॥ Shivashtakam Bengali Lyrics ॥
॥ শিৱাষ্টকম ॥
শিৱ অষ্টকম
প্রভুং প্রাণনাথং ৱিভুং ৱিশ্ৱনাথং জগন্নাথনাথং সদানন্দভাজম ।
ভৱদ্ভৱ্যভূতেশ্ৱরং ভূতনাথং শিৱং শঙ্করং শংভুমীশানমীডে ॥১॥
গলে রুণ্ডমালং তনৌ সর্পজালং মহাকালকালং গণেশাধিপালম ।
জটাজূটগঙ্গোত্তরঙ্গৈর্ৱিশালং শিৱং শঙ্করং শংভুমীশানমীডে ॥২॥
মুদামাকরং মণ্ডনং মণ্ডযন্তং মহামণ্ডলং ভস্মভূষাধরং তম ।
অনাদিং হ্যপারং মহামোহমারং শিৱং শঙ্করং শংভুমীশানমীডে ॥৩॥
তটাধোনিৱাসং মহাট্টাট্টহাসং মহাপাপনাশং সদা সুপ্রকাশম ।
গিরীশং গণেশং সুরেশং মহেশং শিৱং শঙ্করং শংভুমীশানমীডে ॥৪।
গিরীন্দ্রাত্মজাসঙ্গৃহীতার্ধদেহং গিরৌ সংস্থিতং সর্ৱদা সন্নিগেহম ।
পরব্রহ্ম ব্রহ্মাদিভির্ৱন্দ্যমানং শিৱং শঙ্করং শংভুমীশানমীডে ॥৫॥
কপালং ত্রিশূলং করাভ্যাং দধানং পদাংভোজনম্রায কামং দদানম ।
বলীৱর্দযানং সুরাণাং প্রধানং শিৱং শঙ্করং শংভুমীশানমীডে ॥৬॥
শরচ্চন্দ্রগাত্রং গুণানন্দপাত্রং ত্রিনেত্রং পৱিত্রং ধনেশস্য মিত্রম ।
অপর্ণাকলত্রং চরিত্রং ৱিচিত্রং শিৱং শঙ্করং শংভুমীশানমীডে ॥৭॥
হরং সর্পহারং চিতাভূৱিহারং ভৱং ৱেদসারং সদা নির্ৱিকারম ।
শ্মশানে ৱসন্তং মনোজং দহন্তং শিৱং শঙ্করং শংভুমীশানমীডে ॥৮॥
স্তৱং যঃ প্রভাতে নরঃ শূলপাণেঃ পঠেত্সর্ৱদা ভর্গভাৱানুরক্তঃ ।
স পুত্রং ধনং ধান্যমিত্রং কলত্রং ৱিচিত্রৈঃ সমারাদ্য মোক্ষং প্রযাতি ॥৯॥
ইতি শ্রীশিৱাষ্টকং সংপূর্ণম ॥
– Chant Stotra in Other Languages –
Shiva Ashtakam in Sanskrit – English – Bengali – Gujarati – Kannada – Malayalam – Marathi – Telugu – Tamil