॥ Adi Sankaracharya’s Guru Ashtakam Gujarati Lyrics ॥
જન્માનેકશતૈઃ સદાદરયુજા ભક્ત્યા સમારાધિતો
ભક્તૈર્વૈદિકલક્ષણેન વિધિના સન્તુષ્ટ ઈશઃ સ્વયમ્ ।
સાક્ષાત્ શ્રીગુરુરૂપમેત્ય કૃપયા દૃગ્ગોચરઃ સન્ પ્રભુઃ
તત્ત્વં સાધુ વિબોધ્ય તારયતિ તાન્ સંસારદુઃખાર્ણવાત્ ॥
શરીરં સુરૂપં તથા વા કલત્રં
યશશ્ચારુ ચિત્રં ધનં મેરુતુલ્યમ્ ।
મનશ્ચેન્ન લગ્નં ગુરોરઙ્ઘ્રિપદ્મે
તતઃ કિં તતઃ કિં તતઃ કિં તતઃ કિમ્ ॥ ૧ ॥
કલત્રં ધનં પુત્રપૌત્રાદિ સર્વં
ગૃહં બાન્ધવાઃ સર્વમેતદ્ધિ જાતમ્ ।
મનશ્ચેન્ન લગ્નં ગુરોરઙ્ઘ્રિપદ્મે
તતઃ કિં તતઃ કિં તતઃ કિં તતઃ કિમ્ ॥ ૨ ॥
ષડઙ્ગાદિવેદો મુખે શાસ્ત્રવિદ્યા
કવિત્વાદિ ગદ્યં સુપદ્યં કરોતિ ।
મનશ્ચેન્ન લગ્નં ગુરોરઙ્ઘ્રિપદ્મે
તતઃ કિં તતઃ કિં તતઃ કિં તતઃ કિમ્ ॥ ૩ ॥
વિદેશેષુ માન્યઃ સ્વદેશેષુ ધન્યઃ
સદાચારવૃત્તેષુ મત્તો ન ચાન્યઃ ।
મનશ્ચેન્ન લગ્નં ગુરોરઙ્ઘ્રિપદ્મે
તતઃ કિં તતઃ કિં તતઃ કિં તતઃ કિમ્ ॥ ૪ ॥
ક્ષમામણ્ડલે ભૂપભૂપાલબૃન્દૈઃ
સદા સેવિતં યસ્ય પાદારવિન્દમ્ ।
મનશ્ચેન્ન લગ્નં ગુરોરઙ્ઘ્રિપદ્મે
તતઃ કિં તતઃ કિં તતઃ કિં તતઃ કિમ્ ॥ ૫ ॥
યશો મે ગતં દિક્ષુ દાનપ્રતાપા-
જ્જગદ્વસ્તુ સર્વં કરે યત્પ્રસાદાત્ ।
મનશ્ચેન્ન લગ્નં ગુરોરઙ્ઘ્રિપદ્મે
તતઃ કિં તતઃ કિં તતઃ કિં તતઃ કિમ્ ॥ ૬ ॥
ન ભોગે ન યોગે ન વા વાજિરાજૌ
ન કાન્તામુખે નૈવ વિત્તેષુ ચિત્તમ્ ।
મનશ્ચેન્ન લગ્નં ગુરોરઙ્ઘ્રિપદ્મે
તતઃ કિં તતઃ કિં તતઃ કિં તતઃ કિમ્ ॥ ૭ ॥
અરણ્યે ન વા સ્વસ્ય ગેહે ન કાર્યે
ન દેહે મનો વર્તતે મે ત્વનર્ઘ્યે ।
મનશ્ચેન્ન લગ્નં ગુરોરઙ્ઘ્રિપદ્મે
તતઃ કિં તતઃ કિં તતઃ કિં તતઃ કિમ્ ॥ ૮ ॥
ગુરોરષ્ટકં યઃ પઠેત્પુણ્યદેહી
યતિર્ભૂપતિર્બ્રહ્મચારી ચ ગેહી ।
લભેદ્વાઞ્છિતાર્થં પદં બ્રહ્મસંજ્ઞં
ગુરોરુક્તવાક્યે મનો યસ્ય લગ્નમ્ ॥
– Chant Stotra in Other Languages –
Adi Sankaracharya’s Guru Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil