॥ Ganeshastavanam or Ganeshashtakam by Valmiki Odia Lyrics ॥
॥ ଵାଲ୍ମୀକିକୃତଂ ଶ୍ରୀଗଣେଶସ୍ତଵନମ୍ ଅଥଵା ଗଣେଶାଷ୍ଟକମ୍ ॥
ଚତୁଃଷଷ୍ଟିକୋଟ୍ୟାଖ୍ୟଵିଦ୍ୟାପ୍ରଦଂ ତ୍ଵାଂ ସୁରାଚାର୍ୟଵିଦ୍ୟାପ୍ରଦାନାପଦାନମ୍ ।
କଠାଭୀଷ୍ଟଵିଦ୍ୟାର୍ପକଂ ଦନ୍ତୟୁଗ୍ମଂ କଵିଂ ବୁଦ୍ଧିନାଥଂ କଵୀନାଂ ନମାମି ॥ ୧ ॥
ସ୍ଵନାଥଂ ପ୍ରଧାନଂ ମହାଵିଘ୍ନନାଥଂ ନିଜେଚ୍ଛାଵିସୃଷ୍ଟାଣ୍ଡଵୃନ୍ଦେଶନାଥମ୍ ।
ପ୍ରଭୁ ଦକ୍ଷିଣାସ୍ୟସ୍ୟ ଵିଦ୍ୟାପ୍ରଦଂ ତ୍ଵାଂ କଵିଂ ବୁଦ୍ଧିନାଥଂ କଵୀନାଂ ନମାମି ॥ ୨ ॥
ଵିଭୋ ଵ୍ୟାସଶିଷ୍ୟାଦିଵିଦ୍ୟାଵିଶିଷ୍ଟପ୍ରିୟାନେକଵିଦ୍ୟାପ୍ରଦାତାରମାଦ୍ୟମ୍ ।
ମହାଶାକ୍ତଦୀକ୍ଷାଗୁରୁଂ ଶ୍ରେଷ୍ଠଦଂ ତ୍ଵାଂ କଵିଂ ବୁଦ୍ଧିନାଥଂ କଵୀନାଂ ନମାମି ॥ ୩ ॥
ଵିଧାତ୍ରେ ତ୍ରୟୀମୁଖ୍ୟଵେଦାଂଶ୍ଚ ୟୋଗଂ ମହାଵିଷ୍ଣଵେ ଚାଗମାଞ୍ ଶଙ୍କରାୟ ।
ଦିଶନ୍ତଂ ଚ ସୂର୍ୟାୟ ଵିଦ୍ୟାରହସ୍ୟଂ କଵିଂ ବୁଦ୍ଧିନାଥଂ କଵୀନାଂ ନମାମି ॥ ୪ ॥
ମହାବୁଦ୍ଧିପୁତ୍ରାୟ ଚୈକଂ ପୁରାଣଂ ଦିଶନ୍ତଂ ଗଜାସ୍ୟସ୍ୟ ମାହାତ୍ମ୍ୟୟୁକ୍ତମ୍ ।
ନିଜଜ୍ଞାନଶକ୍ତ୍ୟା ସମେତଂ ପୁରାଣଂ କଵିଂ ବୁଦ୍ଧିନାଥଂ କଵୀନାଂ ନମାମି ॥ ୫ ॥
ତ୍ରୟୀଶୀର୍ଷସାରଂ ରୁଚାନେକମାରଂ ରମାବୁଦ୍ଧିଦାରଂ ପରଂ ବ୍ରହ୍ମପାରମ୍ ।
ସୁରସ୍ତୋମକାୟଂ ଗଣୌଘାଧିନାଥଂ କଵିଂ ବୁଦ୍ଧିନାଥଂ କଵୀନାଂ ନମାମି ॥ ୬ ॥
ଚିଦାନନ୍ଦରୂପଂ ମୁନିଧ୍ୟେୟରୂପଂ ଗୁଣାତୀତମୀଶଂ ସୁରେଶଂ ଗଣେଶମ୍ ।
ଧରାନନ୍ଦଲୋକାଦିଵାସପ୍ରିୟଂ ତ୍ଵାଂ କଵିଂ ବୁଦ୍ଧିନାଥଂ କଵୀନାଂ ନମାମି ॥ ୭ ॥
ଅନେକପ୍ରତାରଂ ସୁରକ୍ତାବ୍ଜହାରଂ ପରଂ ନିର୍ଗୁଣଂ ଵିଶ୍ଵସଦ୍ବ୍ରହ୍ମରୂପମ୍ ।
ମହାଵାକ୍ୟସନ୍ଦୋହତାତ୍ପର୍ୟମୂର୍ତିଂ କଵିଂ ବୁଦ୍ଧିନାଥଂ କଵୀନାଂ ନମାମି ॥ ୮ ॥
ଇଦଂ ୟେ ତୁ କଵ୍ୟଷ୍ଟକଂ ଭକ୍ତିୟୁକ୍ତାତ୍ରିସନ୍ଧ୍ୟଂ ପଠନ୍ତେ ଗଜାସ୍ୟଂ ସ୍ମରନ୍ତଃ ।
କଵିତ୍ଵଂ ସୁଵାକ୍ୟାର୍ଥମତ୍ୟଦ୍ଭୁତଂ ତେ ଲଭନ୍ତେ ପ୍ରସାଦାଦ୍ ଗଣେଶସ୍ୟ ମୁକ୍ତିମ୍ ॥ ୯ ॥
ଇତି ଵାଲ୍ମୀକିକୃତଂ ଗଣେଶସ୍ତଵନଂ ସମାପ୍ତମ୍ ।
– Chant Stotra in Other Languages –
Sri Ganapathi Slokam » Ganeshastavanam or Ganeshashtakam by Valmiki Lyrics in Sanskrit » English » Bengali » Gujarati » Kannada » Malayalam » Telugu » Tamil