॥ Sri Dananirvartanakundashtakam Bengali Lyrics ॥
॥ শ্রীদাননির্বর্তনকুণ্ডাষ্টকম্ ॥
স্বদয়িতগিরিকচ্ছে গব্যদানার্থমুচ্চৈঃ
কপটকলহকেলিং কুর্বতোর্নব্যয়ূনোঃ ।
নিজজনকৃতদর্পৈঃ ফুল্লতোরীক্ষকেঽস্মি-
ন্সরসি ভবতু বাসো দাননির্বর্তনে নঃ ॥ ১ ॥
নিভৃতমজনি য়স্মাদ্দাননির্বৃত্তিরস্মি-
নত ইদমভিধানং প্রাপ য়ত্তত্সভায়াম্ ।
রসবিমুখনিগূঢে তত্র তজ্ঞৈকবেদ্যে
সরসি ভবতু বাসো দাননির্বর্তনে নঃ ॥ ২ ॥
অভিনবমধুগন্ধোন্মত্তরোলম্বসঙ্ঘ
ধ্বনিললিতসরোজব্রাতসৌরভ্যশীতে ।
নবমধুরখগালীক্ষ্বেলিসঞ্চারকাম্রে
সরসি ভবতু বাসো দাননির্বর্তনে নঃ ॥ ৩ ॥
হিমকুসুমসুবাসস্ফারপানীয়পূরে
রসপরিলসদালীশালিনোর্নব্যয়ূনোঃ ।
অতুলসলিলখেলালব্ধসৌভাগ্যফুল্লে
সরসি ভবতু বাসো দাননির্বর্তনে নঃ ॥ ৪ ॥
দরবিকসিতপুষ্পৈর্বাসিতান্তর্দিগন্তঃ
খগমধুপনিনাদৈর্মোদিতপ্রাণিজাতঃ ।
পরিতৌপরি য়স্য ক্ষ্মারুহা ভান্তি তস্মি-
ন্সরসি ভবতু বাসো দাননির্বর্তনে নঃ ॥ ৫ ॥
নিজনিজনবকুঞ্জে গুঞ্জিরোলম্বপুঞ্জে
প্রণয়িনবসখীভিঃ সংপ্রবেশ্য প্রিয়ৌ তৌ ।
নিরুপমনবরঙ্গস্তন্যতে য়ত্র তস্মি-
ন্সরসি ভবতু বাসো দাননির্বর্তনে নঃ ॥ ৬ ॥
স্ফটিকসমমতুচ্ছং য়স্য পানীয়মচ্ছং
খগনরপশুগোভিঃ সম্পিবন্তীভিরুচ্চৈঃ ।
নিজনিজগুণবৃদ্ধির্লভ্যতে দ্রাগমুস্মি-
ন্সরসি ভবতু বাসো দাননির্বর্তনে নঃ ॥ ৭ ॥
সুরভিমধুরশীতং য়ত্পয়ঃ প্রত্যহং তাঃ
সখিগণপরিবীতো ব্যাহরন্পায়য়ন্গাঃ ।
স্বয়মথ পিবতি শ্রীগোপচন্দ্রোঽপি তস্মি-
ন্সরসি ভবতু বাসো দাননির্বর্তনে নঃ ॥ ৮ ॥
পঠতি সুমতিরেতদ্দাননির্বর্তনাখ্যং
প্রথিতমহিমকুণ্ডস্যাষ্টকং য়ো য়তাত্মা ।
স চ নিয়তনিবাসং সুষ্ঠু সংলভ্য কালে
কলয়তি কিল রাধাকৃষ্ণয়োর্দানলীলাম্ ॥ ৯ ॥
ইতি শ্রীরঘুনাথদাসগোস্বামিবিরচিতস্তবাবল্যাং
শ্রীদাননির্বর্তনকুণ্ডাষ্টকং সম্পূর্ণম্ ।
– Chant Stotra in Other Languages –
Sri Dananirvartanakundashtakam Lyrics in Sanskrit » English » Gujarati » Kannada » Malayalam » Odia » Telugu » Tamil