॥ Sri Dinabandhvashtakam Gujarati Lyrics ॥
॥ શ્રીદીનબન્ધ્વષ્ટકમ્ ॥
યસ્માદિદં જગદુદેતિ ચતુર્મુખાદ્યં યસ્મિન્નવસ્થિતમશેષમશેષમૂલે ।
યત્રોપયાતિ વિલયં ચ સમસ્તમન્તે દૃગ્ગોચરો ભવતુ મેઽદ્ય સ દીનબન્ધુઃ ॥ ૧ ॥
ચક્રં સહસ્રકરચારુ કરારવિન્દે ગુર્વી ગદા દરવરશ્ચ વિભાતિ યસ્ય ।
પક્ષીન્દ્રપૃષ્ઠપરિરોપિતપાદપદ્મો દૃગ્ગોચરો ભવતુ મેઽદ્ય સ દીનબન્ધુઃ ॥ ૨ ॥
યેનોદ્ધૃતા વસુમતી સલિલે નિમગ્ના નગ્ના ચ પાણ્ડવવધૂઃ સ્થગિતા દુકૂલૈઃ ।
સમ્મોચિતો જલચરસ્ય મુખાદ્ગજેન્દ્રો દૃગ્ગોચરો ભવતુ મેઽદ્ય સ દીનબન્ધુઃ ॥ ૩ ॥
યસ્યાર્દ્રદૃષ્ટિવશતસ્તુ સુરાઃ સમૃદ્ધિમ્ કોપેક્ષણેન દનુજા વિલયં વ્રજન્તિ ।
ભીતાશ્ચરન્તિ ચ યતોઽર્કયમાનિલાદ્યાઃ દૃગ્ગોચરો ભવતુ મેઽદ્ય સ દીનબન્ધુઃ ॥ ૪ ॥
ગાયન્તિ સામકુશલા યમજં મખેષુ ધ્યાયન્તિ ધીરમતયો યતયો વિવિક્તે ।
પશ્યન્તિ યોગિપુરુષાઃ પુરુષં શરીરે દૃગ્ગોચરો ભવતુ મેઽદ્ય સ દીનબન્ધુઃ ॥ ૫ ॥
આકારરૂપગુણયોગવિવર્જિતોઽપિ ભક્તાનુકમ્પનનિમિત્તગૃહીતમૂર્તિઃ ।
યઃ સર્વગોઽપિ કૃતશેષશરીરશય્યો દૃગ્ગોચરો ભવતુ મેઽદ્ય સ દીનબન્ધુઃ ॥ ૬ ॥
યસ્યાઙ્ઘ્રિપઙ્કજમનિદ્રમુનીન્દ્રવૃન્દૈ- રારાધ્યતે ભવદવાનલદાહશાન્ત્યૈ ।
સર્વાપરાધમવિચિન્ત્ય મમાખિલાત્મા દૃગ્ગોચરો ભવતુ મેઽદ્ય સ દીનબન્ધુઃ ॥ ૭ ॥
યન્નામકીર્તનપરઃ શ્વપચોઽપિ નૂનં હિત્વાખિલં કલિમલં ભુવનં પુનાતિ ।
દગ્ધ્વા મમાઘમખિલં કરુણેક્ષણેન દૃગ્ગોચરો ભવતુ મેઽદ્ય સ દીનબન્ધુઃ ॥ ૮ ॥
દીનબન્ધ્વષ્ટકં પુણ્યં બ્રહ્માનન્દેન ભાષિતમ્ ।
યઃ પઠેત્ પ્રયતો નિત્યં તસ્ય વિષ્ણુઃ પ્રસીદતિ ॥ ૯ ॥
ઇતિ શ્રીપરમહંસસ્વામિબ્રહ્માનન્દવિરચિતં શ્રીદીનબન્ધ્વષ્ટકં સમ્પૂર્ણમ્॥
– Chant Stotra in Other Languages –
Sri Dinabandhvashtakam Lyrics in Sanskrit » English » Bengali » Kannada » Malayalam » Odia » Telugu » Tamil