॥ Sri Dainya Ashtakam Bengali Lyrics ॥
॥ শ্রীদৈন্যাষ্টকম্ ॥
শ্রীকৃষ্ণ গোকুলাধীশ নন্দগোপতনূদ্ভব ।
য়শোদাগর্ভসম্ভূত ময়ি দীনে কৃপাং কুরু ॥ ১ ॥
ব্রজানন্দ ব্রজাবাস ব্রজস্ত্রীহৃদয়স্থিত ।
ব্রজলীলাকৃতং নিত্যং ময়ি দিনে কৃপাং কুরু ॥ ২ ॥
শ্রীভাগবতভাবার্থরসাত্মন্ রসিকাত্মক ।
নামলীলাবিলাসার্থং ময়ি দীনে কৃপাং কুরু ॥ ৩ ॥
য়শোদাহৃদয়ানন্দ বিহিতাঙ্গণরিঙ্গণ ।
অলকাবৃতবক্ত্রাব্জ ময়ি দীনে কৃপাং কুরু ॥ ৪ ॥
বিরহার্তিব্রতস্থাত্মন্ গুণগানশ্রুতিপ্রিয় ।
মহাদৈন্যদয়োদ্ভূত ময়ি দীনে কৃপাং কুরু ॥ ৫ ॥
অত্যাসক্তজনাসক্ত পরোক্ষভজনপ্রিয় ।
পরমানন্দসন্দোহ ময়ি দীনে কৃপাং কুরু ॥ ৬ ॥
নিরোধশুদ্ধহৃদয় দয়িতাগীতমোহিত ।
আত্যন্তিকবিয়োগাত্মন্ ময়ি দীনে কৃপাং কুরু ॥ ৭ ॥
স্বাচার্যহৃদয়স্থায়িলীলাশতয়ুতপ্রভো ।
সর্বথা শরণং য়াতে ময়ি দীনে কৃপাং কুরু ॥ ৮ ॥
॥ ইতি শ্রীহরিদাসবিরচিতং দৈন্যাষ্টকং সমাপ্তম্ ॥
– Chant Stotra in Other Languages –
Sri Krishna Slokam » Sri Dainya Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil