॥ Siruta Navvulavaadu Telugu Lyrics ॥
సిరుత నవ్వులవాడు సిన్నెకా వీడు
వెరపెరుగడు సూడవే సిన్నెకా ॥
పొలసు మేనివాడు బోరవీపు వాడు
సెలసు మోరవాడు సిన్నెకా ।
గొలుసుల వంకల కోరలతోబూమి
వెలిసినాడు సూడవే సిన్నెకా ॥
మేటి కురుచవాడు మెడమీది గొడ్డలి
సీటకాలవాడు సిన్నెకా ।
ఆటదానిబాసి అడవిలో రాకాశి
వేటలాడీ జూడవే సిన్నెకా ॥
బింకపు మోతల పిల్లగోవివాడు
సింక సూపులవాడు సిన్నెకా ।
కొంకక కలికియై కొసరి కూడె నన్ను
వేంకటేశుడు సూడవే సిన్నెకా ॥
– Chant Stotra in Other Languages –
Annamacharya Keerthanalu » Siruta Navvulavaadu Lyrics in Sanskrit » English » Bengali » Kannada » Malayalam » Tamil