଦଃ ।
ନୃସିଂହସଙ୍କ୍ଷୋଭଶମାତ୍ତରୂପଃ ପାୟାଦପାୟାଚ୍ଛରଭେଶ୍ଵରୋ ନଃ ॥ ୨୨ ॥
ତ୍ଵାଂ ମନ୍ୟୁମନ୍ତଂ ପ୍ରଵଦନ୍ତି ଵେଦାସ୍ତ୍ଵାଂ ଶାନ୍ତିମନ୍ତଂ ମୁନୟୋ ଗୃଣନ୍ତି ।
ଦୃଷ୍ଟେ ନୃସିଂହେ ଜଗଦୀଶ୍ଵରେ ତେ ସର୍ଵାପରାଧଂ ଶରଭ କ୍ଷମସ୍ଵ ॥ ୨୩ ॥
କରଚରଣକୃତଂ ଵାକ୍କର୍ମଜଂ କାୟଜଂ ଵା
ଶ୍ରଵଣନୟନଜଂ ଵା ମାନସଂ ଵାପରାଧମ୍ ।
ଵିହିତମଵିହିତଂ ଵା ସର୍ଵମେତତ୍କ୍ଷମସ୍ଵ
ଶିଵ ଶିଵ କରୁଣାବ୍ଧେ ଶ୍ରୀମହାଦେଵ ଶମ୍ଭୋ ॥ ୨୪ ॥
ରୁଦ୍ରଃ ଶଙ୍କର ଈଶ୍ଵରଃ ପଶୁପତିଃ ସ୍ଥାଣୁଃ କପର୍ଦୀ ଶିଵୋ
ଵାଗୀଶୋ ଵୃଷଭଧ୍ଵଜଃ ସ୍ମରହରୋ ଭକ୍ତପ୍ରିୟସ୍ତ୍ର୍ୟମ୍ବକଃ ।
ଭୂତେଶୋ ଜଗଦୀଶ୍ଵରଶ୍ଚ ଵୃଷଭୋ ମୃତ୍ୟୁଞ୍ଜୟଃ ଶ୍ରୀପତିଃ
ୟୋଽସ୍ମାନ୍ କାଲଗଲୋଽଵତାତ୍ପୁରହରଃ ଶମ୍ଭୁଃ ପିନାକୀ ହରଃ ॥ ୨୫ ॥
ୟତୋ ନୃସିଂହଂ ହରସି ହର ଇତ୍ୟୁଚ୍ୟତେ ବୁଧୈଃ ।
ୟତୋ ବିଭର୍ଷି ସକଲଂ ଵିଭଜ୍ୟ ତନୁମଷ୍ଟଧା ॥ ୨୩ ॥
ଅତୋଽସ୍ମାନ୍ ପାହି ଭଗଵନ୍ପ୍ରସୀଦ ଚ ପୁନଃ ପୁନଃ ।
ଇତି ସ୍ତୁତୋ ମହାଦେଵଃ ପ୍ରସନ୍ନୋ ଭକ୍ତଵତ୍ସଲଃ । ୨୭ ॥
ସୁରାନାହ୍ଲାଦୟାମାସ ଵରଦାନୈରଭୀପ୍ସିତୈଃ ।
ପ୍ରସନ୍ନୋଽସ୍ମି ସ୍ତଵେନାହମନେନ ଵିବୁଧେଶ୍ଵରାଃ ॥ ୨୮ ॥
ମୟି ରୁଦ୍ରେ ମହାଦେଵେ ଭୟତ୍ଵଂ ଭକ୍ତିମୂର୍ଜିତମ୍ ।
ମମାଂଶୋଽୟଂ ନୃସିଂହୋଽୟଂ ମୟି ଭକ୍ତତମସ୍ତ୍ଵିହ ॥ ୨୯ ॥
ଇମଂ ସ୍ତଵଂ ଜପେଦ୍ୟସ୍ତୁ ଶରଭେଶାଷ୍ଟକଂ ନରଃ ।
ତସ୍ୟ ନଶ୍ୟନ୍ତି ପାପାନି ରିପଵଶ୍ଚ ସୁରୋତ୍ତମାଃ ॥ ୩୦ ॥
ନଶ୍ୟନ୍ତି ସର୍ଵରୋଗାଣି କ୍ଷୟରୋଗାଦିକାନି ଚ ।
ଅଶେଷଗ୍ରହଭୂତାନି କୃତ୍ରିମାଣି ଜ୍ଵରାଣି ଚ ॥ ୩୧ ॥
ସର୍ପଚୋରାଗ୍ନିଶାର୍ଦୂଲଗଜପୋତ୍ରିମୁଖାନି ଚ ।
ଅନ୍ୟାନି ଚ ଵନସ୍ଥାନି ନାସ୍ତି ଭୀତିର୍ନ ସଂଶୟଃ ॥ ୩୨ ॥
ଇତ୍ୟୁକ୍ତ୍ଵାନ୍ତର୍ଦଧେ ଦେଵି ଦେଵାନ୍ ଶରଭସାଲୁଵଃ ।
ତତସ୍ତେ ସ୍ଵ-ସ୍ଵଧାମାନି ୟୟୁରାହ୍ଲାଦପୂର୍ଵକମ୍ ॥ ୩୩ ॥
ଏତଚ୍ଛରଭକଂ ସ୍ତୋତ୍ରଂ ମନ୍ତ୍ରଭୂତଂ ଜପେନ୍ନରଃ ।
ସର୍ଵାନ୍କାମାନଵାପ୍ନୋତି ଶିଵଲୋକଂ ଚ ଗଚ୍ଛତି ॥ ୩୪ ॥
ଇତି ଶ୍ରୀଆକାଶଭୈରଵକଲ୍ପୋକ୍ତଂ ପ୍ରତ୍ୟକ୍ଷସିଦ୍ଧିପ୍ରଦେ
ଉମାମହେଶ୍ଵରସଂଵାଦେ ଶରଭେଶାଷ୍ଟକସ୍ତୋତ୍ରମନ୍ତ୍ରଂ ସମ୍ପୂର୍ଣମ୍ ।
– Chant Stotra in Other Languages –
Sharabhesha Ashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil