॥ Sri Chandra Ashtottara Shatanama Stotram 2 Odia Lyrics ॥
॥ ଶ୍ରୀଚନ୍ଦ୍ରାଷ୍ଟୋତ୍ତରଶତନାମସ୍ତୋତ୍ରମ୍ ୨ ॥
ଅଥ ଶ୍ରୀଚନ୍ଦ୍ରାଷ୍ଟୋତ୍ତରଶତନାମସ୍ତୋତ୍ରମ୍ ।
ଅଥ ଵକ୍ଷ୍ୟେ ଶଶିସ୍ତୋତ୍ରଂ ତଚ୍ଛୃଣୁଷ୍ଵ ମୁଦାନ୍ଵିତଃ ॥ ୧ ॥
ଚନ୍ଦ୍ରୋଽମୃତମୟଃ ଶ୍ଵେତୋ ଵିଧୁର୍ଵିମଲରୂପଵାନ୍ ।
ଵିଶାଲମଣ୍ଡଲଃ ଶ୍ରୀମାନ୍ ପୀୟୂଷକିରଣଃ କରୀ ॥ ୨ ॥
ଦ୍ଵିଜରାଜଃ ଶଶଧରଃ ଶଶୀ ଶିଵଶିରୋଗୃହଃ ।
କ୍ଷୀରାବ୍ଧିତନୟୋ ଦିଵ୍ୟୋ ମହାତ୍ମାଽମୃତଵର୍ଷଣଃ ॥ ୩ ॥
ରାତ୍ରିନାଥୋ ଧ୍ଵାନ୍ତହର୍ତା ନିର୍ମଲୋ ଲୋକଲୋଚନଃ ।
ଚକ୍ଷୁରାହ୍ଲାଦଜନକସ୍ତାରାପତିରଖଣ୍ଡିତଃ ॥ ୪ ॥
ଷୋଡଶାତ୍ମା କଲାନାଥୋ ମଦନଃ କାମଵଲ୍ଲଭଃ ।
ହଂସଃସ୍ଵାମୀ କ୍ଷୀଣଵୃଦ୍ଧୋ ଗୌରଃ ସତତସୁନ୍ଦରଃ ॥ ୫ ॥
ମନୋହରୋ ଦେଵଭୋଗ୍ୟୋ ବ୍ରହ୍ମକର୍ମଵିଵର୍ଧନଃ ।
ଵେଦପ୍ରିୟୋ ଵେଦକର୍ମକର୍ତା ହର୍ତା ହରୋ ହରିଃ ॥ ୬ ॥
ଊର୍ଦ୍ଧ୍ଵଵାସୀ ନିଶାନାଥଃ ଶୃଙ୍ଗାରଭାଵକର୍ଷଣଃ ।
ମୁକ୍ତିଦ୍ଵାରଂ ଶିଵାତ୍ମା ଚ ତିଥିକର୍ତା କଲାନିଧିଃ ॥ ୭ ॥
ଓଷଧୀପତିରବ୍ଜଶ୍ଚ ସୋମୋ ଜୈଵାତୃକଃ ଶୁଚିଃ ।
ମୃଗାଙ୍କୋ ଗ୍ଲୌଃ ପୁଣ୍ୟନାମା ଚିତ୍ରକର୍ମା ସୁରାର୍ଚିତଃ ॥ ୮ ॥
ରୋହିଣୀଶୋ ବୁଧପିତା ଆତ୍ରେୟଃ ପୁଣ୍ୟକୀର୍ତକଃ ।
ନିରାମୟୋ ମନ୍ତ୍ରରୂପଃ ସତ୍ୟୋ ରାଜା ଧନପ୍ରଦଃ ॥ ୯ ॥
ସୌନ୍ଦର୍ୟଦାୟକୋ ଦାତା ରାହୁଗ୍ରାସପରାଙ୍ମୁଖଃ ।
ଶରଣ୍ୟଃ ପାର୍ଵତୀଭାଲଭୂଷଣଂ ଭଗଵାନପି ॥ ୧୦ ॥
ପୁଣ୍ୟାରଣ୍ୟପ୍ରିୟଃ ପୂର୍ଣଃ ପୂର୍ଣମଣ୍ଡଲମଣ୍ଡିତଃ ।
ହାସ୍ୟରୂପୋ ହାସ୍ୟକର୍ତା ଶୁଦ୍ଧଃ ଶୁଦ୍ଧସ୍ଵରୂପକଃ ॥ ୧୧ ॥
ଶରତ୍କାଲପରିପ୍ରୀତଃ ଶାରଦଃ କୁମୁଦପ୍ରିୟଃ ।
ଦ୍ୟୁମଣିର୍ଦକ୍ଷଜାମାତା ୟକ୍ଷ୍ମାରିଃ ପାପମୋଚନଃ ॥ ୧୨ ॥
ଇନ୍ଦୁଃ କଲଙ୍କନାଶୀ ଚ ସୂର୍ୟସଙ୍ଗମପଣ୍ଡିତଃ ।
ସୂର୍ୟୋଦ୍ଭୂତଃ ସୂର୍ୟଗତଃ ସୂର୍ୟପ୍ରିୟପରଃପରଃ ॥ ୧୩ ॥
ସ୍ନିଗ୍ଧରୂପଃ ପ୍ରସନ୍ନଶ୍ଚ ମୁକ୍ତାକର୍ପୂରସୁନ୍ଦରଃ ।
ଜଗଦାହ୍ଲାଦସନ୍ଦର୍ଶୋ ଜ୍ୟୋତିଃ ଶାସ୍ତ୍ରପ୍ରମାଣକଃ ॥ ୧୪ ॥
ସୂର୍ୟାଭାଵଦୁଃଖହର୍ତା ଵନସ୍ପତିଗତଃ କୃତୀ ।
ୟଜ୍ଞରୂପୋ ୟଜ୍ଞଭାଗୀ ଵୈଦ୍ୟୋ ଵିଦ୍ୟାଵିଶାରଦଃ ॥ ୧୫ ॥
ରଶ୍ମିକୋଟିର୍ଦୀପ୍ତିକାରୀ ଗୌରଭାନୁରିତି ଦ୍ଵିଜ ।
ନାମ୍ନାମଷ୍ଟୋତ୍ତରଶତଂ ଚନ୍ଦ୍ରସ୍ୟ ପାପନାଶନମ୍ ॥ ୧୬ ॥
ଚନ୍ଦ୍ରୋଦୟେ ପଠେଦ୍ୟସ୍ତୁ ସ ତୁ ସୌନ୍ଦର୍ୟଵାନ୍ ଭଵେତ୍ ।
ପୌର୍ଣମାସ୍ୟାଂ ପଠେଦେତଂ ସ୍ତଵଂ ଦିଵ୍ୟଂ ଵିଶେଷତଃ ॥ ୧୭ ॥
ସ୍ତଵସ୍ୟାସ୍ୟ ପ୍ରସାଦେନ ତ୍ରିସନ୍ଧ୍ୟାପଠିତସ୍ୟ ଚ ।
ସଦାପ୍ରସାଦାସ୍ତିଷ୍ଠନ୍ତି ବ୍ରାହ୍ମଣାଶ୍ଚ ଦ୍ଵିଜୋତ୍ତମ ॥ ୧୮ ॥
ଶ୍ରାଦ୍ଧେ ଚାପି ପଠେଦେତଂ ସ୍ତଵଂ ପୀୟୂଷରୂପିଣମ୍ ।
ତତ୍ତୁ ଶ୍ରାଦ୍ଧମନନ୍ତଞ୍ଚ କଲାନାଥପ୍ରସାଦତଃ ॥ ୧୯ ॥
ଦୁଃସ୍ଵପ୍ନନାଶନଂ ପୁଣ୍ୟଂ ଦାହଜ୍ଵରଵିନାଶନମ୍ ।
ବ୍ରାହ୍ମଣାଦ୍ୟାଃ ପଠେୟୁସ୍ତୁ ସ୍ତ୍ରୀଶୂଦ୍ରାଃ ଶୃଣୁୟୁସ୍ତଥା ॥ ୨୦ ॥
ଇତି ବୃହଦ୍ଧର୍ମପୁରାଣାନ୍ତର୍ଗତଂ ଶ୍ରୀଚନ୍ଦ୍ରାଷ୍ଟୋତ୍ତରଶତନାମସ୍ତୋତ୍ରଂ ସମ୍ପୂର୍ଣମ୍ ।
– Chant Stotra in Other Languages –
Chandra Slokam » Sri Chandra Ashtottara Shatanama Stotram 2 Lyrics in Sanskrit » English » Bengali » Gujarati » Kannada » Malayalam » Telugu » Tamil