॥ Lord Shiva Astotram Bengali Lyrics ॥
॥ শিবাস্তোত্রম্ ॥
শিবারূপধরে দেবি কামকালি নমোঽস্তু তে ।
উল্কামুখি ললজ্জিহ্বে ঘোররাবে শৃগালিনি ॥ ১ ॥
শ্মশানবাসিনি প্রেতে শবমাংসপ্রিয়েঽনঘে ।
অরণ্যচারিণি শিবে ফেরো জম্বূকরূপিণি ॥ ২ ॥
নমোঽস্তু তে মহামায়ে জগত্তারিণি কালিকে ।
মাতঙ্গি কুক্কুটে রৌদ্রি কালকালি নমোঽস্তু তে ॥ ৩ ॥ var কালিকালি
সর্বসিদ্ধিপ্রদে দেবি ভয়ঙ্করি ভয়াবহে । var সর্বসিদ্ধিপ্রদে ভীমে
প্রসন্না ভব দেবেশি মম ভক্তস্য কালিকে ॥ ৪ ॥
সংসারতারিণি জয়ে জয় সর্বশুভঙ্করি ।
বিস্রস্তচিকুরে চণ্ডে চামুণ্ডে মুণ্ডমালিনি ॥ ৫ ॥
সংহারকারিণি ক্রুদ্ধে সর্বসিদ্ধিং প্রয়চ্ছ মে ।
দুর্গে কিরাতি শবরি প্রেতাসনগতেঽভয়ে ॥ ৬ ॥
অনুগ্রহং কুরু সদা কৃপয়া মাং বিলোকয় ।
রাজ্যং প্রয়চ্ছ বিকটে বিত্তমায়ুঃ সুতান্ স্ত্রিয়ম্ ॥ ৭ ॥
শিবাবলিবিধানেন প্রসন্না ভব ফেরবে ।
নমস্তেঽস্তু নমস্তেঽস্তু নমস্তেঽস্তু নমো নমঃ ॥ ৮ ॥
ইত্যেতৈরষ্টভিঃ শ্লোকৈঃ শিবাস্তোত্রমুদীরয়েত্ ।
ইত্যাদিনাথবিরচিতায়াং মহাকালসংহিতায়াং কামকলাখণ্ড্যাং
উত্তরীভাগে শিবাবলিপ্রয়োগো নামে চতুর্থপটলান্তর্গতং
শিবাস্তোত্রং সম্পূর্ণম্ ।
– Chant Stotra in Other Languages –
Sri Siva Slokam » Lord Shiva Astotram Lyrics in Sanskrit » English » Gujarati » Kannada » Malayalam » Odia » Telugu » Tamil