॥ Sri Bhogapuresha Ashtakam Malayalam Lyrics ॥
॥ ശ്രീഭോഗാപുരേശാഷ്ടകം ॥
ശ്രീമദ്ഭോഗാപുരേശോ ഭവതു ഭവഗുരുര്‍ഭൂതയേ മേ ദയാലുഃ
ജ്ഞാനം ഭക്തിം വിരക്തിം പ്രദിത ശമദമാദ്യങ്ഗജാതം സുഖായ ।
സ്തോതും വാഽഽരാധിതും ത്വാം ന ച മമ സുമതിഃ കല്യദീനേന്ദ്രിയേശൈഃ
സന്‍മാര്‍ഗാദ്ഭ്രാന്തിതോഽയം പുരുഗുണ ദയയാ പാഹി ഭോഗാപുരേശ ॥ 1 ॥
മൂഢോഽഹം ജ്ഞാനഹീനസ്തവ പദയുഗലേ ഭക്തിഹീനോ ദുരാത്മാ-
ഥാപി ത്വാമേവ ജാനേ ഗുരുവര വചസാ സ്വാമിനം നാപരം വാ ।
തസ്മാദസ്മത്കൃതാഗഃ ക്ഷമയ കുരു കൃപാം സത്ത്വസിന്ധോ ഹനൂമന്‍
ദാസ്യം മേ ദേഹി നിത്യം ദശരഥതനയപ്രീത ഭോഗാപുരേശ ॥ 2 ॥
ത്വദ്ധൃത്പദ്മാന്തരങ്ഗേ സകലഗുണഗണാലങ്കൃതാങ്ഗോ വിദോഷഃ
സ്വാമീ വേദാന്തവേദ്യോ മമ മനസി തഥാ വര്‍തതാം ശ്രീമനോജ്ഞഃ ।
ശ്രീമദ്ഭോഗാപുരേശാനിലതനയ ഹിതം മാമകം വേത്സി സര്‍വം
കിം മേ വിജ്ഞാപനീയം സകലമപി സദാ ജാനതഃ പൂര്‍ണശക്തേഃ ॥ 3 ॥
രക്ഷഃപുത്രപ്രണാശോ ജലനിധിതരണം ദ്രോണഗിര്യാഹൃതിശ്ചേ-
ത്യാദ്യം ദുഃസാധ്യകര്‍മ ത്വയി കൃതവതി മേ സംശയം യാതി ചേതഃ ।
യദ്യസ്മന്‍മാനസസ്ഥപ്രബലതരമഹാകാമമുഖ്യാരിനാശോ
ഭൂയാച്ഛീഘ്രം ത്വയായം സകലമപി ബലം വേദ്മി തേ സത്യമേവ ॥ 4 ॥
സര്‍വാത്മപ്രേരകേശാദ്ഭുതബലനിഖിലപ്രാണിവൃന്ദപ്രവിഷ്ടാ-
നേകൈ രൂപൈ രമേശം പരിചരസി ഹരേ വേത്തി കസ്തേ മഹത്ത്വം ।
വത്സാനുക്രോശദൃഷ്ടിര്‍ഭവതു മയി ചിരം സംസൃതിവ്യാധിരുഗ്ണേ
ശ്രീമദ്ഭോഗാപുരേശാഭയദ വിരതിവിജ്ഞാനഭക്ത്യാദിപൂര്‍ണ ॥ 5 ॥
ഭഗ്നേ ബിംബേ കദാചിത് പുനരപി ഗുരുസത്പാണിലബ്ധപ്രതിഷ്ഠഃ
സാന്നിധ്യം വ്യഞ്ജിതും യോ നിഹിതദ്യുതിമഹാദീപതപ്തോ വ്യതാനീത് ।
സര്‍വത്രാദ്ധാ പതങ്ഗാന്‍ മുഹുരഥ സുജനൈഃ പ്രാര്‍ഥിതഃ സഞ്ജഹാര
ശ്രീമദ്ഭോഗാപുരേശം തമഖിലഫലദം സംഭജേ പൂര്‍വജ്യേഷ്ഠം ॥ 6 ॥
ദുര്‍ബുദ്ധിം ദുര്‍വികാരം ഹര ഹര ഹനുമന്‍ പാപജാലം മദീയം
ത്വത്സേവൈകോപയുക്താം ശ്രിയമപി ദിശ മേ യോഗ്യതാം നാതിലങ്ഘ്യ ।
ഭൂയോ വൃദ്ധിര്യഥാ സ്യാത്തവ പദയുഗലദ്വന്ദ്വഭക്തേരജസ്രം
നര്‍തേ ത്വാം മേ ഗതിഃ സ്യാദിതി ധൃതമനസാ പാലയ സ്വപ്രപന്നം ॥ 7 ॥
ഇഷ്ടാനിഷ്ടാപ്തിനാശപ്രകടിതനിജസദ്ഭക്തിവര്‍ഗാത്മശക്തിഃ
സ്വസ്വാന്തധ്യാതസീതാരമണസുചരണോ മുക്തിവിഘ്നേഭസിംഹഃ ।
സ്മൃത്യാശേഷാഘഹര്‍താഭിലഷിതഫലദഃ ശേഷരുദ്രാദിവന്ദ്യഃ
പായാദ്ഭോഗാപുരേശശ്ചരണസുരശിരോരത്നമസ്മാന്‍ സുദീനാന്‍ ॥ 8 ॥
ശ്രീമദ്ഭോഗാപുരേശസ്തുതിമിതി കൃതവാന്‍ ഭക്തിപൂതാന്തരാത്മാ
പ്രാണശ്ലോകാഷ്ടകേന ത്രിദശമുനിസമാദിഷ്ടമന്ത്രാങ്ഗജന്‍മാ ।
യസ്താം ഭക്ത്യാ സമേതഃ ശുചിരിഹ പഠതേ നിത്യമസ്യാഖിലേഷ്ടം
ദത്വാനിഷ്ടം ച ഹന്തി പ്രഥിതസുമഹിമാ പ്രാണിവൃന്ദപ്രണേതാ ॥ 9 ॥
ഇതി ശ്രീഭോഗാപുരേശാഷ്ടകം ।
– Chant Stotra in Other Languages –
Sri Bhogapuresha Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil