॥ Sri Balakrishna Prarthana Ashtakam Bengali Lyrics ॥
॥ শ্রীবালকৃষ্ণপ্রার্থনাষ্টকম্ ॥
শ্রীমদ্যশোদাঙ্কবিহারদক্ষে
তত্স্তন্যসক্তে নিজভক্তরক্তে ।
গোবর্ধনপ্রীতিকরে পরেঽস্মিন্
শ্রীবালকৃষ্ণে রতিরস্তু নিত্যম্ ॥ ১ ॥
শ্রীনন্দরাজাঙ্গণরন্তরশ্মি- ??
কির্মীরিতাঙ্গদ্যুতিরম্যরম্যে । ??
তত্রানিশং ক্রীডনতত্পরেঽস্মিন্
শ্রীবালকৃষ্ণে রতিরস্তু নিত্যম্ ॥ ২ ॥
মুখামৃতং প্রাশ্য পদামৃতং কিং
বাঞ্ছন্তি নিশ্চেতুমতীব ভক্তাঃ ।
আস্যে পদাঙ্গুষ্ঠধরে মমাস্মিন্
শ্রীবালকৃষ্ণে রতিরস্তু নিত্যম্ ॥ ৩ ॥
নানামণিব্রাতবিভূষণানাং
চাপল্যতো মঞ্চুলসিঞ্জিতৈস্তৈঃ ।
স্থিতাঞ্জিতাস্যে কৃতমুগ্ধলাস্যে
শ্রীবালকৃষ্ণে রতিরস্তু নিত্যম্ ॥ ৪ ॥
ঘোষেষু গোপঙ্কয়ুতেষু গত্যা
প্রত্যঙ্গমালিন্যবিশেষহৃদ্যে ।
বাল্যাত্কলালাপমনোহরেঽস্মিন্
শ্রীবালকৃষ্ণে রতিরস্তু নিত্যম্ ॥ ৫ ॥
স্নিগ্ধামলাকুঞ্চিতকুন্তলস্পৃগ্-
বক্ত্রেণ ভঙ্গাবৃতপদ্মশোভাম্ ।
জহন্তি তস্মিন্ মম নন্দসূনৌ
শ্রীবালকৃষ্ণে রতিস্তু নিত্যম্ ॥ ৬ ॥
দন্তদ্বয়েনার্জিতকুন্দকোশে
দ্বন্দ্বোত্থশোভে নবনীরদাভে ।
হৈয়ঙ্গবীনাঙ্কলিতৈকহস্তে
শ্রীবালকৃষ্ণে রতিরস্তু নিত্যম্ ॥ ৭ ॥
হস্তেন নেত্রাদপসারিতেন
স্নিগ্ধাঞ্জনেনাক্তকপালদেশে ।
ব্রজাঙ্গনাস্নেহসুধাসুপাত্রে
শ্রীবালকৃষ্ণে রতিরস্তু নিত্যম্ ॥ ৮ ॥
ইতি শ্রীবালকৃষ্ণস্য বর্ণনপ্রার্থনাষ্টকম্ ।
বর্ণিতং জীবনাখ্যেন গোকুলোত্সবসূনুনা ॥
ইতি শ্রীবল্লভচরণৈকতান শ্রীমদ্গোকুলোত্সবতনূদ্ভব-
শ্রীজীবনেশবিরচিতং শ্রীবালকৃষ্ণশরণাষ্টকং সম্পূর্ণম্ ।
– Chant Stotra in Other Languages –
Sri Krishna Slokam » Sri Balakrishna Prarthana Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil