॥ Sri Ganga Ashtottara Shatanama Stotram Bengali Lyrics ॥
॥ শ্রীগঙ্গাষ্টোত্তরশতনামস্তোত্রম্ ॥
ধ্যানম্ ।
সিতমকরনিষণ্ণাং শুভ্রবর্ণাং ত্রিনেত্রাং
করধৃতকলশোদ্যত্সোত্পলামত্যভীষ্টাম্ ।
বিধিহরিহররূপাং সেন্দুকোটীরচূডাং
কলিতসিতদুকূলাং জাহ্নবীং তাং নমামি ॥
অথ স্তোত্রম্ ।
শ্রীনারদ উবাচ ।
গঙ্গা নাম পরং পুণ্যং কথিতং পরমেশ্বর ।
নামানি কতি শস্তানি গঙ্গায়াঃ প্রণিশংস মে ॥ ১ ॥
শ্রীমহাদেব উবাচ ।
নাম্নাং সহস্রমধ্যে তু নামাষ্টশতমুত্তমম্ ।
জাহ্নব্যা মুনিশার্দূল তানি মে শৃণু তত্ত্বতঃ ॥ ২ ॥
গঙ্গা ত্রিপথগা দেবী শম্ভুমৌলিবিহারিণী ।
জাহ্নবী পাপহন্ত্রী চ মহাপাতকনাশিনী ॥ ৩ ॥
পতিতোদ্ধারিণী স্রোতস্বতী পরমবেগিনী ।
বিষ্ণুপাদাব্জসম্ভূতা বিষ্ণুদেহকৃতালয়া ॥ ৪ ॥
স্বর্গাব্ধিনিলয়া সাধ্বী স্বর্ণদী সুরনিম্নগা ।
মন্দাকিনী মহাবেগা স্বর্ণশৃঙ্গপ্রভেদিনী ॥ ৫ ॥
দেবপূজ্যতমা দিব্যা দিব্যস্থাননিবাসিনী ।
সুচারুনীররুচিরা মহাপর্বতভেদিনী ॥ ৬ ॥
ভাগীরথী ভগবতী মহামোক্ষপ্রদায়িনী ।
সিন্ধুসঙ্গগতা শুদ্ধা রসাতলনিবাসিনী ॥ ৭ ॥
মহাভোগা ভোগবতী সুভগানন্দদায়িনী ।
মহাপাপহরা পুণ্যা পরমাহ্লাদদায়িনী ॥ ৮ ॥
পার্বতী শিবপত্নী চ শিবশীর্ষগতালয়া ।
শম্ভোর্জটামধ্যগতা নির্মলা নির্মলাননা ॥ ৯ ॥
মহাকলুষহন্ত্রী চ জহ্নুপুত্রী জগত্প্রিয়া ।
ত্রৈলোক্যপাবনী পূর্ণা পূর্ণব্রহ্মস্বরূপিণী ॥ ১০ ॥
জগত্পূজ্যতমা চারুরূপিণী জগদম্বিকা ।
লোকানুগ্রহকর্ত্রী চ সর্বলোকদয়াপরা ॥ ১১ ॥
য়াম্যভীতিহরা তারা পারা সংসারতারিণী ।
ব্রহ্মাণ্ডভেদিনী ব্রহ্মকমণ্ডলুকৃতালয়া ॥ ১২ ॥
সৌভাগ্যদায়িনী পুংসাং নির্বাণপদদায়িনী ।
অচিন্ত্যচরিতা চারুরুচিরাতিমনোহরা ॥ ১৩ ॥
মর্ত্যস্থা মৃত্যুভয়হা স্বর্গমোক্ষপ্রদায়িনী ।
পাপাপহারিণী দূরচারিণী বীচিধারিণী ॥ ১৪ ॥
কারুণ্যপূর্ণা করুণাময়ী দুরিতনাশিনী ।
গিরিরাজসুতা গৌরীভগিনী গিরিশপ্রিয়া ॥ ১৫ ॥
মেনকাগর্ভসম্ভূতা মৈনাকভগিনীপ্রিয়া ।
আদ্যা ত্রিলোকজননী ত্রৈলোক্যপরিপালিনী ॥ ১৬ ॥
তীর্থশ্রেষ্ঠতমা শ্রেষ্ঠা সর্বতীর্থময়ী শুভা ।
চতুর্বেদময়ী সর্বা পিতৃসন্তৃপ্তিদায়িনী ॥ ১৭ ॥
শিবদা শিবসায়ুজ্যদায়িনী শিববল্লভা ।
তেজস্বিনী ত্রিনয়না ত্রিলোচনমনোরমা ॥ ১৮ ॥
সপ্তধারা শতমুখী সগরান্বয়তারিণী ।
মুনিসেব্যা মুনিসুতা জহ্নুজানুপ্রভেদিনী ॥ ১৯ ॥
মকরস্থা সর্বগতা সর্বাশুভনিবারিণী ।
সুদৃশ্যা চাক্ষুষীতৃপ্তিদায়িনী মকরালয়া ॥ ২০ ॥
সদানন্দময়ী নিত্যানন্দদা নগপূজিতা ।
সর্বদেবাধিদেবৈশ্চ পরিপূজ্যপদাম্বুজা ॥ ২১ ॥
এতানি মুনিশার্দূল নামানি কথিতানি তে ।
শস্তানি জাহ্নবীদেব্যাঃ সর্বপাপহরাণি চ ॥ ২২ ॥
য় ইদং পঠতে ভক্ত্যা প্রাতরুত্থায় নারদ ।
গঙ্গায়াঃ পরমং পুণ্যং নামাষ্টশতমেব হি ॥ ২৩ ॥
তস্য পাপানি নশ্যন্তি ব্রহ্মহত্যাদিকান্যপি ।
আরোগ্যমতুলং সৌখ্যং লভতে নাত্র সংশয়ঃ ॥ ২৪ ॥
য়ত্র কুত্রাপি সংস্নায়াত্পঠেত্স্তোত্রমনুত্তমম্ ।
তত্রৈব গঙ্গাস্নানস্য ফলং প্রাপ্নোতি নিশ্চিতম্ ॥ ২৫ ॥
প্রত্যহং প্রপঠেদেতদ্ গঙ্গানামশতাষ্টকম্ ।
সোঽন্তে গঙ্গামনুপ্রাপ্য প্রয়াতি পরমং পদম্ ॥ ২৬ ॥
গঙ্গায়াং স্নানসময়ে য়ঃ পঠেদ্ভক্তিসংয়ুতঃ ।
সোঽশ্বমেধসহস্রাণাং ফলমাপ্নোতি মানবঃ ॥ ২৭ ॥
গবাময়ুতদানস্য য়ত্ফলং সমুদীরিতম্ ।
তত্ফলং সমবাপ্নোতি পঞ্চম্যাং প্রপঠন্নরঃ ॥ ২৮ ॥
কার্তিক্যাং পৌর্ণমাস্যাং তু স্নাত্বা সগরসঙ্গমে ।
য়ঃ পঠেত্স মহেশত্বং য়াতি সত্যং ন সংশয়ঃ ॥ ২৯ ॥
॥ ইতি শ্রীমহাভাগবতে মহাপুরাণে শ্রীগঙ্গাষ্টোত্তরশতনামস্তোত্রং সম্পূর্ণম্ ॥
– Chant Stotra in Other Languages –
Sri Ganga Ashtakam » Sri Ganga Ashtottara Shatanama Stotram Lyrics in Sanskrit » English » Bengali » Gujarati » Kannada » Malayalam » Odia » Telugu » Tamil