॥ Sri Balakrishna Ashtakam 2 Malayalam Lyrics ॥
॥ ശ്രീബാലകൃഷ്ണാഷ്ടകം 2 ॥
ശ്രീകൃഷ്ണദാസകൃതം
ശ്രീമന്നന്ദയശോദാഹൃദയസ്ഥിതഭാവതത്പരോ ഭഗവാന്‍ ।
പുത്രീകൃതനിജരൂപഃ സ ജയതി പുരതഃ കൃപാലുര്‍ബാലകൃഷ്ണഃ ॥ 1 ॥
കഥമപി രിങ്ഗണമകരോദങ്ഗണഗതജാനുഘര്‍ഷണോദ്യുക്തഃ ।
കടിതടകിങ്കിണിജാലസ്വനശങ്കിതമാനസഃ സദാ ഹ്യാസ്തേ ॥ 2 ॥
വികസിതപങ്കജനയനഃ പ്രകടിതഹര്‍ഷഃ സദൈവ ധൂസരാങ്ഗഃ ।
പരിഗച്ഛതി കടിഭങ്ഗപ്രസരീകൃതപാണിയുഗ്മാഭ്യാം ॥ 3 ॥
ഉപലക്ഷിതദധിഭാണ്ഡഃ സ്ഫുരിതബ്രഹ്മാണ്ഡവിഗ്രഹോ ഭുങ്ക്തേ ।
മുഷ്ടീകൃതനവനീതഃ പരമപുനീതോ മുഗ്ധഭാവാത്മാ ॥ 4 ॥
നംരീകൃതവിധുവദനഃ പ്രകടീകൃതചൌര്യഗോപനായാസഃ ।
സ്വാംബോത്സങ്ഗവിലാസഃ ക്ഷുധിതഃ സമ്പ്രതി ദൃശ്യതേ സ്തനാര്‍ഥീ ॥ 5 ॥
സിംഹനഖാകൃതിഭൂഷണഭൂഷിതഹൃദയഃ സുശോഭതേ നിത്യം ।
കുണ്ഡലമണ്ഡിതഗണ്ഡഃ സാഞ്ജനനയനോ നിരഞ്ജനഃ ശേതേ ॥ 6 ॥
കാര്യാസക്തയശോദാഗൃഹകര്‍മാവരോധകഃ സദാഽഽസ്തേ ।
തസ്യാഃ സ്വാന്തനിവിഷ്ടപ്രണയപ്രഭാജനോ യതോഽയം ॥ 7 ॥
ഇത്ഥം വ്രജപതിതരുണീ നമനീയം ബ്രഹ്മരുദ്രാദ്യൈഃ ।
കമനീയം നിജസൂനും ലാലയതി സ്മ പ്രത്യഹം പ്രീത്യാ ॥ 8 ॥
ശ്രീമദ്വല്ലഭകൃപയാ വിശദീകൃതമേതദഷ്ടകം പഠേദ്യഃ ।
തസ്യ ദയാനിധികൃഷ്ണേ ഭക്തിഃ പ്രേമൈകലക്ഷണാ ശീഘ്രം ॥ 9 ॥
ഇതി ശ്രീകൃഷ്ണദാസകൃതം ബാലകൃഷ്ണാഷ്ടകം സമ്പൂര്‍ണം ।
– Chant Stotra in Other Languages –
Sri Krishna Slokam » Sri Balakrishna Ashtakam 2 Lyrics in Sanskrit » English » Bengali » Gujarati » Kannada » Odia » Telugu » Tamil