॥ Sri Bhavamangala Ashtakam Bengali Lyrics ॥
॥ শ্রীভবমঙ্গলাষ্টকম্ ॥
শ্রীরঙ্গং করিশৈলমঞ্জনগিরীং শেষাদ্রিসিংহাচলং
শ্রীকূর্মং পুরুষোত্তমং চ বদরীনারায়ণং নৈমিষম্ ।
শ্রীমদ্বারবতীপ্রয়াগমথুরায়োধ্যাগয়াপুষ্করং
শালগ্রামগিরিং নিষেব্য রমতে রামানুজোঽয়ং মুনিঃ ॥ ১ ॥
সর্বেষাং কৃতিনাং চরন্তি গুরবঃ কৈঙ্কর্যনিষ্ঠা হরেঃ
শ্রীরামানুজয়োগিনায়কমণিঃ শ্রীপাদপদ্মালয়াঃ ।
ভোগ্যাষ্টাক্ষরমন্ত্ররত্নচরমশ্লোকানুসন্ধায়িনো
বন্দ্যা ভাগবতোত্তমাঃ প্রতিদিনঙ্কুর্বন্তু নো মঙ্গলম্ ॥ ২ ॥
স শ্রীমান্পরমঃপুমানথ চতুর্ব্যূহাবতারস্ততো
জাতা ব্যূহপরম্পরাঃ সুরচিতাঃ শ্রীকেশবাদ্যাঃ পরাঃ ।
একাম্ভোনিধিশেষভোগশয়নন্যগ্রোধপত্রাশ্রয়-
ক্ষীরোদন্বদনন্ততল্পসুখদাঃ কুর্বন্তু নো মঙ্গলম্ ॥ ৩ ॥
শ্রীরামানুজয়োগিপূর্ণয়মুনাবাস্তব্যমালাধরাঃ
নাথঃ কারিতনূজসৈন্যপরমাঃ শ্রীমাংশ্চ নারায়ণঃ ।
চণ্ডাদ্যাঃ কুমুদাদয়ঃ পরিজনা নিত্যাশ্চ মুক্তাশ্চ য়ে
শ্রীবৈকুণ্ঠনিবাসিনোঽমরবরাঃ কুর্বন্তু নো মঙ্গলম্ ॥ ৪ ॥
মত্স্যঃ-কূর্ম-বরাহ-মানবহরিঃ শ্রীবামনো-ভার্গবঃ
শ্রীরামো-বলদেবদেবকিসুতৌ-কল্কী দশৈতে ক্রমাত্ ।
অন্তর্যাম্যথ য়োগিনাং হৃদয়গোপ্যর্চ্চাবতারাঃ শুভাঃ
শ্রীরঙ্গাদিসমস্তধামনিলয়াঃ কুর্বন্তু নো মঙ্গলম্ ॥ ৫ ॥
শ্রীভূমির্বিমলাদয়ো নবসুধাপদ্মাধৃতাঃ শক্তয়ো
বেদা বেদবতী ধরাপি চ মহালক্ষ্মী সুকেশালয়া ।
দেবী ভার্গবভামিনী জনকজা সা রেবতী রুক্মিণী
বেদাদ্যাঃপ্রভয়ান্বিতা দশ রমাঃ কুর্বন্তু নো মঙ্গলম্ ॥ ৬ ॥
শত্রুধ্বংসি সুদর্শনং সুখকরং শ্রীপাঞ্চজন্যস্সদা
বাণাঃ শার্ঙ্গমমহর্ষজনকং কৌমৌদকী নন্দকঃ ।
সত্পদ্মং মুসলং হলং চ পরশুর্দিব্যায়ুধানি প্রভোঃ
সেনাধীশখগেশভোগিপতয়ঃ কুর্বন্তু নো মঙ্গলম্ ॥ ৭ ॥
হংসো ধর্মনিদর্শনো হরিমুখো য়জ্ঞশ্চ ধন্বন্তরিঃ
পাথোঽজোমিথুনোদিতোহরিরলঙ্কারঃ পৃথিব্যাঃ পৃথুঃ ।
আদ্যো বেদমুখশ্চ জন্মনিলয়ো নারায়ণো বৈ বিরাট্
শ্বেতদ্বীপনিবাসিজীবহৃদয়ঃ কুর্বন্তু নো মঙ্গলম্ ॥ ৮ ॥
বিষ্বক্সেনমুনির্হ্যনন্তমুনয়ঃ শ্রীসম্প্রদায়াদিমা
য়েঽন্যে ভূতভবিষ্যদৃশ্যসময়ে শ্রীরঙ্গভূভূষণাঃ ।
য়ে বৈ ভাগবতাঃ সুখা দশগণা ভৃত্যা নরা বানরাঃ
শ্বেতদ্বীপনিবাসিনো নরবরাঃকুর্বন্তু নো মঙ্গলম্ ॥ ৯ ॥
ইত্যুক্তং ভবমঙ্গলাষ্টকমিদং সুশ্লোকসঙ্কীর্তনং
শ্রীমদ্ভাগবতপ্রসাদজনকং শ্রীবেঙ্কটেশেন য়ত্ ।
ভক্তা য়ে প্রপঠন্তি শুদ্ধমনসঃ প্রোত্ফুল্লহৃত্পঙ্কজা-
স্তেষাংবাঞ্ছিতমঙ্গলম্প্রকুরুতে ভক্তিপ্রিয়ো মাধবঃ ॥ ১০ ॥
ইতি শ্রীভবমঙ্গলাষ্টকং সম্পূর্ণম্ ॥
– Chant Stotra in Other Languages –
Sri Bhavamangala Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil