॥ Shukadeva Sri Krishna Stuti Odia Lyrics ॥
॥ ଶ୍ରୀଶୁକପ୍ରୋକ୍ତା ଶ୍ରୀକୃଷ୍ଣସ୍ତୁତିଃ ॥
ଶ୍ରୀଶୁକ ଉଵାଚ –
ନମଃ ପରସ୍ମୈ ପୁରୁଷାୟ ଭୂୟସେ ସଦୁଦ୍ଭଵସ୍ଥାନନିରୋଧଲୀଲୟା ।
ଗୃହୀତଶକ୍ତିତ୍ରିତୟାୟ ଦେହିନାମନ୍ତର୍ଭଵାୟାନୁପଲକ୍ଷ୍ୟଵର୍ତ୍ମନେ ॥ ୧ ॥
ଭୂୟୋ ନମଃ ସଦ୍ଵୃଜିନଚ୍ଛିଦେଽସତାମସମ୍ଭଵାୟାଖିଲସତ୍ତ୍ଵମୂର୍ତୟେ ।
ପୁଂସାଂ ପୁନଃ ପାରମହଂସ୍ୟ ଆଶ୍ରମେ ଵ୍ୟଵସ୍ଥିତାନାମନୁମୃଗ୍ୟଦାଶୁଷେ ॥ ୨ ॥
ନମୋ ନମସ୍ତେଽସ୍ତ୍ଵୃଷଭାୟ ସାତ୍ଵତାଂ ଵିଦୂରକାଷ୍ଠାୟ ମୁହୁଃ କୁୟୋଗିନାମ୍ ।
ନିରସ୍ତସାମ୍ୟାତିଶୟେନ ରାଧସା ସ୍ଵଧାମନି ବ୍ରହ୍ମଣି ରଂସ୍ୟତେ ନମଃ ॥ ୩ ॥
ୟତ୍କୀର୍ତନଂ ୟତ୍ସ୍ମରଣଂ ୟଦୀକ୍ଷଣଂ ୟଦ୍ଵନ୍ଦନଂ ୟଚ୍ଛ୍ରଵଣଂ ୟଦର୍ହଣମ୍ ।
ଲୋକସ୍ୟ ସଦ୍ୟୋ ଵିଧୁନୋତି କଲ୍ମଷଂ ତସ୍ମୈ ସୁଭଦ୍ରଶ୍ରଵସେ ନମୋ ନମଃ ॥ ୪ ॥
ଵିଚକ୍ଷଣା ୟଚ୍ଚରଣୋପସାଦନାତ୍ସଙ୍ଗଂ ଵ୍ୟୁଦସ୍ୟୋଭୟତୋଽନ୍ତରାତ୍ମନଃ ।
ଵିନ୍ଦନ୍ତି ହି ବ୍ରହ୍ମଗତିଂ ଗତକ୍ଲମାସ୍ତସ୍ମୈ ସୁଭଦ୍ରଶ୍ରଵସେ ନମୋ ନମଃ ॥ ୫ ॥
ତପସ୍ଵିନୋ ଦାନପରା ୟଶସ୍ଵିନୋ ମନସ୍ଵିନୋ ମନ୍ତ୍ରଵିଦଃ ସୁମଙ୍ଗଲାଃ ।
କ୍ଷେମଂ ନ ଵିନ୍ଦନ୍ତି ଵିନା ୟଦର୍ପଣଂ ତସ୍ମୈ ସୁଭଦ୍ରଶ୍ରଵସେ ନମୋ ନମଃ ॥ ୬ ॥
କିରାତହୂଣାନ୍ଧ୍ରପୁଲିନ୍ଦପୁଲ୍କଶା ଆଭୀରଶୁମ୍ଭା ୟଵନାଃ ଖସାଦୟଃ ।
ୟେଽନ୍ୟେ ଚ ପାପା ୟଦପାଶ୍ରୟାଶ୍ରୟାଃ ଶୁଧ୍ୟନ୍ତି ତସ୍ମୈ ପ୍ରଭଵିଷ୍ଣଵେ ନମଃ ॥ ୭ ॥
ସ ଏଷ ଆତ୍ମାତ୍ମଵତାମଧୀଶ୍ଵରସ୍ତ୍ରୟୀମୟୋ ଧର୍ମମୟସ୍ତପୋମୟଃ ।
ଗତଵ୍ୟଲୀକୈରଜଶଙ୍କରାଦିଭିର୍ଵିତର୍କ୍ୟଲିଙ୍ଗୋ ଭଗଵାନ୍ପ୍ରସୀଦତାମ୍ ॥ ୮ ॥
ଶ୍ରିୟଃ ପତିର୍ୟଜ୍ଞପତିଃ ପ୍ରଜାପତିର୍ଧିୟାଂ ପତିର୍ଲୋକପତିର୍ଧରାପତିଃ ।
ପତିର୍ଗତିଶ୍ଚାନ୍ଧକଵୃଷ୍ଣିସାତ୍ଵତାଂ ପ୍ରସୀଦତାଂ ମେ ଭଗଵାନ୍ସତାଂ ପତିଃ ॥ ୯ ॥
ଇତି ଶ୍ରୀମଦ୍ଭାଗଵତେ ମହାପୁରାଣେ ପାରମହଂସ୍ୟାଂ ସଂହିତାୟାଂ ଦ୍ଵିତୀୟସ୍କନ୍ଧେ
ଚତୁର୍ଥୋଽଧ୍ୟାୟେ ଶ୍ରୀଶୁକପ୍ରୋକ୍ତା ଶ୍ରୀକୃଷ୍ଣସ୍ତୁତିଃ ସମାପ୍ତା ॥
– Chant Stotra in Other Languages –
Sri Krishna Mantra » Shukadeva Sri Krishna Stuti Lyrics in Sanskrit » English » Bengali » Gujarati » Kannada » Malayalam » Telugu » Tamil