॥ Bala Tripura Sundari Ashtottara Shatanama Stotram 3 Bengali Lyrics ॥
॥ শ্রীবালাত্রিপুরসুন্দর্যষ্টোত্তরশতনামস্তোত্রম্ ৩ ॥
ওঁ ঐং হ্রীং শ্রীং –
অণুরূপা মহারূপা জ্যোতিরূপা মহেশ্বরী ।
পার্বতী বররূপা চ পরব্রহ্মস্বরূপিণী ॥ ১ ॥
লক্ষ্মী লক্ষ্মীস্বরূপা চ লক্ষা লক্ষস্বরূপিণী ।
গায়ত্রী চৈব সাবিত্রী সন্ধ্যা সরস্বতী শ্রুতিঃ ॥ ২ ॥
বেদবীজা ব্রহ্মবীজা বিশ্ববীজা কবিপ্রিয়া ।
ইচ্ছাশক্তিঃ ক্রিয়াশক্তিঃ আত্মশক্তির্ভয়ঙ্করী ॥ ৩ ॥
কালিকা কমলা কালী কঙ্কালী কালরূপিণী ।
উপস্থিতিস্বরূপা চ প্রলয়া লয়কারিণী ॥ ৪ ॥
হিঙ্গুলা ত্বরিতা চণ্ডী চামুণ্ডা মুণ্ডমালিনী ।
রেণুকা ভদ্রকালী চ মাতঙ্গী শিবশাম্ভবী ॥ ৫ ॥
য়োগিনী মঙ্গলা গৌরী গিরিজা গোমতী গয়া ।
কামাক্ষী কামরূপা চ কামিনী কামরূপিণী ॥ ৬ ॥
য়োগিনী য়োগরূপা চ য়োগজ্ঞানা শিবপ্রিয়া ।
উমা কাত্যায়নী চণ্ডী অম্বিকা ত্রিপুরসুন্দরী ॥ ৭ ॥
অরুণা তরুণী শান্তা সর্বসিদ্ধিঃ সুমঙ্গলা ।
শিবা চ সিদ্ধমাতা চ সিদ্ধিবিদ্যা হরিপ্রিয়া ॥ ৮ ॥
পদ্মাবতী পদ্মবর্ণা পদ্মাক্ষী পদ্মসম্ভবা ।
ধারিণী ধরিত্রী ধাত্রী চ অগম্যা গম্যবাসিনী ॥ ৯ ॥
বিদ্যাবতী মন্ত্রশক্তিঃ মন্ত্রসিদ্ধিপরায়ণা ।
বিরাড্ ধারিণী ধাত্রী চ বারাহী বিশ্বরূপিণী ॥ ১০ ॥
পরা পশ্যাঽপরা মধ্যা দিব্যনাদবিলাসিনী ।
নাদবিন্দুকলাজ্যোতিঃ বিজয়া ভুবনেশ্বরী ॥ ১১ ॥
ঐঙ্কারী চ ভয়ঙ্কারী ক্লীঙ্কারী কমলপ্রিয়া ।
সৌঃকারী শিবপত্নী চ পরতত্ত্বপ্রকাশিনী ॥ ১২ ॥
হ্রীঙ্কারী আদিমায়া চ মন্ত্রমূর্তিঃ পরায়ণা ॥ ১৩ ॥
ইতি শ্রীবালাত্রিপুরসুন্দর্যষ্টোত্তরশতনামস্তোত্রং সম্পূর্ণম্ ।
– Chant Stotra in Other Languages –
Sri Durga Slokam » Bala Tripura Sundari Ashtottara Shatanama Stotram 3 Lyrics in Sanskrit » English » Gujarati » Kannada » Malayalam » Odia » Telugu » Tamil