॥ Siddha Geetaa Telugu Lyrics ॥
॥ సిద్ధగీతా ॥
అస్త్యస్తమితసర్వాపదుద్యత్సంపదుదారధీః ।
విదేహానాం మహీపాలో జనకో నామ వీర్యవాన్ ॥ 1 ॥
కల్పవృక్షోఽర్థిసార్థానాం మిత్రాలానాం దివాకరః ।
మాధవో బంధుపుష్పాణాం స్త్రీణాం మకరకేతనః ॥ 2 ॥
ద్విజకైరవశీతాంశుర్ద్విషత్తిమిరభాస్కరః ।
సౌజన్యరత్నజలధిర్భువం విష్ణురివాస్థితః ॥ 3 ॥
ప్రఫుల్లబాలలతికే మంజరీపుంజపింజిరే ।
స కదాచిన్మధౌ మత్తే కోకిలాలాపలాసిని ॥ 4 ॥
యయౌ కుసుమితాభోగం సువిలాసలతాంగనం ।
లీలయోపవనం కాంతం నందనం వాసవో యథా ॥ 5 ॥
తస్మిన్వరవనే హృద్యే కేసరోద్దామమారుతే ।
దూరస్థానుచరః సానుకుంజేషు విచచార హ ॥ 6 ॥
అథ శుశ్రావ కస్మింశ్చిత్తమాలవనగుల్మకే ।
సిద్ధానామప్రదృశ్యానాం స్వప్రసంగాదుదాహృతాః ॥ 7 ॥
వివిక్తవాసినాం నిత్యం శైలకందరచారిణాం ।
ఇమాః కమలపత్రాక్ష గీతా గీతాత్మభావనాః ॥ 8 ॥
సిద్ధా ఊచుః ।
ద్రష్టుదృశ్యసమాయోగాత్ప్రత్యయానందనిశ్చయః ।
యస్తం స్వమాత్మతత్త్వోత్థం నిఃస్పందం సముపాస్మహే ॥ 9 ॥
అన్యే ఊచుః ।
ద్రష్టృదర్శనదృశ్యాని త్యక్త్వా వాసనయా సహ ।
దర్శనప్రథమాభాసమాత్మానం సముపాస్మహే ॥ 10 ॥
అన్యే ఊచుః ।
ద్వయోర్మధ్యగతం నిత్యమస్తినాస్తీతి పక్షయోః ।
ప్రకాశనం ప్రకాశ్యానామాత్మానం సముపాస్మహే ॥ 11 ॥
అన్యే ఊచుః ।
యస్మిన్సర్వం యస్య సర్వం యతః సర్వం యస్మాయిదం ।
యేన సర్వం యద్ధి సర్వం తత్సత్యం సముపాస్మహే ॥ 12 ॥
అన్యే ఊచుః ।
అశిరస్కం హకారాంతమశేషాకారసంస్థితం ।
అజస్రముచ్చరంతం స్వం తమాత్మానముపాస్మహే ॥ 13 ॥
అన్యే ఊచుః ।
సంత్యజ్య హృద్గుహేశానం దేవమన్యం ప్రయాంతి యే ।
తే రత్నమభివాంఛంతి త్యక్తహస్తస్థకౌస్తుభాః ॥ 14 ॥
అన్యే ఊచుః ।
సర్వాశాః కిల సంత్యజ్య ఫలమేతదవాప్యతే ।
యేనాశావిషవల్లీనాం మూలమాలా విలూయతే ॥ 15 ॥
అన్యే ఊచుః ।
బుద్ధ్వాప్యత్యంతవైరస్యం యః పదార్థేషు దుర్మతిః ।
బధ్నాతి భావనాం భూయో నరో నాసౌ స గర్దభః ॥ 16 ॥
అన్యే ఊచుః ।
ఉత్థితానుత్థితానేతానింద్రియాహీన్పునః పునః ।
హన్యాద్వివేకదండేన వజ్రేణేవ హరిర్గిరీన్ ॥ 17 ॥
అన్యే ఊచుః ।
ఉపశమసుఖమాహరేత్పవిత్రం
సుశమవతః శమమేతి సాధుచేతః ।
ప్రశమితమనసః స్వకే స్వరూపే
భవతి సుఖే స్థితిరుత్తమా చిరాయ ॥ 18 ॥
ఇత్యార్షే శ్రీవాసిష్ఠమహారామాయణే వాల్మికీయే దేవదూతోక్తే
మోక్షోపాయేషూపశమప్రకరణే సిద్ధగీతానామాష్టమః సర్గః ॥ 8 ॥
– Chant Stotra in Other Languages –
Siddha Gita in Sanskrit – English – Bengali – Gujarati – Kannada – Malayalam – Odia – Telugu – Tamil