॥ Sri Chandra Ashtottara Shatanama Stotram 2 Bengali Lyrics ॥
॥ শ্রীচন্দ্রাষ্টোত্তরশতনামস্তোত্রম্ ২ ॥
অথ শ্রীচন্দ্রাষ্টোত্তরশতনামস্তোত্রম্ ।
অথ বক্ষ্যে শশিস্তোত্রং তচ্ছৃণুষ্ব মুদান্বিতঃ ॥ ১ ॥
চন্দ্রোঽমৃতময়ঃ শ্বেতো বিধুর্বিমলরূপবান্ ।
বিশালমণ্ডলঃ শ্রীমান্ পীয়ূষকিরণঃ করী ॥ ২ ॥
দ্বিজরাজঃ শশধরঃ শশী শিবশিরোগৃহঃ ।
ক্ষীরাব্ধিতনয়ো দিব্যো মহাত্মাঽমৃতবর্ষণঃ ॥ ৩ ॥
রাত্রিনাথো ধ্বান্তহর্তা নির্মলো লোকলোচনঃ ।
চক্ষুরাহ্লাদজনকস্তারাপতিরখণ্ডিতঃ ॥ ৪ ॥
ষোডশাত্মা কলানাথো মদনঃ কামবল্লভঃ ।
হংসঃস্বামী ক্ষীণবৃদ্ধো গৌরঃ সততসুন্দরঃ ॥ ৫ ॥
মনোহরো দেবভোগ্যো ব্রহ্মকর্মবিবর্ধনঃ ।
বেদপ্রিয়ো বেদকর্মকর্তা হর্তা হরো হরিঃ ॥ ৬ ॥
ঊর্দ্ধ্ববাসী নিশানাথঃ শৃঙ্গারভাবকর্ষণঃ ।
মুক্তিদ্বারং শিবাত্মা চ তিথিকর্তা কলানিধিঃ ॥ ৭ ॥
ওষধীপতিরব্জশ্চ সোমো জৈবাতৃকঃ শুচিঃ ।
মৃগাঙ্কো গ্লৌঃ পুণ্যনামা চিত্রকর্মা সুরার্চিতঃ ॥ ৮ ॥
রোহিণীশো বুধপিতা আত্রেয়ঃ পুণ্যকীর্তকঃ ।
নিরাময়ো মন্ত্ররূপঃ সত্যো রাজা ধনপ্রদঃ ॥ ৯ ॥
সৌন্দর্যদায়কো দাতা রাহুগ্রাসপরাঙ্মুখঃ ।
শরণ্যঃ পার্বতীভালভূষণং ভগবানপি ॥ ১০ ॥
পুণ্যারণ্যপ্রিয়ঃ পূর্ণঃ পূর্ণমণ্ডলমণ্ডিতঃ ।
হাস্যরূপো হাস্যকর্তা শুদ্ধঃ শুদ্ধস্বরূপকঃ ॥ ১১ ॥
শরত্কালপরিপ্রীতঃ শারদঃ কুমুদপ্রিয়ঃ ।
দ্যুমণির্দক্ষজামাতা য়ক্ষ্মারিঃ পাপমোচনঃ ॥ ১২ ॥
ইন্দুঃ কলঙ্কনাশী চ সূর্যসঙ্গমপণ্ডিতঃ ।
সূর্যোদ্ভূতঃ সূর্যগতঃ সূর্যপ্রিয়পরঃপরঃ ॥ ১৩ ॥
স্নিগ্ধরূপঃ প্রসন্নশ্চ মুক্তাকর্পূরসুন্দরঃ ।
জগদাহ্লাদসন্দর্শো জ্যোতিঃ শাস্ত্রপ্রমাণকঃ ॥ ১৪ ॥
সূর্যাভাবদুঃখহর্তা বনস্পতিগতঃ কৃতী ।
য়জ্ঞরূপো য়জ্ঞভাগী বৈদ্যো বিদ্যাবিশারদঃ ॥ ১৫ ॥
রশ্মিকোটির্দীপ্তিকারী গৌরভানুরিতি দ্বিজ ।
নাম্নামষ্টোত্তরশতং চন্দ্রস্য পাপনাশনম্ ॥ ১৬ ॥
চন্দ্রোদয়ে পঠেদ্যস্তু স তু সৌন্দর্যবান্ ভবেত্ ।
পৌর্ণমাস্যাং পঠেদেতং স্তবং দিব্যং বিশেষতঃ ॥ ১৭ ॥
স্তবস্যাস্য প্রসাদেন ত্রিসন্ধ্যাপঠিতস্য চ ।
সদাপ্রসাদাস্তিষ্ঠন্তি ব্রাহ্মণাশ্চ দ্বিজোত্তম ॥ ১৮ ॥
শ্রাদ্ধে চাপি পঠেদেতং স্তবং পীয়ূষরূপিণম্ ।
তত্তু শ্রাদ্ধমনন্তঞ্চ কলানাথপ্রসাদতঃ ॥ ১৯ ॥
দুঃস্বপ্ননাশনং পুণ্যং দাহজ্বরবিনাশনম্ ।
ব্রাহ্মণাদ্যাঃ পঠেয়ুস্তু স্ত্রীশূদ্রাঃ শৃণুয়ুস্তথা ॥ ২০ ॥
ইতি বৃহদ্ধর্মপুরাণান্তর্গতং শ্রীচন্দ্রাষ্টোত্তরশতনামস্তোত্রং সম্পূর্ণম্ ।
– Chant Stotra in Other Languages –
Chandra Slokam » Sri Chandra Ashtottara Shatanama Stotram 2 Lyrics in Sanskrit » English » Gujarati » Kannada » Malayalam » Odia » Telugu » Tamil