॥ Shastuh Dhyanashtakam Malayalam Lyrics ॥
ശാസ്തുഃ ധ്യാനാഷ്ടകം
ശ്രീഗണേശായ നമഃ ।
നമാമി ധര്‍മശാസ്താരം യോഗപീഠസ്ഥിതം വിഭും ।
പ്രസന്നം നിര്‍മലം ശാന്തം സത്യധര്‍മവ്രതം ഭജേ ॥ 1 ॥
ആശ്യാമകോമലവിശാലതനും വിചിത്ര-
വാസോ വസാനമരുണോത്പലവാമഹസ്തം ।
ഉത്തുങ്ഗരത്നമുകുടം കുടിലാഗ്രകേശം
ശാസ്താരമിഷ്ടവരദം ശരണം പ്രപദ്യേ ॥ 2 ॥
ഹരിഹരശരീരജന്‍മാ മരകതമണിഭങ്ഗമേചകച്ഛായഃ ।
വിജയതു ദേവഃ ശാസ്താ സകലജഗച്ചിത്തമോഹിനീമൂര്‍തിഃ ॥ 3 ॥
പാര്‍ശ്വസ്ഥാപത്യദാരം വടവിടപിതലന്യസ്തസിംഹാസനസ്ഥം ।
ശ്യാമം കാലാംബരം ച ശ്രിതകരയുഗലാദര്‍ശചിന്താമണിം ച ।
ശസ്ത്രീ നിസ്ത്രിംശബാണാസനവിശിഖധൃതം രക്തമാല്യാനുലേപം
വന്ദേ ശാസ്താരമീഡ്യം ഘനകുടിലബൃഹത്കുന്തലോദഗ്രമൌളിം ॥ 4 ॥
സ്നിഗ്ധാരാലവിസാരികുന്തലഭരം സിംഹാസനാധ്യാസിനം
സ്ഫൂര്‍ജത്പത്രസുകൢപ്തകുണ്ഡലമഥേഷ്വിഷ്വാസഭൃദ്ദോര്‍ദ്വയം ।
നീലക്ഷൌമവസം നവീനജലദശ്യാമം പ്രഭാസത്യക-
സ്വായത്പാര്‍ശ്വയുഗം സുരക്തസകലാകല്‍പം സ്മരേദാര്യകം ॥ 5 ॥
കോദണ്ഡം സശരം ഭുജേന ഭുജഗേന്ദ്രാഭോഗഭാസാ വഹന്‍
വാമേന ക്ഷുരികാം വിപക്ഷദലനേ പക്ഷേണ ദക്ഷേണ ച ।
കാന്ത്യാ നിര്‍ജിതനീരദഃ പുരഭിദഃ ക്രീഡത്കിരാതാകൃതേഃ
പുത്രോഽസ്മാകമനല്‍പനിര്‍മലയശാഃ നിര്‍മാതു ശര്‍മാനിശം ॥ 6 ॥
കാളാംഭോദകലാഭകോമലതനും ബാലേന്ദുചൂഡം വിഭും
ബാലാര്‍കായുതരോചിഷം ശരലസത്കോദണ്ഡബാണാന്വിതം ।
വീരശ്രീരമണം രണോത്സുകമിഷദ്രക്താംബുഭൂഷാഞ്ജലിം
കാലാരാതിസുതം കിരാതവപുഷം വന്ദേ പരം ദൈവതം ॥ 7 ॥
സാധ്യം സ്വപാര്‍ശ്വേന വിബുദ്‍ധ്യ ഗാഢം
നിപാതയന്തം ഖലു സാധകസ്യ ।
പാദാബ്ജയോര്‍മണ്ഡധരം ത്രിനേത്രം
ഭജേമ ശാസ്താരമഭീഷ്ടസിദ്‍ധ്യൈ ॥ 8 ॥
॥ ഇതി ശാസ്തുഃ ധ്യാനാഷ്ടകം സമ്പൂര്‍ണം ॥
– Chant Stotra in Other Languages –
Shastuh Dhyana Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil