॥ Devi Shatkam Kannada Lyrics ॥
॥ ದೇವೀ ಷಟ್ಕಂ ॥
ಅಂಬ ಶಶಿಬಿಂಬವದನೇ ಕಂಬುಗ್ರೀವೇ ಕಠೋರಕುಚಕುಂಭೇ ।
ಅಂಬರಸಮಾನಮಧ್ಯೇ ಶಂಬರರಿಪುವೈರಿದೇವಿ ಮಾಂ ಪಾಹಿ ॥ ೧ ॥
ಕುಂದಮುಕುಲಾಗ್ರದಂತಾಂ ಕುಂಕುಮಪಂಕೇನ ಲಿಪ್ತಕುಚಭಾರಾಂ ।
ಆನೀಲನೀಲದೇಹಾಮಂಬಾಮಖಿಲಾಂಡನಾಯಕೀಂ ವಂದೇ ॥ ೨ ॥
ಸರಿಗಮಪಧನಿಸತಾಂತಾಂ ವೀಣಾಸಂಕ್ರಾಂತಚಾರುಹಸ್ತಾಂ ತಾಮ್ ।
ಶಾಂತಾಂ ಮೃದುಲಸ್ವಾಂತಾಂ ಕುಚಭರತಾಂತಾಂ ನಮಾಮಿ ಶಿವಕಾಂತಾಂ ॥ ೩ ॥
ಅರಟತಟಘಟಿಕಜೂಟೀತಾಡಿತತಾಲೀಕಪಾಲತಾಟಂಕಾಂ ।
ವೀಣಾವಾದನವೇಲಾಕಮ್ಪಿತಶಿರಸಂ ನಮಾಮಿ ಮಾತಂಗೀಮ್ ॥ ೪ ॥
ವೀಣಾರಸಾನುಷಂಗಂ ವಿಕಚಮದಾಮೋದಮಾಧುರೀಭೃಂಗಮ್ ।
ಕರುಣಾಪೂರಿತರಂಗಂ ಕಲಯೇ ಮಾತಂಗಕನ್ಯಕಾಪಾಂಗಮ್ ॥ ೫ ॥
ದಯಮಾನದೀರ್ಘನಯನಾಂ ದೇಶಿಕರೂಪೇಣ ದರ್ಶಿತಾಭ್ಯುದಯಾಮ್ ।
ವಾಮಕುಚನಿಹಿತವೀಣಾಂ ವರದಾಂ ಸಂಗೀತ ಮಾತೃಕಾಂ ವಂದೇ ॥ ೬ ॥
ಮಾಣಿಕ್ಯವೀಣಾ ಮುಪಲಾಲಯಂತೀಂ ಮದಾಲಸಾಂ ಮಂಜುಲವಾಗ್ವಿಲಾಸಾಮ್ ।
ಮಾಹೇಂದ್ರನೀಲದ್ಯುತಿಕೋಮಲಾಂಗೀಂ ಮಾತಂಗಕನ್ಯಾಂ ಮನಸಾ ಸ್ಮರಾಮಿ ॥ ೭ ॥
ಇತಿ ಶ್ರೀಕಾಲಿಕಾಯಾಂ ದೇವೀಷಟ್ಕಂ ॥
– Chant Stotra in Other Languages –
Devi Shatkam in English – Sanskrit ।Kannada – Telugu – Tamil