Shiva Shakti Kruta Ganadhisha Stotram In Kannada

॥ Shiva Shakti Kruta Ganadhisha Stotram Kannada Lyrics ॥

॥ ಶ್ರೀ ಗಣಾಧೀಶ ಸ್ತೋತ್ರಂ (ಶಿವಶಕ್ತಿ ಕೃತಂ) ॥
ಶ್ರೀಶಕ್ತಿಶಿವಾವೂಚತುಃ ।
ನಮಸ್ತೇ ಗಣನಾಥಾಯ ಗಣಾನಾಂ ಪತಯೇ ನಮಃ ।
ಭಕ್ತಿಪ್ರಿಯಾಯ ದೇವೇಶ ಭಕ್ತೇಭ್ಯಃ ಸುಖದಾಯಕ ॥ ೧ ॥

ಸ್ವಾನಂದವಾಸಿನೇ ತುಭ್ಯಂ ಸಿದ್ಧಿಬುದ್ಧಿವರಾಯ ಚ ।
ನಾಭಿಶೇಷಾಯ ದೇವಾಯ ಢುಂಢಿರಾಜಾಯ ತೇ ನಮಃ ॥ ೨ ॥

ವರದಾಭಯಹಸ್ತಾಯ ನಮಃ ಪರಶುಧಾರಿಣೇ ।
ನಮಸ್ತೇ ಸೃಣಿಹಸ್ತಾಯ ನಾಭಿಶೇಷಾಯ ತೇ ನಮಃ ॥ ೩ ॥

ಅನಾಮಯಾಯ ಸರ್ವಾಯ ಸರ್ವಪೂಜ್ಯಾಯ ತೇ ನಮಃ ।
ಸಗುಣಾಯ ನಮಸ್ತುಭ್ಯಂ ಬ್ರಹ್ಮಣೇ ನಿರ್ಗುಣಾಯ ಚ ॥ ೪ ॥

ಬ್ರಹ್ಮಭ್ಯೋ ಬ್ರಹ್ಮದಾತ್ರೇ ಚ ಗಜಾನನ ನಮೋಽಸ್ತು ತೇ ।
ಜ್ಯೇಷ್ಠಾಯ ಚಾದಿಪೂಜ್ಯಾಯ ಜ್ಯೇಷ್ಠರಾಜಾಯ ತೇ ನಮಃ ॥ ೫ ॥

ಮಾತ್ರೇ ಪಿತ್ರೇ ಚ ಸರ್ವೇಷಾಂ ಹೇರಂಬಾಯ ನಮೋ ನಮಃ ।
ಅನಾದಯೇ ಚ ವಿಘ್ನೇಶ ವಿಘ್ನಕರ್ತ್ರೇ ನಮೋ ನಮಃ ॥ ೬ ॥

ವಿಘ್ನಹರ್ತ್ರೇ ಸ್ವಭಕ್ತಾನಾಂ ಲಂಬೋದರ ನಮೋಽಸ್ತು ತೇ ।
ತ್ವದೀಯಭಕ್ತಿಯೋಗೇನ ಯೋಗೀಶಾಃ ಶಾಂತಿಮಾಗತಾಃ ॥ ೭ ॥

ಕಿಂ ಸ್ತುವೋ ಯೋಗರೂಪಂ ತಂ ಪ್ರಣಮಾವಶ್ಚ ವಿಘ್ನಪ ।
ತೇನ ತುಷ್ಟೋ ಭವ ಸ್ವಾಮಿನ್ನಿತ್ಯುಕ್ತ್ವಾ ತಂ ಪ್ರಣೇಮತುಃ ॥ ೮ ॥

ತಾವುತ್ಥಾಪ್ಯ ಗಣಾಧೀಶ ಉವಾಚ ತೌ ಮಹೇಶ್ವರೌ ।
ಶ್ರೀಗಣೇಶ ಉವಾಚ ।
ಭವತ್ಕೃತಮಿದಂ ಸ್ತೋತ್ರಂ ಮಮ ಭಕ್ತಿವಿವರ್ಧನಮ್ ॥ ೯ ॥

ಭವಿಷ್ಯತಿ ಚ ಸೌಖ್ಯಸ್ಯ ಪಠತೇ ಶೃಣ್ವತೇ ಪ್ರದಮ್ ।
ಭುಕ್ತಿಮುಕ್ತಿಪ್ರದಂ ಚೈವ ಪುತ್ರಪೌತ್ರಾದಿಕಂ ತಥಾ ।
ಧನಧಾನ್ಯಾದಿಕಂ ಸರ್ವಂ ಲಭತೇ ತೇನ ನಿಶ್ಚಿತಮ್ ॥ ೧೦ ॥

See Also  Kaligenide Naaku In Kannada

ಇತಿ ಶಿವಶಕ್ತಿಕೃತಂ ಶ್ರೀಗಣಾಧೀಶಸ್ತೋತ್ರಂ ಸಂಪೂರ್ಣಮ್ ।

– Chant Stotra in Other Languages –

Sri Ganesha Stotram » Shiva Shakti Kruta Ganadhisha Stotram Lyrics in Sanskrit » English » Telugu » Tamil