Ganesha Namashtaka Stotram from Brahmanda Purana 2.42
॥ Sri Ganesha Namashtaka Stotram Malayalam Lyrics ॥
॥ ശ്രീഗണേശനാമാഷ്ടകസ്തോത്രം ॥
ശ്രീകൃഷ്ണ ഉവാച –
ശ്രുണു ദേവി മഹാഭാഗേ വേദോക്തം വചനം മമ ।
യച്ഛ്രുത്വാ ഹര്‍ഷിതാ നൂനം ഭവിഷ്യസി ന സംശയഃ ।
വിനായകസ്തേ തനയോ മഹാത്മാ മഹതാം മഹാന്‍ ॥
യം കാമഃ ക്രോധ ഉദ്വേഗോ ഭയം നാവിശതേ കദാ ।
വേദസ്മൃതിപുരാണേഷു സംഹിതാസു ച ഭാമിനി ॥
നാമാന്യസ്യോപദിഷ്ടാനി സുപുണ്യാനി മഹാത്മഭിഃ ।
യാനി താനി പ്രവക്ഷ്യാമി നിഖിലാഘഹരാണി ച ॥
പ്രമഥാനാം ഗണാ യൈ ച നാനാരൂപാ മഹാബലാഃ ।
തേഷാമീശസ്ത്വയം യസ്മാദ്ഗണേശസ്തേന കീര്‍ത്തിതഃ ॥ 1 ॥ ഗണേശഃ
ഭൂതാനി ച ഭവിഷ്യാണി വര്‍തമാനാനി യാനി ച ।
ബ്രഹ്മാണ്ഡാന്യഖിലാന്യേവ യസ്മിംല്ലംബോദരഃ സ തു ॥ 2 ॥ ലംബോദരഃ
യഃ ശിരോ ദേവയോഗേന ഛിന്നം സംയോജിതം പുനഃ ।
ഗജസ്യ ശിരസാ ദേവി തേന പ്രോക്തോ ഗജാനനഃ ॥ 3 ॥ ഗജാനന
ചതുര്‍ഥ്യാമുദിതശ്ചന്ദ്രോ ദര്‍ഭിണാ ശപ്ത ആതുരഃ ।
അനേന വിധൃതോ ഭാലേ ഭാലചന്ദ്രസ്തതഃ സ്മൃതഃ ॥ 4 ॥ തതോഽഭവത് ഭാലചന്ദ്രഃ
ശപ്തഃ പുരാ സപ്തഭിസ്തു മുനിഭിഃ സങ്ക്ഷയം ഗതഃ ।
ജാതവേദാ ദീപിതോഽഭൂദ്യേനാസൌ ശൂര്‍പകര്‍ണകഃ ॥ 5 ॥ ശൂര്‍പകര്‍ണഃ
പുരാ ദേവാസുരേ യുദ്ധേ പൂജിതോ ദിവിഷദ്ഗണൈഃ ।
വിഘ്നം നിവാരയാമാസ വിഘ്നനാശസ്തതഃ സ്മൃതഃ ॥ 6 ॥ വിഘ്നനാശഃ
അദ്യായം ദേവി രാമേണ കുഠാരേണ നിപാത്യ ച ।
ദശനം ദൈവതോ ഭദ്രേ ഹ്യേകദന്തഃ കൃതോഽമുനാ ॥ 7 ॥ ഏകദന്തഃ
ഭവിഷ്യത്യഥ പര്യായേ ബ്രഹ്മണോ ഹരവല്ലഭഃ ।
വക്രീഭവിഷ്യത്തുണ്ഡത്വാദ്വക്രതുണ്ഡഃ സ്മൃതോ ബുധൈഃ ॥ 8 ॥ വക്രതുണ്ഡഃ
ഏവം തവാസ്യ പുത്രസ്യ സന്തി നാമാനി പാര്‍വതീ ।
സ്മരണാത്പാപഹാരീണി ത്രികാലാനുഗതാന്യപി ॥ 9 ॥
അസ്മാത്ത്രയോദശീകല്‍പാത്പൂര്‍വസ്മിന്ദശമീഭവേ ।
മയാസ്മൈ തു വരോ ദത്തഃ സര്‍ഗദേവാഗ്രപൂജനേ ॥ 10 ॥
ജാതകര്‍മാദിസംസ്കാരേ ഗര്‍ഭാധാനാദികേഽപി ച ।
യാത്രായാം ച വണിജ്യാദൌ യുദ്ധേ ദേവാര്‍ചനേ ശുഭേ ॥ 11 ॥
സങ്കഷ്ടേ കാംയസിദ്‍ധ്യര്‍ഥം പൂജയേദ്യോ ഗജാനനം ।
തസ്യ സര്‍വാണി കാര്യാണി സിദ്‍ധ്യന്ത്യേവ ന സംശയഃ ॥ 12 ॥
ഇതി ശ്രീബ്രഹ്മാണ്ഡേ മഹാപുരാണേ വായുപ്രോക്തേ മധ്യഭാഗേ തൃതീയ
ഉപോദ്ധാതപാദേ ഭാര്‍ഗവചരിതേ ദ്വിചത്വാരിംശത്തമോഽധ്യായാന്തര്‍ഗതം
ശ്രീകൃഷ്ണപ്രോക്തം ശ്രീഗണേശനാമാഷ്ടകസ്തോത്രം സമ്പൂര്‍ണം ॥ 42 ॥
– Chant Stotra in Other Languages –
Sri Ganesha Stotram » Sri Ganesha Namashtaka Stotram in Sanskrit » English » Bengali » Gujarati » Kannada » Odia » Telugu » Tamil