॥ Shri Subramanya Mangala Ashtakam English Lyrics ॥
॥ śrī subrahmaṇya maṅgalāṣṭakam ॥
śivayōstanujāyāstu śritamandāraśākhinē ।
śikhivaryaturaṅgāya subrahmaṇyāya maṅgalam ॥ 1 ॥
bhaktābhīṣṭapradāyāstu bhavarōgavināśinē ।
rājarājādivandyāya raṇadhīrāya maṅgalam ॥ 2 ॥
śūrapadmādidaitēyatamisrakulabhānavē ।
tārakāsurakālāya bālakāyāstu maṅgalam ॥ 3 ॥
vallīvadanarājīva madhupāya mahātmanē ।
ullasanmaṇikōṭīrabhāsurāyāstu maṅgalam ॥ 4 ॥
kandarpakōṭilāvaṇyanidhayē kāmadāyinē ।
kuliśāyudhahastāya kumārāyāstu maṅgalam ॥ 5 ॥
muktāhāralasatkaṇṭharājayē muktidāyinē ।
dēvasēnāsamētāya daivatāyāstu maṅgalam ॥ 6 ॥
kanakāmbarasaṁśōbhikaṭayē kalihāriṇē ।
kamalāpativandyāya kārtikēyāya maṅgalam ॥ 7 ॥
śarakānanajātāya śūrāya śubhadāyinē ।
śītabhānusamāsyāya śaraṇyāyāstu maṅgalam ॥ 8 ॥
maṅgalāṣṭakamētadyē mahāsēnasya mānavāḥ ।
paṭhantī pratyahaṁ bhaktyā prāpnuyustē parāṁ śriyam ॥ 9 ॥
iti śrī subrahmaṇya maṅgalāṣṭakam ।
– Chant Stotra in Other Languages –
Sri Subrahmanya / Kartikeya / Muruga Stotram » Shri Subramanya Mangala Ashtakam Lyrics in Sanskrit » Kannada » Telugu » Tamil