॥ Sri Balalila Ashtakam Sanskrit Lyrics ॥
॥ श्रीबाललीलाष्टकम् ॥
(भक्तसुखदमञ्जरी ग्रन्थात्)
भज विठ्ठलबालं गोकुलपालं रसिकरसालं देहधरम् ।
भज रुक्यिणिगोदं परमविनोदं प्रकटप्रमोदं मोहकरम् ॥ १ ॥
भज सुन्दरवक्त्रं बालचरित्रं परमपवित्रं मनहारि ।
भज जयरसरूपं गोकुलभूपं परमानूपं सुखकारि ॥ २ ॥
जय मङ्गल मङ्गल सहज सुमङ्गल दुरितअमङ्गल जनत्राता ।
जय आनन्दकारक बहुसुखदायक ईक्षणसायकरसदाता ॥ ३ ॥
भज कण्डाभरणं परमसुवरणं अङ्गदधरणं रुचिकर्ता ।
भज लीलाकरणं बहुरसभरणं आधिसुहरणं भयहर्ता ॥ ४ ॥
भज लीलाललितं सुफलं फलितं कामसुदलितं जयकारी
जय श्रीवल्लभ क्रीडारसभर कामयुद्धकरवपुधारी ॥ ५ ॥
भज रुचिरं बालं प्रीतिप्रपालं नयनसुचालं शयनकरम् ।
भज पूरणवरणं भक्ताभरणं शिशुतनुधरणं सिद्धिवरम् ॥ ६ ॥
भज क्रीडालोलं केलिकलोलं अर्धसुबोलं पूर्णफलम् ।
जय उत्सवकारक तापनिवारक लीलास्मारक यश अमलम् ॥ ७ ॥
भज पूर्णानन्दं आनन्दकन्दं रमितसुछन्दं परसिन्धुम् ।
जय अनुरक्तं भक्तसंयुक्तं अव्यक्तं हरिदासविभुम् ॥ ८ ॥
इति श्रीबाललीलाष्टकं सम्पूर्णम् ।
– Chant Stotra in Other Languages –
Sri Balalila Ashtakam Lyrics in English » Bengali » Gujarati » Kannada » Malayalam » Odia » Telugu » Tamil