॥ Adi Sankaracharya’s Guru Ashtakam Telugu Lyrics ॥
జన్మానేకశతైః సదాదరయుజా భక్త్యా సమారాధితో
భక్తైర్వైదికలక్షణేన విధినా సన్తుష్ట ఈశః స్వయమ్ ।
సాక్షాత్ శ్రీగురురూపమేత్య కృపయా దృగ్గోచరః సన్ ప్రభుః
తత్త్వం సాధు విబోధ్య తారయతి తాన్ సంసారదుఃఖార్ణవాత్ ॥
శరీరం సురూపం తథా వా కలత్రం
యశశ్చారు చిత్రం ధనం మేరుతుల్యమ్ ।
మనశ్చేన్న లగ్నం గురోరఙ్ఘ్రిపద్మే
తతః కిం తతః కిం తతః కిం తతః కిమ్ ॥ ౧ ॥
కలత్రం ధనం పుత్రపౌత్రాది సర్వం
గృహం బాన్ధవాః సర్వమేతద్ధి జాతమ్ ।
మనశ్చేన్న లగ్నం గురోరఙ్ఘ్రిపద్మే
తతః కిం తతః కిం తతః కిం తతః కిమ్ ॥ ౨ ॥
షడఙ్గాదివేదో ముఖే శాస్త్రవిద్యా
కవిత్వాది గద్యం సుపద్యం కరోతి ।
మనశ్చేన్న లగ్నం గురోరఙ్ఘ్రిపద్మే
తతః కిం తతః కిం తతః కిం తతః కిమ్ ॥ ౩ ॥
విదేశేషు మాన్యః స్వదేశేషు ధన్యః
సదాచారవృత్తేషు మత్తో న చాన్యః ।
మనశ్చేన్న లగ్నం గురోరఙ్ఘ్రిపద్మే
తతః కిం తతః కిం తతః కిం తతః కిమ్ ॥ ౪ ॥
క్షమామణ్డలే భూపభూపాలబృన్దైః
సదా సేవితం యస్య పాదారవిన్దమ్ ।
మనశ్చేన్న లగ్నం గురోరఙ్ఘ్రిపద్మే
తతః కిం తతః కిం తతః కిం తతః కిమ్ ॥ ౫ ॥
యశో మే గతం దిక్షు దానప్రతాపా-
జ్జగద్వస్తు సర్వం కరే యత్ప్రసాదాత్ ।
మనశ్చేన్న లగ్నం గురోరఙ్ఘ్రిపద్మే
తతః కిం తతః కిం తతః కిం తతః కిమ్ ॥ ౬ ॥
న భోగే న యోగే న వా వాజిరాజౌ
న కాన్తాముఖే నైవ విత్తేషు చిత్తమ్ ।
మనశ్చేన్న లగ్నం గురోరఙ్ఘ్రిపద్మే
తతః కిం తతః కిం తతః కిం తతః కిమ్ ॥ ౭ ॥
అరణ్యే న వా స్వస్య గేహే న కార్యే
న దేహే మనో వర్తతే మే త్వనర్ఘ్యే ।
మనశ్చేన్న లగ్నం గురోరఙ్ఘ్రిపద్మే
తతః కిం తతః కిం తతః కిం తతః కిమ్ ॥ ౮ ॥
గురోరష్టకం యః పఠేత్పుణ్యదేహీ
యతిర్భూపతిర్బ్రహ్మచారీ చ గేహీ ।
లభేద్వాఞ్ఛితార్థం పదం బ్రహ్మసంజ్ఞం
గురోరుక్తవాక్యే మనో యస్య లగ్నమ్ ॥
– Chant Stotra in Other Languages –
Adi Sankaracharya’s Guru Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil