॥ శ్రీబాలకృష్ణాష్టకమ్ Telugu Lyrics ॥
యత్కృపాదృష్టిసద్వృష్టిసిక్తా భక్తా నిరన్తరమ్ ।
భవన్తి సుఖినః స్నిగ్ధాస్తం శ్రీబాలహరిం భజే ॥ ౧॥
ప్రతిపక్షక్షయాత్క్షోణ్యామఙ్క్షు జాతం మహద్యశః ।
యత్కృపాలేశమాత్రేణ తం శ్రీబాలహరిం భజే ॥ ౨॥
స్వీయవిశ్లేషజక్లేశో నష్టః పుష్టః సుఖోదితః ।
యత్కృపాలేశమాత్రేణ తం శ్రీబాలహరిం భజే ॥ ౩॥
సుస్థిరం సుదృఢం పూర్ణం ప్రియం ప్రాప్యేత సత్వరమ్ ।
యత్కృపాలేశమాత్రేణ తం శ్రీబాలహరిం భజే ॥ ౪॥
సుసమ్పదా సత్కలయా సద్విద్యావృద్ధిగామినీ ।
యత్కృపాలేశమాత్రేణ తం శ్రీబాలహరిం భజే ॥ ౫॥
అనన్యాఽహైతుకీ పూర్ణా స భక్తిః సుదృఢా భవేత్ ।
యత్కృపాలేశమాత్రేణ తం శ్రీబాలహరిం భజే ॥ ౬॥
ఇయత్తారహితో నిత్య ఆనన్దః ప్రాప్యతేఽనిశమ్ ।
యత్కృపాలేశమాత్రేణ తం శ్రీబాలహరి భజే ॥ ౭॥
శ్రీవల్లభేశపాదాబ్జే రతిః స్యాద్విమలా పరా ।
యత్కృపాలేశమాత్రేణ తం శ్రీబాలహరిం భజే ॥ ౮॥
అష్టకం శ్రీబాలహరేరిదం మఙ్గలకృత్ప్రియమ్ ।
పఠేద్వా శృణుయాద్భక్త్యా ఫలం విన్దేత్స వాఞ్ఛితమ్ ॥ ౯॥
ఇతి శ్రీమద్వల్లభాచార్యచరణైకతాన-
శ్రీమద్గోకులోత్సవాత్మజశ్రీజీవనేశజీవిరచితం
శ్రీబాలకృష్ణాష్టకం సమాప్తమ్ ।