॥ Sri Ganesha Aksharamalika Stotram Telugu Lyrics ॥
॥ శ్రీ గణేశాక్షరమాలికా స్తోత్రం ॥
అగజాప్రియసుత వారణపతిముఖ షణ్ముఖసోదర భువనపతే శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
ఆగమశతనుత మారితదితిసుత మారారిప్రియ మందగతే శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
ఇజ్యాధ్యయన ముఖాఖిలసత్కృతి పరిశుద్ధాంతఃకరణగతే శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
ఈర్ష్యారోష కషాయితమానస దుర్జనదూర పదాంబురుహ శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
ఉత్తమతర సత్ఫలదానోద్యత వలరిపుపూజిత శూలిసుత శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
ఊహాపోహ విశారదసంయమి వర్గకృతాభయ ఢుండివిభో శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
ఋద్ధిసుఖాభయ విశ్రాణనజనితాతులకీర్తిచయైకనిధే శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
ౠక్షాక్షరతతిభర్త్సితదుర్గతవిత్తవినాశన విఘ్నపతే శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
ఌప్తజగద్భయ దివ్యగదాయుధ పోషితదీనజనామితభ శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
ౡతాతంతు సరూపజగచ్చయ నిర్మితదక్ష దృగంతవిభో శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
ఏణాంకార్ధ విభూషితమస్తక లంబోదరగజ దైత్యరిపో శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
ఐశ్వర్యాష్టక నియత నికేతన పుండ్రేక్షూజ్వల దివ్యకర శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
ఓతంప్రోత మిదం హి జగత్త్వయి సృజ్యహివత్పరిపూర్ణసుఖే శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
ఔదాస్యమ్మయివిఘ్న తమఃకులమార్తాండప్రభమారచయ శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
అంఘ్రియు గేతవసంతతసద్రలిమాశువిధత్స్వగణేశ మమ శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
ఆశ్వస్తనగృహదారసుద్భవబంధం విగళయ మేత్వరయా శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
కమనీయామిత శోణిమదీధితి సంధ్యాభీకృత దిగ్వలయ శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
ఖండితభండ సహోదరనిర్మిత విఘ్న శిలామల శీలగురో శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
గంధర్వామర కిన్నరనరగణ పూజితసజ్జన దివ్యనిధే శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
ఘుమఘుమితాఖిల విష్టపదివ్యమదస్రుతిరాజితగండయుగ శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
ఙరతత్వాత్మిక వేదదళాంబుజ మద్ధ్యగతరుణారుణభతనో శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
చంచలఘోణ సముద్ధృతపీతోఝ్ఝితజలపూరిత వారినిధే శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
ఛాయాసహచర కోటిసుభాస్వర నిఖిలగుణాకర సన్మతిద శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
జంభారిప్రముఖామర పుష్కర దివసకరాంకుశ కరవరద శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
ఝంఝానిలమద దూరీకృతచణ కర్ణానిలధూతాభ్రచయ శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
జ్ఞప్తిసదానందాత్మకనిజవర రదభాన్యక్కృత శీతకర శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
టంకాయుధవర మస్తకఖండన యత్నవిచిత్రిత భీతిసుర శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
కాంతాబ్జాలయ వదనాలోకా విస్తరకామేశ్యాదయిత శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
డోళాయితరవిశీతాంశుమండలతాళాతోషితసాంధ్యనట శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
ఢక్కావాదన తుష్టాగమగణ బృంహిత శిక్షిత లోకతతే శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
ణాంతతదర్థపదార్థమహార్థదపాలయమాం కరుణాలయభో శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
తూలోపమ విభ్రామిత భూధర నిశ్వాసానిల లోకపతే శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
థార్ణవజలతతిఫూత్కృతివిశదిత మణివరభాస్వరితాండచయ శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
దరవర్ణాత్మమనూత్తమశీలి వితీర్ణ దురాపమర్థతతే శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
ధర్మైకప్రియ ధార్మికతారక మోదకభక్షణ నిత్యరత శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
నానాలోక నివాసి మనోరథలతికామాధవ దృక్ప్రసర శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
పరమాశ్చర్యానుపమమనోహర విహరణపోషిత లోకతతే శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
ఫాలవిలోచన ఫణివరభూషణ ఫలతతితర్పిత కామిచయ శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
బాలేందూజ్వల ఫాలలసచ్ఛుచి తిర్యత్పుండ్రావలిలళిత శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
భగణాభామిత మణివరభూషిత భస్మోద్ధూళిత చారుతనో శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
మూషికవాహన మునిజనపోషణ మూర్తామూర్తోపాద్ధ్యగత శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
యామునవారి విహారి సమర్చిత యాతాయాతక్లేశహర శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
రతిపతిపూజిత లావణ్యాకర రాకేందూజ్వల నఖరాళే శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
లవణరసానంతరజలనిధివర సుమణిద్వీపాంతరసదన శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
వారాణస్యావాస కుతూహలచింతామణి సాక్ష్యాద్యభిధ శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
శంకరతోషిత దమయంత్యర్చిత రాఘవపూజిత రతివరద శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
షడ్గుణరత్నాకర లంబోదర బీజాపూర ప్రియసుముధ శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
సర్వకృతిప్రథమార్చిత గౌతమపత్నీసేవిత యమికులప శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
హేరంబాశ్రితపాలన చామరకర్ణ సుజంబూఫలభక్ష శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
లక్ష్మీపతిమహితాతుల విక్రమ రోహితతాతాఖిలవరద శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
క్షేమంకురుజగతామఖిలార్థద వేంకటసుబ్రహ్మణ్యనుత శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
ఇత్థమియంపణ వర్ణమణిస్రక్ సిద్ధిగణాధిప పదకమలే శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
నిహితాయేహ్యనయాస్తోష్యంత్యా-ప్స్యంత్యఖిలార్థాంస్త్వరయాతే శుభ ।
సిద్ధివినాయక సిద్ధివినాయక సిద్ధివినాయక పాలయమాం శుభ ॥
ఇతి శ్రీ గణేశాక్షరమాలికా స్తోత్రం సంపూర్ణమ్ ।
– Chant Stotra in Other Languages –
Sri Ganesha Aksharamalika Stotram in English – Sanskrit – Kannada – Telugu – Tamil