॥ Sri Ganesha Panchachamara Stotram Kannada Lyrics ॥
॥ ಶ್ರೀ ಗಣೇಶ ಪಂಚಚಾಮರ ಸ್ತೋತ್ರಂ ॥
ನಮೋ ಗಣಾಧಿಪಾಯತೇ ತ್ವಯಾಜಗದ್ವಿನಿರ್ಮಿತಂ
ನಿಜೇಚ್ಛಯಾ ಚ ಪಾಲ್ಯತೇಽಧುನಾವಶೇ ತವಸ್ಥಿತಮ್
ತ್ವಮಂತರಾತ್ಮಕೋಸ್ಯಮುಷ್ಯ ತನ್ಮಯಿಸ್ಥಿತಃ ಪುನೀಹಿ
ಮಾಂ ಜಗತ್ಪತೇಂಬಿಕಾತನೂಜ ನಿತ್ಯಶಾಂ ಕರೇ ॥ ೧ ॥
ಗಣೇಶ್ವರಃ ಕೃಪಾನಿಧಿರ್ಜಗತ್ಪತಿಃ ಪರಾತ್ಪರಃ
ಪ್ರಭುಸ್ಸ್ವಲೀಲಯಾ ಭವಚ್ಛಿವಾನ್ಮದಾವಳಾನನಃ
ಗಿರೀಂದ್ರಜಾತನೂಭವಸ್ತಮೇವ ಸರ್ವಕರ್ಮಸು
ಪ್ರಪೂಜಯಂತಿ ದೇಹಿನಸ್ಸಮಾಪ್ನುವಂತಿ ಚೇಪ್ಸಿತಮ್ ॥ ೨ ॥
ಚತುಃಪುಮರ್ಥದಾಯಿಭಿಶ್ಚತುಷ್ಕರೈರ್ವಿಲಂಬಿನಾ
ಸಹೋದರೇಣ ಸೋದರೇಣ ಪದ್ಮಜಾಂಡಸಂತತೇಃ
ಪದದ್ವಯೇನ ಚಾಪದಾಂ ನಿವಾರಕೇಣ ಭಾಸುರಾಂ
ಭಜೇ ಭವಾತ್ಮಜಂ ಪ್ರಭುಂ ಪ್ರಸನ್ನವಕ್ತ್ರಮದ್ವಯಮ್ ॥ ೩ ॥
ಬಲಿಷ್ಠಮೂಷಕಾದಿರಾಜಪೃಷ್ಠನಿಷ್ಠವಿಷ್ಠರ-
-ಪ್ರತಿಷ್ಠಿತಂಗಣಪ್ರಬರ್ಹ ಪಾರಮೇಷ್ಠ್ಯಶೋಭಿತಮ್
ಗರಿಷ್ಠಮಾತ್ಮಭಕ್ತಕಾರ್ಯವಿಘ್ನವರ್ಗಭಂಜನೇ
ಪಟಿಷ್ಠಮಾಶ್ರಿತಾವನೇ ಭಜಾಮಿ ವಿಘ್ನನಾಯಕಮ್ ॥ ೪ ॥
ಭಜಾಮಿ ಶೂರ್ಪಕರ್ಣಮಗ್ರಜಂ ಗುಹಸ್ಯ ಶಂಕರಾ-
-ತ್ಮಜಂ ಗಜಾನನಂ ಸಮಸ್ತದೇವಬೃಂದವಂದಿತಮ್
ಮಹಾಂತರಾಯ ಶಾಂತಿದಂ ಮತಿಪ್ರದಂ ಮನೀಷಿಣಾಂ
ಗತಿಂ ಶೃತಿಸ್ಮೃತಿಸ್ತುತಂ ಗಣೇಶ್ವರಂ ಮದೀಶ್ವರಮ್ ॥ ೫ ॥
ಯದಂಘ್ರಿಪಲ್ಲವಸ್ಮೃತಿರ್ನಿರಂತರಾಯ ಸಿದ್ಧಿದಾ
ಯಮೇವ ಬುದ್ಧಿಶಾಲಿನಸ್ಸ್ಮರಂತ್ಯಹರ್ನಿಶಂ ಹೃದಿ
ಯಮಾಶ್ರಿತಸ್ತರತ್ಯಲಂಘ್ಯ ಕಾಲಕರ್ಮಬಂಧನಂ
ತಮೇವಚಿತ್ಸುಖಾತ್ಮಕಂ ಭಜಾಮಿ ವಿಘ್ನನಾಯಕಮ್ ॥ ೬ ॥
ಕರಾಂಬುಜಸ್ಫುರದ್ವರಾಭಯಾಽಕ್ಷಸೂತ್ರ ಪುಸ್ತಕ
ಸೃಣಿಸ್ಸಬೀಜಪೂರಕಂಜಪಾಶದಂತ ಮೋದಕಾನ್
ವಹನ್ಕಿರೀಟಕುಂಡಲಾದಿ ದಿವ್ಯಭೂಷಣೋಜ್ಜ್ವಲೋ
ಗಜಾನನೋ ಗಣಾಧಿಪಃ ಪ್ರಭುರ್ಜಯತ್ಯಹರ್ನಿಶಮ್ ॥ ೭ ॥
ಗಿರೀಂದ್ರಜಾಮಹೇಶಯೋಃ ಪರಸ್ಪರಾನುರಾಗಜಂ
ನಿಜಾನುಭೂತಚಿತ್ಸುಖಂ ಸುರೈರುಪಾಸ್ಯದೈವತಮ್
ಗಣೇಶ್ವರಂ ಗುರುಂ ಗುಹಸ್ಯ ವಿಘ್ನವರ್ಗಘಾತಿನಂ
ಗಜಾನನಂ ಭಜಾಮ್ಯಹಂ ನ ದೈವಮನ್ಯಮಾಶ್ರಯೇ ॥ ೮ ॥
ಗಣೇಶಪಂಚಚಾಮರಸ್ತುತಿಂ ಪಠಧ್ವಮಾದರಾತ್
ಮನೀಷಿತಾರ್ಥದಾಯಕಂ ಮನೀಷಿಣಃ ಕಲೌಯುಗೇ
ನಿರಂತರಾಯ ಸಿದ್ಧಿದಂ ಚಿರಂತನೋಕ್ತಿಸಮ್ಮತಂ
ನಿರಂತರಂ ಗಣೇಶಭಕ್ತಿ ಶುದ್ಧಚಿತ್ತವೃತ್ತಯಃ ॥ ೯ ॥
ಇತಿ ಶ್ರೀಸುಬ್ರಹ್ಮಣ್ಯಯೋಗಿ ವಿರಚಿತಾ ಶ್ರೀಗಣೇಶಪಂಚಚಾಮರಸ್ತುತಿಃ ।
– Chant Stotra in Other Languages –
Sri Ganesha Panchachamara StotramLyrics in English – Sanskrit – Kannada – Telugu – Tamil