Ganeshastavanam Or Ganeshashtakam By Valmiki In Telugu

॥ Ganeshastavanam or Ganeshashtakam by Valmiki Telugu Lyrics ॥

॥ వాల్మీకికృతం శ్రీగణేశస్తవనమ్ అథవా గణేశాష్టకమ్ ॥

చతుఃషష్టికోట్యాఖ్యవిద్యాప్రదం త్వాం సురాచార్యవిద్యాప్రదానాపదానమ్ ।
కఠాభీష్టవిద్యార్పకం దన్తయుగ్మం కవిం బుద్ధినాథం కవీనాం నమామి ॥ ౧ ॥

స్వనాథం ప్రధానం మహావిఘ్ననాథం నిజేచ్ఛావిసృష్టాణ్డవృన్దేశనాథమ్ ।
ప్రభు దక్షిణాస్యస్య విద్యాప్రదం త్వాం కవిం బుద్ధినాథం కవీనాం నమామి ॥ ౨ ॥

విభో వ్యాసశిష్యాదివిద్యావిశిష్టప్రియానేకవిద్యాప్రదాతారమాద్యమ్ ।
మహాశాక్తదీక్షాగురుం శ్రేష్ఠదం త్వాం కవిం బుద్ధినాథం కవీనాం నమామి ॥ ౩ ॥

విధాత్రే త్రయీముఖ్యవేదాంశ్చ యోగం మహావిష్ణవే చాగమాఞ్ శఙ్కరాయ ।
దిశన్తం చ సూర్యాయ విద్యారహస్యం కవిం బుద్ధినాథం కవీనాం నమామి ॥ ౪ ॥

మహాబుద్ధిపుత్రాయ చైకం పురాణం దిశన్తం గజాస్యస్య మాహాత్మ్యయుక్తమ్ ।
నిజజ్ఞానశక్త్యా సమేతం పురాణం కవిం బుద్ధినాథం కవీనాం నమామి ॥ ౫ ॥

త్రయీశీర్షసారం రుచానేకమారం రమాబుద్ధిదారం పరం బ్రహ్మపారమ్ ।
సురస్తోమకాయం గణౌఘాధినాథం కవిం బుద్ధినాథం కవీనాం నమామి ॥ ౬ ॥

చిదానన్దరూపం మునిధ్యేయరూపం గుణాతీతమీశం సురేశం గణేశమ్ ।
ధరానన్దలోకాదివాసప్రియం త్వాం కవిం బుద్ధినాథం కవీనాం నమామి ॥ ౭ ॥

అనేకప్రతారం సురక్తాబ్జహారం పరం నిర్గుణం విశ్వసద్బ్రహ్మరూపమ్ ।
మహావాక్యసన్దోహతాత్పర్యమూర్తిం కవిం బుద్ధినాథం కవీనాం నమామి ॥ ౮ ॥

ఇదం యే తు కవ్యష్టకం భక్తియుక్తాత్రిసన్ధ్యం పఠన్తే గజాస్యం స్మరన్తః ।
కవిత్వం సువాక్యార్థమత్యద్భుతం తే లభన్తే ప్రసాదాద్ గణేశస్య ముక్తిమ్ ॥ ౯ ॥

See Also  Sri Krishnashtakam 4 In Kannada

ఇతి వాల్మీకికృతం గణేశస్తవనం సమాప్తమ్ ।

– Chant Stotra in Other Languages –

Sri Ganapathi Slokam » Ganeshastavanam or Ganeshashtakam by Valmiki Lyrics in Sanskrit » English » Bengali » Gujarati » Kannada » Malayalam » Odia  » Tamil