॥ Sri Balakrishna Ashtakam 2 Odia Lyrics ॥
॥ ଶ୍ରୀବାଲକୃଷ୍ଣାଷ୍ଟକମ୍ ୨ ॥
ଶ୍ରୀକୃଷ୍ଣଦାସକୃତଂ
ଶ୍ରୀମନ୍ନନ୍ଦୟଶୋଦାହୃଦୟସ୍ଥିତଭାଵତତ୍ପରୋ ଭଗଵାନ୍ ।
ପୁତ୍ରୀକୃତନିଜରୂପଃ ସ ଜୟତି ପୁରତଃ କୃପାଲୁର୍ବାଲକୃଷ୍ଣଃ ॥ ୧ ॥
କଥମପି ରିଙ୍ଗଣମକରୋଦଙ୍ଗଣଗତଜାନୁଘର୍ଷଣୋଦ୍ୟୁକ୍ତଃ ।
କଟିତଟକିଙ୍କିଣିଜାଲସ୍ଵନଶଙ୍କିତମାନସଃ ସଦା ହ୍ୟାସ୍ତେ ॥ ୨ ॥
ଵିକସିତପଙ୍କଜନୟନଃ ପ୍ରକଟିତହର୍ଷଃ ସଦୈଵ ଧୂସରାଙ୍ଗଃ ।
ପରିଗଚ୍ଛତି କଟିଭଙ୍ଗପ୍ରସରୀକୃତପାଣିୟୁଗ୍ମାଭ୍ୟାମ୍ ॥ ୩ ॥
ଉପଲକ୍ଷିତଦଧିଭାଣ୍ଡଃ ସ୍ଫୁରିତବ୍ରହ୍ମାଣ୍ଡଵିଗ୍ରହୋ ଭୁଙ୍କ୍ତେ ।
ମୁଷ୍ଟୀକୃତନଵନୀତଃ ପରମପୁନୀତୋ ମୁଗ୍ଧଭାଵାତ୍ମା ॥ ୪ ॥
ନମ୍ରୀକୃତଵିଧୁଵଦନଃ ପ୍ରକଟୀକୃତଚୌର୍ୟଗୋପନାୟାସଃ ।
ସ୍ଵାମ୍ବୋତ୍ସଙ୍ଗଵିଲାସଃ କ୍ଷୁଧିତଃ ସମ୍ପ୍ରତି ଦୃଶ୍ୟତେ ସ୍ତନାର୍ଥୀ ॥ ୫ ॥
ସିଂହନଖାକୃତିଭୂଷଣଭୂଷିତହୃଦୟଃ ସୁଶୋଭତେ ନିତ୍ୟମ୍ ।
କୁଣ୍ଡଲମଣ୍ଡିତଗଣ୍ଡଃ ସାଞ୍ଜନନୟନୋ ନିରଞ୍ଜନଃ ଶେତେ ॥ ୬ ॥
କାର୍ୟାସକ୍ତୟଶୋଦାଗୃହକର୍ମାଵରୋଧକଃ ସଦାଽଽସ୍ତେ ।
ତସ୍ୟାଃ ସ୍ଵାନ୍ତନିଵିଷ୍ଟପ୍ରଣୟପ୍ରଭାଜନୋ ୟତୋଽୟମ୍ ॥ ୭ ॥
ଇତ୍ଥଂ ଵ୍ରଜପତିତରୁଣୀ ନମନୀୟଂ ବ୍ରହ୍ମରୁଦ୍ରାଦ୍ୟୈଃ ।
କମନୀୟଂ ନିଜସୂନୁଂ ଲାଲୟତି ସ୍ମ ପ୍ରତ୍ୟହଂ ପ୍ରୀତ୍ୟା ॥ ୮ ॥
ଶ୍ରୀମଦ୍ଵଲ୍ଲଭକୃପୟା ଵିଶଦୀକୃତମେତଦଷ୍ଟକଂ ପଠେଦ୍ୟଃ ।
ତସ୍ୟ ଦୟାନିଧିକୃଷ୍ଣେ ଭକ୍ତିଃ ପ୍ରେମୈକଲକ୍ଷଣା ଶୀଘ୍ରମ୍ ॥ ୯ ॥
ଇତି ଶ୍ରୀକୃଷ୍ଣଦାସକୃତଂ ବାଲକୃଷ୍ଣାଷ୍ଟକଂ ସମ୍ପୂର୍ଣମ୍ ।
– Chant Stotra in Other Languages –
Sri Krishna Slokam » Sri Balakrishna Ashtakam 2 Lyrics in Sanskrit » English » Bengali » Gujarati » Kannada » Malayalam » Telugu » Tamil