॥ Sri Bhairav Ashtakam Telugu Lyrics ॥
॥ శ్రీభైరవాష్టకమ్ ॥
॥ శ్రీగణేశాయ నమః ॥
॥ శ్రీఉమామహేశ్వరాభ్యాం నమః ॥
॥ శ్రీగురవే నమః ॥
॥ శ్రీభైరవాయ నమః ॥
సకలకలుషహారీ ధూర్తదుష్టాన్తకారీ
సుచిరచరితచారీ ముణ్డమౌఞ్జీప్రచారీ ।
కరకలితకపాలీ కుణ్డలీ దణ్డపాణిః
స భవతు సుఖకారీ భైరవో భావహారీ ॥ ౧ ॥
వివిధరాసవిలాసవిలాసితం నవవధూరవధూతపరాక్రమమ్ ।
మదవిధూణితగోష్పదగోష్పదం భవపదం సతతం సతతం స్మరే ॥ ౨ ॥
అమలకమలనేత్రం చారుచన్ద్రావతంసం
సకలగుణగరిష్ఠం కామినీకామరూపమ్ ।
పరిహృతపరితాపం డాకినీనాశహేతుం
భజ జన శివరూపం భైరవం భూతనాథమ్ ॥ ౩ ॥
సబలబలవిఘాతం క్షేత్రపాలైకపాలం
వికటకటికరాలం హ్యట్టహాసం విశాలమ్ ।
కరగతకరవాలం నాగయజ్ఞోపవీతం
భజ జన శివరూపం భైరవం భూతనాథమ్ ॥ ౪ ॥
భవభయపరిహారం యోగినీత్రాసకారం
సకలసురగణేశం చారుచన్ద్రార్కనేత్రమ్ ।
ముకుటరుచిరభాలం ముక్తమాలం విశాలం
భజ జన శివరూపం భైరవం భూతనాథమ్ ॥ ౫ ॥
చతుర్భుజం శఙ్ఖగదాధరాయుధం
పీతామ్బరం సాన్ద్రపయోదసౌభగమ్ ।
శ్రీవత్సలక్ష్మీం గలశోభికౌస్తుభం
శీలప్రదం శఙ్కరరక్షణం భజే ॥ ౬ ॥
లోకాభిరామం భువనాభిరామం
ప్రియాభిరామం యశసాభిరామమ్ ।
కీర్త్యాభిరామం తపసాఽభిరామం
తం భూతనాథం శరణం ప్రపద్యే ॥ ౭ ॥
ఆద్యం బ్రహ్మసనాతనం శుచిపరం సిద్ధిప్రదం కామదం
సేవ్యం భక్తిసమన్వితం హరిహరైః సహం సాధుభిః ।
యోగ్యం యోగవిచారితం యుగధరం యోగ్యాననం యోగినం
వన్దేఽహం సకలం కలఙ్కరహితం సత్సేవితం భైరవమ్ ॥ ౮ ॥
॥ ఫలశ్రుతిః ॥
భైరవాష్టకమిదం పుణ్యం ప్రాతఃకాలే పఠేన్నరః ।
దుఃస్వప్ననాశనం తస్య వాఞ్ఛితర్థఫలం భవేత్ ॥ ౯ ॥
రాజద్వారే వివాదే చ సఙ్గ్రామే సఙ్కటేత్తథా ।
రాజ్ఞాక్రుద్ధేన చాఽఽజ్ఞప్తే శత్రుబన్ధగతేతథా
దారిద్రశ్చదుఃఖనాశాయ పఠితవ్యం సమాహితైః ।
న తేషాం జాయతే కిఞ్చిద దుర్లభం భువి వాఞ్ఛితమ్ ॥ ౧౦ ॥
॥ ఇతి శ్రీస్కాన్దే మహాపురాణే పఞ్చమేఽవన్తీఖణ్డే
అవన్తీక్షేత్రమాహాత్మ్యాఽఽన్తర్గతే శ్రీభైరవాష్టకం సంపూర్ణమ్ ॥
– Chant Stotra in Other Languages –
Lord Shiva Slokam » Sri Bhairav Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil