॥ Seethala Ashtakam Bengali Lyrics ॥
॥ শীতলাষ্টকং ॥
অস্য শ্রীশীতলাস্তোত্রস্য মহাদেব ঋষিঃ ।
অনুষ্টুপ্ ছন্দঃ । শীতলা দেবতা ।
লক্ষ্মীর্বীজম্ । ভবানী শক্তিঃ ।
সর্ববিস্ফোটকনিবৃত্যর্থে জপে বিনিয়োগঃ ॥
ঈশ্বর উবাচ ।
বন্দেঽহং শীতলাং দেবীং রাসভস্থাং দিগম্বরাম্ ।
মার্জনীকলশোপেতাং শূর্পালঙ্কৃতমস্তকাম্ ॥ ১ ॥
বন্দেঽহং শীতলাং দেবীং সর্বরোগভয়াপহাম্।
য়ামাসাদ্য নিবর্তেত বিস্ফোটকভয়ং মহত্ ॥ ২ ॥
শীতলে শীতলে চেতি য়ো ব্রূয়দ্দাহপীডিতঃ ।
বিস্ফোটকভয়ং ঘোরং ক্ষিপ্রং তস্য প্রণশ্যতি ॥ ৩ ॥
য়স্ত্বামুদকমধ্যে তু ধ্যাত্বা সম্পূজয়েন্নরঃ ।
বিস্ফোটকভয়ং ঘোরং গৃহে তস্য ন জায়তে ॥ ৪ ॥
শীতলে জ্বরদগ্ধস্য পূতিগন্ধয়ুতস্য চ ।
প্রণষ্টচক্ষুষঃ পুংসস্ত্বামাহুর্জীবনৌষধম্ ॥ ৫ ॥
শীতলে তনুজান্ রোগান্ নৃণাং হরসি দুস্ত্যজান্ ।
বিস্ফোটকবিদীর্ণানাং ত্বমেকাঽমৃতবর্ষিণী ॥ ৬ ॥
গলগণ্ডগ্রহা রোগা য়ে চান্যে দারুণা নৃণাম্ ।
ত্বদনুধ্যানমাত্রেণ শীতলে য়ান্তি সঙ্ক্ষয়ম্ ॥ ৭ ॥
ন মন্ত্রো নৌষধং তস্য পাপরোগস্য বিদ্যতে ।
ত্বামেকাং শীতলে ধাত্রীং নান্যাং পশ্যামি দেবতাম্ ॥ ৮ ॥
মৃণালতন্তুসদৃশীং নাভিহৃন্মধ্যসংস্থিতাম্ ।
য়স্ত্বাং সঞ্চিন্তয়েদ্দেবি তস্য মৃত্যুর্ন জায়তে ॥ ৯ ॥
অষ্টকং শীতলাদেব্যা য়ো নরঃ প্রপঠেত্সদা ।
বিস্ফোটকভয়ং ঘোরং গৃহে তস্য ন জায়তে ॥ ১০ ॥
শ্রোতব্যং পঠিতব্যং চ শ্রদ্ধাভাক্তিসমন্বিতৈঃ ।
উপসর্গবিনাশায় পরং স্বস্ত্যয়নং মহত্ ॥ ১১ ॥
শীতলে ত্বং জগন্মাতা শীতলে ত্বং জগত্পিতা ।
শীতলে ত্বং জগদ্ধাত্রী শীতলায়ৈ নমো নমঃ ॥ ১২ ॥
রাসভো গর্দভশ্চৈব খরো বৈশাখনন্দনঃ ।
শীতলাবাহনশ্চৈব দূর্বাকন্দনিকৃন্তনঃ ॥ ১৩ ॥
এতানি খরনামানি শীতলাগ্রে তু য়ঃ পঠেত্ ।
তস্য গেহে শিশূনাং চ শীতলারুঙ্ ন জায়তে ॥ ১৪ ॥
শীতলাষ্টকমেবেদং ন দেয়ং য়স্যকস্যচিত্ ।
দাতব্যং চ সদা তস্মৈ শ্রদ্ধাভক্তিয়ুতায় বৈ ॥ ১৫ ॥
॥ ইতি শ্রীস্কন্দপুরাণে শীতলাষ্টকং সম্পূর্ণম্ ॥
– Chant Stotra in Other Languages –
Shitala Chalisa » Shital Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil