॥ Shrimad Gitasarah Bengali Lyrics ॥
॥ শ্রীমদ্ গীতাসারঃ ॥
শ্রীভগবানুবাচ —
গীতাসারং প্রবক্ষ্যামি অর্জুনায়োদিতং পুরা ।
অষ্টাঙ্গয়োগয়ুক্তাত্মা সর্ববেদান্তপারগঃ ॥ ১ ॥
আত্মলাভঃ পরো নান্য আত্মা দেহাদিবর্জিতঃ।
রূপাদিহীনো দেহান্তঃকরণৎবাদিলোচনম্ ॥ ২ ॥
বিজ্ঞানরহিতঃ প্রাণঃ সুষুপ্তোঽহং প্রতীয়তে ।
নাহমাত্মা চ দুঃখাদি সংসারাদিসমন্বয়াৎ ॥ ৩ ॥
বিধূম ইব দীপ্তার্চিরাদীপ্ত ইব দীপ্তিমান্ ।
বৈদ্যুতোঽগ্নিরিবাকাশে হৃৎসঙ্গে আত্মনাঽঽত্মনি ॥ ৪ ॥
শ্রোত্রাদীনি ন পশ্যন্তি স্বং স্বমাত্মানমাত্মনা ।
সর্বজ্ঞঃ সর্বদর্শী চ ক্ষেত্রজ্ঞস্তানি পশ্যতি ॥ ৫ ॥
সদা প্রকাশতে হ্যাত্মা পটে দীপো জলন্নিব ।
জ্ঞানমুৎপদ্যতে পুংসাং ক্ষয়াৎ পাপস্য কর্মণঃ ॥ ৬ ॥
যথাদর্শতলপ্রখ্যে পশ্যত্যাত্মানমাত্মনি ।
ইন্দ্রিয়াণীন্দ্রিয়ার্থাংশ্চ মহাভূতানি পঞ্চকম্ ॥ ৭ ॥
মনোবুদ্ধিরহঙ্কারমব্যক্তং পুরুষস্তথা ।
প্রসংখ্যানপরাব্যাপ্তো বিমুক্তো বন্ধনৈর্ভবেৎ ॥ ৮ ॥
ইন্দ্রিয়গ্রামমখিলং মনসাভিনিবেশ্য চ ।
মনশ্চৈবাপ্যহঙ্কারে প্রতিষ্ঠাপ্য চ পাণ্ডব ॥ ৯ ॥
অহঙ্কারং তথা বুদ্ধৌ বুদ্ধিং চ প্রকৃতাবপি ।
প্রকৃতিং পুরুষে স্থাপ্য পুরুষং ব্রহ্মণি ন্যসেৎ ॥ ১০ ॥
নবদ্বারমিদং গেহং তিসৄণাং পঞ্চসাক্ষিকম্ ।
ক্ষেত্রজ্ঞাধিষ্ঠিতং বিদ্বান্ যো বেদ স পরঃ কবিঃ ॥ ১১ ॥
অশ্বমেধসহস্রাণি বাজপেয়শতানি চ ।
জ্ঞানয়জ্ঞস্য সর্বাণি কলাং নার্হন্তি ষোডশীম্ ॥ ১২ ॥
শ্রীভগবানুবাচ —
যমশ্চ নিয়মঃ পার্থ আসনং প্রাণসংয়মঃ ।
প্রত্যাহারস্তথা ধ্যানং ধারণার্জুন সপ্তমী ।
সমাধিবিধি চাষ্টাঙ্গো যোগ উক্তো বিমুক্তয়ে ॥ ১৩ ॥
কায়েন মনসা বাচা সর্বভুতেষু সর্বদা ।
হিংসাবিরামকো ধর্মো হ্যহিংসা পরমং সুখম্ ॥ ১৪ ॥
বিধিনা যা ভবেদ্ধিংসা সা ৎবহিংসা প্রকীর্তিতা ।
সত্যং ব্রূয়াৎ প্রিয়ং ব্রূয়ান্ন ব্রূয়াৎসত্যমপ্রিয়ম্ ।
প্রিয়ং চ নানৃতং ব্রূয়াদেষ ধর্মঃ সনাতনঃ ॥ ১৫ ॥
যচ্চ দ্রব্যাপহরণং চৌর্যাদ্বাথ বলেন বা ।
স্তেয়ং তস্যানাচরণং অস্তেয়ং ধর্মসাধনম্ ॥ ১৬ ॥
কর্মণা মনসা বাচা সর্বাবস্থাসু সর্বদা।
সর্বত্র মৈথুনত্যাগং ব্রহ্মচর্যং প্রচক্ষতে ॥ ১৭ ॥
দ্রব্যাণামপ্যনাদানমাপৎস্বপি তথেচ্ছয়া ।
অপরিগ্রহমিত্যাহুস্তং প্রয়ত্নেন বর্জয়েৎ ॥ ১৮ ॥
দ্বিধা শৌচং মৃজ্জলাভ্যাং বাহ্যং ভাবাদথান্তরম্।
যদৃচ্ছালাভতস্তুষ্টিঃ সন্তোষঃ সুখলক্ষণম্ ॥ ১৯ ॥
মনসশ্চেন্দ্রিয়াণাং চ ঐকাগ্র্যং পরমং তপঃ ।
শরীরশোষণং বাপি কৃচ্ছ্রচান্দ্রায়ণাদিভিঃ ॥ ২০ ॥
বেদান্তশতরুদ্রীয়প্রণবাদি জপং বুধাঃ ।
সত্ত্বশুদ্ধিকরং পুংসাং স্বাধ্যায়ং পরিচক্ষতে ॥ ২১ ॥
স্তুতিস্মরণপূজাদি বাঙ্মনঃকায়কর্মভিঃ ।
অনিশ্চলা হরৌ ভক্তিরেতদীশ্বরচিন্তনম্ ॥ ২২ ॥
আসনং স্বস্তিকং প্রোক্তং পদ্মমর্ধাসনস্তথা ।
প্রাণঃ স্বদেহজো বায়ুরারামস্তন্নিরোধনম্ ॥ ২৩ ॥
ইন্দ্রিয়াণাং বিচরতাং বিষয়েষু ৎবসৎস্বিব ।
নিরোধঃ প্রোচ্যতে সদ্ভিঃ প্রত্যাহারস্তু পাণ্ডব ॥ ২৪ ॥
মূর্তামূর্তব্রহ্মরূপচিন্তনং ধ্যানমুচ্যতে ।
যোগারম্ভে মূর্তহরিং অমূর্তমপি চিন্তয়েৎ ॥ ২৫ ॥
অগ্নিমণ্ডলমধ্যস্থো বায়ুর্দেবশ্চতুর্ভুজঃ ।
শংখচক্রগদাপদ্ময়ুক্তঃ কৌস্তুভসংয়ুতঃ ॥ ২৬ ॥
বনমালী কৌস্তুভেন রতোঽহং ব্রহ্মসংজ্ঞকঃ ।
ধারণেত্যুচ্যতে চেয়ং ধার্যতে যন্মনোলয়ে ॥ ২৭ ॥
অহং ব্রহ্মেত্যবস্থানং সমাধিরভিধীয়তে ।
অহং ব্রহ্মাস্মি বাক্যাচ্চ জ্ঞানান্মোক্ষো ভবেন্নৃণাম্ ॥ ২৮ ॥
শ্রদ্ধয়ানন্দচৈতন্যং লক্ষয়িৎবা স্থিতস্য চ ।
ব্রহ্মাহমস্ম্যহং ব্রহ্ম অহং-ব্রহ্ম-পদার্থয়োঃ ॥ ২৯ ॥
হরিরুবাচ —
গীতাসারমিতি প্রোক্তং বিধিনাপি ময়া তব ।
যঃ পঠেৎ শৃণুয়াদ্বাপি সোঽপি মোক্ষমবাপ্নুয়াৎ ॥ ৩০ ॥
ইতি ব্রহ্মবিদ্যায়াং যোগশাস্ত্রে শ্রীকৃষ্ণার্জুনসংবাদে
শ্রীমদ্গীতাসারঃ সমাপ্তঃ ॥
– Chant Stotra in Other Languages –
Shrimad Gita Sarah in Sanskrit – English – Bengali – Gujarati – Kannada – Malayalam – Odia – Telugu – Tamil