॥ Shukadeva Sri Krishna Stuti Gujarati Lyrics ॥
॥ શ્રીશુકપ્રોક્તા શ્રીકૃષ્ણસ્તુતિઃ ॥
શ્રીશુક ઉવાચ –
નમઃ પરસ્મૈ પુરુષાય ભૂયસે સદુદ્ભવસ્થાનનિરોધલીલયા ।
ગૃહીતશક્તિત્રિતયાય દેહિનામન્તર્ભવાયાનુપલક્ષ્યવર્ત્મને ॥ ૧ ॥
ભૂયો નમઃ સદ્વૃજિનચ્છિદેઽસતામસમ્ભવાયાખિલસત્ત્વમૂર્તયે ।
પુંસાં પુનઃ પારમહંસ્ય આશ્રમે વ્યવસ્થિતાનામનુમૃગ્યદાશુષે ॥ ૨ ॥
નમો નમસ્તેઽસ્ત્વૃષભાય સાત્વતાં વિદૂરકાષ્ઠાય મુહુઃ કુયોગિનામ્ ।
નિરસ્તસામ્યાતિશયેન રાધસા સ્વધામનિ બ્રહ્મણિ રંસ્યતે નમઃ ॥ ૩ ॥
યત્કીર્તનં યત્સ્મરણં યદીક્ષણં યદ્વન્દનં યચ્છ્રવણં યદર્હણમ્ ।
લોકસ્ય સદ્યો વિધુનોતિ કલ્મષં તસ્મૈ સુભદ્રશ્રવસે નમો નમઃ ॥ ૪ ॥
વિચક્ષણા યચ્ચરણોપસાદનાત્સઙ્ગં વ્યુદસ્યોભયતોઽન્તરાત્મનઃ ।
વિન્દન્તિ હિ બ્રહ્મગતિં ગતક્લમાસ્તસ્મૈ સુભદ્રશ્રવસે નમો નમઃ ॥ ૫ ॥
તપસ્વિનો દાનપરા યશસ્વિનો મનસ્વિનો મન્ત્રવિદઃ સુમઙ્ગલાઃ ।
ક્ષેમં ન વિન્દન્તિ વિના યદર્પણં તસ્મૈ સુભદ્રશ્રવસે નમો નમઃ ॥ ૬ ॥
કિરાતહૂણાન્ધ્રપુલિન્દપુલ્કશા આભીરશુમ્ભા યવનાઃ ખસાદયઃ ।
યેઽન્યે ચ પાપા યદપાશ્રયાશ્રયાઃ શુધ્યન્તિ તસ્મૈ પ્રભવિષ્ણવે નમઃ ॥ ૭ ॥
સ એષ આત્માત્મવતામધીશ્વરસ્ત્રયીમયો ધર્મમયસ્તપોમયઃ ।
ગતવ્યલીકૈરજશઙ્કરાદિભિર્વિતર્ક્યલિઙ્ગો ભગવાન્પ્રસીદતામ્ ॥ ૮ ॥
શ્રિયઃ પતિર્યજ્ઞપતિઃ પ્રજાપતિર્ધિયાં પતિર્લોકપતિર્ધરાપતિઃ ।
પતિર્ગતિશ્ચાન્ધકવૃષ્ણિસાત્વતાં પ્રસીદતાં મે ભગવાન્સતાં પતિઃ ॥ ૯ ॥
ઇતિ શ્રીમદ્ભાગવતે મહાપુરાણે પારમહંસ્યાં સંહિતાયાં દ્વિતીયસ્કન્ધે
ચતુર્થોઽધ્યાયે શ્રીશુકપ્રોક્તા શ્રીકૃષ્ણસ્તુતિઃ સમાપ્તા ॥
– Chant Stotra in Other Languages –
Sri Krishna Mantra » Shukadeva Sri Krishna Stuti Lyrics in Sanskrit » English » Bengali » Kannada » Malayalam » Odia » Telugu » Tamil