॥ Siva Mahima Ashtakam Bengali Lyrics ॥
॥ শ্রীশিবমহিমাষ্টকম্ ॥
সুরবৃন্দমুনীশ্বরবন্দ্যপদো হিমশৈলবিহারকরো রুচিরঃ ।
অনুরাগনিধির্মণিসর্পধরো জয়তীহ শিবঃ শিবরূপধরঃ ॥ ১॥
ভবতাপবিদগ্ধবিপত্তিহরো ভবমুক্তিকরো ভবনামধরঃ ।
ধৃতচন্দ্রশিরো বিষপানকরো জয়তীহ শিবঃ শিবরূপধরঃ ॥ ২॥
নিজপার্ষদবৃন্দজয়োচ্চরিতঃ করশূলধরোঽভয়দানপরঃ ।
জটয়া পরিভূষিতদিব্যতমো জয়তীহ শিবঃ শিবরূপধরঃ ॥ ৩॥
বৃষভাঙ্গবিরাজিত উল্লসিতঃ কৃপয়া নিতরামুপদেশকরঃ ।
ত্বরিতং ফলদো গণয়ূথয়ুতো জয়তীহ শিবঃ শিবরূপধরঃ ॥ ৪॥
অহিহারসুশোভিত আপ্তনুতো সমুপাস্যমহেশ্বর আর্তিহরঃ ।
ধৃতবিষ্ণুপদীসুজটো মুদিতো জয়তীহ শিবঃ শিবরূপধরঃ ॥ ৫॥
ব্রজকৃষ্ণপদাব্জপরাগরতো ব্রজকুঞ্জসখীনবরূপধরঃ ।
ব্রজগোপসুরেশ উমাধিপতির্জয়তীহ শিবঃ শিবরূপধরঃ ॥ ৬॥
য়ুগকেলিবিলাসমহারসিকো রসতন্ত্রপুরাণকথাচতুরঃ ।
রসশাস্ত্ররসজ্ঞপটুর্মধুরো জয়তীহ শিবঃ শিবরূপধরঃ ॥ ৭॥
য়মপাশভয়াপহরোঽঘহরঃ প্রবলোঽস্তি মহাপ্রবলঃ প্রখরঃ ।
পরিপূর্ণতমো হরিভক্তিভরো জয়তীহ শিবঃ শিবরূপধরঃ ॥ ৮॥
শিবশান্ত্যর্থদং দিব্যং শ্রীশিবমহিমাষ্টকম্ ।
রাধাসর্বেশ্বরাখ্যেন শরণান্তেন নির্মিতম্ ॥
ইতি শ্রীনিম্বার্কপীঠাধীশ্বর শ্রীরাধাসর্বেশ্বরশরণদেবাচার্যজী
মহারাজ দ্বারা রচিতং শ্রীশিবমহিমাষ্টকং সম্পূর্ণম্ ।
– Chant Stotra in Other Languages –
Lord Shiva Slokam » Shiva Mahima Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil