॥ Lord Shiva Astotram Odia Lyrics ॥
॥ ଶିଵାସ୍ତୋତ୍ରମ୍ ॥
ଶିଵାରୂପଧରେ ଦେଵି କାମକାଲି ନମୋଽସ୍ତୁ ତେ ।
ଉଲ୍କାମୁଖି ଲଲଜ୍ଜିହ୍ଵେ ଘୋରରାଵେ ଶୃଗାଲିନି ॥ ୧ ॥
ଶ୍ମଶାନଵାସିନି ପ୍ରେତେ ଶଵମାଂସପ୍ରିୟେଽନଘେ ।
ଅରଣ୍ୟଚାରିଣି ଶିଵେ ଫେରୋ ଜମ୍ବୂକରୂପିଣି ॥ ୨ ॥
ନମୋଽସ୍ତୁ ତେ ମହାମାୟେ ଜଗତ୍ତାରିଣି କାଲିକେ ।
ମାତଙ୍ଗି କୁକ୍କୁଟେ ରୌଦ୍ରି କାଲକାଲି ନମୋଽସ୍ତୁ ତେ ॥ ୩ ॥ var କାଲିକାଲି
ସର୍ଵସିଦ୍ଧିପ୍ରଦେ ଦେଵି ଭୟଙ୍କରି ଭୟାଵହେ । var ସର୍ଵସିଦ୍ଧିପ୍ରଦେ ଭୀମେ
ପ୍ରସନ୍ନା ଭଵ ଦେଵେଶି ମମ ଭକ୍ତସ୍ୟ କାଲିକେ ॥ ୪ ॥
ସଂସାରତାରିଣି ଜୟେ ଜୟ ସର୍ଵଶୁଭଙ୍କରି ।
ଵିସ୍ରସ୍ତଚିକୁରେ ଚଣ୍ଡେ ଚାମୁଣ୍ଡେ ମୁଣ୍ଡମାଲିନି ॥ ୫ ॥
ସଂହାରକାରିଣି କ୍ରୁଦ୍ଧେ ସର୍ଵସିଦ୍ଧିଂ ପ୍ରୟଚ୍ଛ ମେ ।
ଦୁର୍ଗେ କିରାତି ଶଵରି ପ୍ରେତାସନଗତେଽଭୟେ ॥ ୬ ॥
ଅନୁଗ୍ରହଂ କୁରୁ ସଦା କୃପୟା ମାଂ ଵିଲୋକୟ ।
ରାଜ୍ୟଂ ପ୍ରୟଚ୍ଛ ଵିକଟେ ଵିତ୍ତମାୟୁଃ ସୁତାନ୍ ସ୍ତ୍ରିୟମ୍ ॥ ୭ ॥
ଶିଵାବଲିଵିଧାନେନ ପ୍ରସନ୍ନା ଭଵ ଫେରଵେ ।
ନମସ୍ତେଽସ୍ତୁ ନମସ୍ତେଽସ୍ତୁ ନମସ୍ତେଽସ୍ତୁ ନମୋ ନମଃ ॥ ୮ ॥
ଇତ୍ୟେତୈରଷ୍ଟଭିଃ ଶ୍ଲୋକୈଃ ଶିଵାସ୍ତୋତ୍ରମୁଦୀରୟେତ୍ ।
ଇତ୍ୟାଦିନାଥଵିରଚିତାୟାଂ ମହାକାଲସଂହିତାୟାଂ କାମକଲାଖଣ୍ଡ୍ୟାଂ
ଉତ୍ତରୀଭାଗେ ଶିଵାବଲିପ୍ରୟୋଗୋ ନାମେ ଚତୁର୍ଥପଟଲାନ୍ତର୍ଗତଂ
ଶିଵାସ୍ତୋତ୍ରଂ ସମ୍ପୂର୍ଣମ୍ ।
– Chant Stotra in Other Languages –
Sri Siva Slokam » Lord Shiva Astotram Lyrics in Sanskrit » English » Bengali » Gujarati » Kannada » Malayalam » Telugu » Tamil