॥ Sri Dayananda Ashtakam Malayalam Lyrics ॥
॥ ശ്രീദയാനന്ദാഷ്ടകം ॥
ഓം
ശ്രീരാമജയം ।
ഓം സദ്ഗുരുശ്രീത്യാഗരാജസ്വാമിനേ നമോ നമഃ ।
അഥ ശ്രീദയാനന്ദാഷ്ടകം ।
സരസ്വതീകൃപാപാത്രം ദയാനന്ദസരസ്വതീം ।
യതിശ്രേഷ്ഠഗുരും വന്ദേ ദയാര്‍ദ്രാക്ഷം സ്മിതാനനം ॥ 1 ॥
വേദാന്തസാരസദ്ബോധം ലോകസേവനസുവ്രതം ।
ദയാനന്ദഗുരും വന്ദേ ദയാര്‍ദ്രാക്ഷകൃപാകരം ॥ 2 ॥
ഗീതാസാരോപദേശം ച ഗീതസത്കവിതാപ്രിയം ।
ദയാനന്ദഗുരും വന്ദേ ദയാങ്കിതസുഭാഷിതം ॥ 3 ॥
അദ്വൈതബോധകം വന്ദേ വിശിഷ്ടാദ്വൈതബോധകം ।
ദയാനന്ദഗുരും വന്ദേ ദയാര്‍ദ്രാനനസാന്ത്വനം ॥ 4 ॥
ദയാകൂടം തപസ്കൂടം വിദ്യാകൂടവിരാജകം ।
ദയാനന്ദഗുരും വന്ദേ ദയാദിസുഗുണാശ്രയം ॥ 5 ॥
ഗങ്ഗാതീരപ്രബോധം ച ഗങ്ഗാപാരതപസ്സ്ഥലം ।
ദയാനന്ദഗുരും വന്ദേ ദയാഗങ്ഗാസ്രവാസ്രവം ॥ 6 ॥
പരമാര്‍ഥഗുരും വന്ദേ തത്ത്വബോധനതല്ലജം ।
ശ്രീദയാനന്ദശിഷ്യാര്യം ശാന്തസത്ത്വഗുണാസ്പദം ॥ 7 ॥
ഭാരതശ്രേഷ്ഠരത്നം ച സര്‍വലോകസുകീര്‍തിതം ।
ദയാനന്ദഗുരും വന്ദേ അഷ്ടകശ്ലോകകീര്‍തിതം ॥ 8 ॥
ഗീതസ്തോത്രപ്രമോദായ ജ്ഞാനാചാര്യായ മങ്ഗലം ।
വേദശാസ്ത്രപ്രവീണായ ദയാനന്ദായ മങ്ഗലം ॥
ത്യാഗരാജഗുരുസ്വാമിശിഷ്യാപുഷ്പാഭിലേഖനം ।
ദയാനന്ദഗുരുസ്തോത്രം പഠനീയം ശുഭപ്രദം ॥
ഇതി സദ്ഗുരുശ്രീത്യാഗരാജസ്വാമിനഃ ശിഷ്യയാ ഭക്തയാ പുഷ്പയാ കൃതം
ശ്രീദയാനന്ദാഷ്ടകം ഗുരൌ സമര്‍പിതം ।
ഓം ശുഭമസ്തു ।
– Chant Stotra in Other Languages –
Sri Dayananda Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil