॥ Sri Ganesha Panchachamara Stotram Telugu Lyrics ॥
॥ శ్రీ గణేశ పంచచామర స్తోత్రం ॥
నమో గణాధిపాయతే త్వయాజగద్వినిర్మితం
నిజేచ్ఛయా చపాల్యతేఽధునావశే తవస్థితమ్
త్వమంతరాత్మకోస్యముష్య తన్మయిస్థితః పునీహి
మాం జగత్పతేంబికాతనూజ నిత్యశాం కరే ॥ ౧ ॥
గణేశ్వరః కృపానిధిర్జగత్పతిః పరాత్పరః
ప్రభుస్స్వలీల యాభవచ్ఛివాన్మదావళాననః
గిరీంద్రజాతనూభవస్తమేవ సర్వకర్మసు
ప్రపూజయంతి దేహినస్సమాప్నువంతి చేప్సితమ్ ॥ ౨ ॥
చతుఃపుమర్థదాయిభిశ్చతుష్కరైర్విలంబినా
సహోదరేణ సోదరేణ పద్మజాండసంతతేః
పదద్వయేన చాపదాం నివారకేణ భాసురాం
భజే భవాత్మజం ప్రభుం ప్రసన్నవక్త్రమద్వయమ్ ॥ ౩ ॥
బలిష్ఠమూషకాదిరాజపృష్ఠనిష్ఠవిష్టర-
-ప్రతిష్ఠితంగణప్రబర్హ పారమేష్ఠ్యశోభితమ్
గరిష్ఠమాత్మభక్తకార్యవిఘ్నవర్గభంజనే
పటిష్ఠమాశ్రితావనే భజామి విఘ్ననాయకమ్ ॥ ౪ ॥
భజామి శూర్పకర్ణమగ్రజం గుహస్య శంకరా-
-త్మజం గజాననం సమస్తదేవబృందవందితమ్
మహాంతరాయ శాంతిదం మతిప్రదం మనీషిణాం
గతిం శ్రుతిస్మృతిస్తుతం గణేశ్వరం మదీశ్వరమ్ ॥ ౫ ॥
యదంఘ్రిపల్లవస్మృతిర్నిరంతరాయ సిద్ధిదా
యమేవ బుద్ధిశాలినస్స్మరంత్యహర్నిశం హృది
యమాశ్రితస్తరత్యలంఘ్య కాలకర్మబంధనం
తమేవచిత్సుఖాత్మకం భజామి విఘ్ననాయకమ్ ॥ ౬ ॥
కరాంబుజస్ఫురద్వరాభయాక్షసూత్ర పుస్తక
సృణిస్సబీజపూరకంజపాశదంత మోదకాన్
వహన్కిరీటకుండలాది దివ్యభూషణోజ్జ్వలో
గజాననో గణాధిపః ప్రభుర్జయత్యహర్నిశమ్ ॥ ౭ ॥
గిరీంద్రజామహేశయోః పరస్పరానురాగజం
నిజానుభూతచిత్సుఖం సురైరుపాస్యదైవతమ్
గణేశ్వరం గురుం గుహస్య విఘ్నవర్గఘాతినం
గజాననం భజామ్యహం నదైవమన్యమాశ్రయే ॥ ౮ ॥
గణేశపంచచామరస్తుతిం పఠధ్వమాదరాత్
మనీషితార్థదాయకం మనీషిణః కలౌయుగే
నిరంతరాయ సిద్ధిదం చిరంతనోక్తిసమ్మతం
నిరంతరం గణేశభక్తి శుద్ధచిత్తవృత్తయః ॥ ౯ ॥
ఇతి శ్రీసుబ్రహ్మణ్యయోగివిరచితా శ్రీ గణేశ పంచచామర స్తుతిః ।
– Chant Stotra in Other Languages –
Sri Ganesha Panchachamara StotramLyrics in English – Sanskrit – Kannada – Telugu – Tamil