॥ Sri Budha Ashtottarashatanama Bengali Lyrics ॥
॥ শ্রীবুধাষ্টোত্তরশতনামস্তোত্রম্ ॥
বুধ বীজ মন্ত্র – ওঁ ব্রাঁ ব্রীং ব্রৌং সঃ বুধায় নমঃ ॥
বুধো বুধার্চিতঃ সৌম্যঃ সৌম্যচিত্তঃ শুভপ্রদঃ ।
দৃঢব্রতো দৃঢবল শ্রুতিজালপ্রবোধকঃ ॥ ১ ॥
সত্যবাসঃ সত্যবচা শ্রেয়সাম্পতিরব্যয়ঃ ।
সোমজঃ সুখদঃ শ্রীমান্ সোমবংশপ্রদীপকঃ ॥ ২ ॥
বেদবিদ্বেদতত্ত্বজ্ঞো বেদান্তজ্ঞানভাস্করঃ ।
বিদ্যাবিচক্ষণ বিদুর্ বিদ্বত্প্রীতিকরো ঋজঃ ॥ ৩ ॥
বিশ্বানুকূলসঞ্চারী বিশেষবিনয়ান্বিতঃ ।
বিবিধাগমসারজ্ঞো বীর্যবান্ বিগতজ্বরঃ ॥ ৪ ॥
ত্রিবর্গফলদোঽনন্তঃ ত্রিদশাধিপপূজিতঃ ।
বুদ্ধিমান্ বহুশাস্ত্রজ্ঞো বলী বন্ধবিমোচকঃ ॥ ৫ ॥
বক্রাতিবক্রগমনো বাসবো বসুধাধিপঃ ।
প্রসাদবদনো বন্দ্যো বরেণ্যো বাগ্বিলক্ষণঃ ॥ ৬ ॥
সত্যবান্ সত্যসংকল্পঃ সত্যবন্ধিঃ সদাদরঃ ।
সর্বরোগপ্রশমনঃ সর্বমৃত্যুনিবারকঃ ॥ ৭ ॥
বাণিজ্যনিপুণো বশ্যো বাতাংগী বাতরোগহৃত্ ।
স্থূলঃ স্থৈর্যগুণাধ্যক্ষঃ স্থূলসূক্ষ্মাদিকারণঃ ॥ ৮ ॥
অপ্রকাশঃ প্রকাশাত্মা ঘনো গগনভূষণঃ ।
বিধিস্তুত্যো বিশালাক্ষো বিদ্বজ্জনমনোহরঃ ॥ ৯ ॥
চারুশীলঃ স্বপ্রকাশো চপলশ্চ জিতেন্দ্রিয়ঃ ।
উদঽগ্মুখো মখাসক্তো মগধাধিপতির্হরঃ ॥ ১০ ॥
সৌম্যবত্সরসঞ্জাতঃ সোমপ্রিয়করঃ সুখী ।
সিংহাধিরূঢঃ সর্বজ্ঞঃ শিখিবর্ণঃ শিবংকরঃ ॥ ১১ ॥
পীতাম্বরো পীতবপুঃ পীতচ্ছত্রধ্বজাংকিতঃ ।
খড্গচর্মধরঃ কার্যকর্তা কলুষহারকঃ ॥ ১২ ॥
আত্রেয়গোত্রজোঽত্যন্তবিনয়ো বিশ্বপাবনঃ ।
চাম্পেয়পুষ্পসংকাশঃ চারণঃ চারুভূষণঃ ॥ ১৩ ॥
বীতরাগো বীতভয়ো বিশুদ্ধকনকপ্রভঃ ।
বন্ধুপ্রিয়ো বন্ধয়ুক্তো বনমণ্ডলসংশ্রিতঃ ॥ ১৪ ॥
অর্কেশানপ্রদেষস্থঃ তর্কশাস্ত্রবিশারদঃ ।
প্রশান্তঃ প্রীতিসংয়ুক্তঃ প্রিয়কৃত্ প্রিয়ভাষণঃ ॥ ১৫ ॥
মেধাবী মাধবাসক্তো মিথুনাধিপতিঃ সুধীঃ ।
কন্যারাশিপ্রিয়ঃ কামপ্রদো ঘনফলাশ্রয়ঃ ॥ ১৬ ॥
বুধস্যেবম্প্রকারেণ নাম্নামষ্টোত্তরং শতম্ ।
সম্পূজ্য বিধিবত্কর্তা সর্বান্কামানবাপ্নুয়াত্ ॥ ১৭ ॥
॥ ইতি বুধ অষ্টোত্তরশতনামস্তোত্রম্ ॥
– Chant Stotra in Other Languages –
Sri Navagraha Slokam » Sri Budha Ashtottara Shatanama Stotram Lyrics in Sanskrit » English » Gujarati » Kannada » Malayalam » Odia » Telugu » Tamil