॥ Sri Giridharyashtakam Odia Lyrics ॥
॥ ଶ୍ରୀଗିରିଧାର୍ୟଷ୍ଟକମ୍ ॥
ତ୍ର୍ୟୈଲୋକ୍ୟଲକ୍ଷ୍ମୀମଦଭୃତ୍ସୁରେଶ୍ଵରୋ ୟଦା ଘନୈରନ୍ତକରୈର୍ଵଵର୍ଷ ହ ।
ତଦାକରୋଦ୍ୟଃ ସ୍ଵବଲେନ ରକ୍ଷଣଂ ତଂ ଗୋପବାଲଂ ଗିରିଧାରିଣଂ ଵ୍ରଜେ ॥ ୧ ॥
ୟଃ ପାୟୟନ୍ତୀମଧିରୁହ୍ୟ ପୂତନାଂ ସ୍ତନ୍ୟଂ ପପୌ ପ୍ରାଣପରାୟଣଃ ଶିଶୁଃ ।
ଜଘାନ ଵାତାୟିତଦୈତ୍ୟପୁଙ୍ଗଵଂ ତଂ ଗୋପବାଲଂ ଗିରିଧାରିଣଂ ଵ୍ରଜେ ॥ ୨ ॥
ନନ୍ଦଵ୍ରଜଂ ୟଃ ସ୍ଵରୁଚେନ୍ଦିରାଲୟଂ ଚକ୍ରେ ଦିଵୀଶାଂ ଦିଵି ମୋହଵୃଦ୍ଧୟେ ।
ଗୋଗୋପଗୋପୀଜନସର୍ଵସୌଖ୍ୟକୃତ୍ତଂ ଗୋପବାଲଂ ଗିରିଧାରିଣଂ ଵ୍ରଜେ ॥ ୩ ॥
ୟଂ କାମଦୋଗ୍ଘ୍ରୀ ଗଗନାହୃତୈର୍ଜଲୈଃ ସ୍ଵଜ୍ଞାତିରାଜ୍ୟେ ମୁଦିତାଭ୍ୟଷିଞ୍ଚତ୍ ।
ଗୋଵିନ୍ଦନାମୋତ୍ସଵକୃଦ୍ଵ୍ରଜୌକସାଂ ତଂ ଗୋପବାଲଂ ଗିରିଧାରିଣଂ ଭଜେ ॥ ୪ ॥
ୟସ୍ୟାନନାବ୍ଜଂ ଵ୍ରଜସୁନ୍ଦରୀଜନା ଦିନକ୍ଷୟେ ଲୋଚନଷଟ୍ପଦୈର୍ମୁଦା ।
ପିବନ୍ତ୍ୟଧୀରା ଵିରହାତୁରା ଭୃଶଂ ତଂ ଗୋପବାଲଂ ଗିରିଧାରିଣଂ ଭଜେ ॥ ୫ ॥
ଵୃନ୍ଦାଵନେ ନିର୍ଜରଵୃନ୍ଦଵନ୍ଦିତେ ଗାଶ୍ଚାରୟନ୍ୟଃ କଲଵେଣୁନିଃସ୍ଵନଃ ।
ଗୋପାଙ୍ଗନାଚିତ୍ତଵିମୋହମନ୍ମଥସ୍ତଂ ଗୋପବାଲଂ ଗିରିଧାରିଣଂ ଭଜେ ॥ ୬ ॥
ୟଃ ସ୍ଵାତ୍ମଲୀଲାରସଦିତ୍ସୟା ସତାମାଵିଶ୍ଚକାରାଽଗ୍ନିକୁମାରଵିଗ୍ରହମ୍ ।
ଶ୍ରୀଵଲ୍ଲଭାଧ୍ଵାନୁସୃତୈକପାଲକସ୍ତଂ ଗୋପବାଲଂ ଗିରିଧାରିଣଂ ଭଜେ ॥ ୭ ॥
ଗୋପେନ୍ଦ୍ରସୂନୋର୍ଗିରିଧାରିଣୋଽଷ୍ଟକଂ ପଠେଦିଦଂୟସ୍ତଦନନ୍ୟମାନସଃ ।
ସମୁଚ୍ୟତେ ଦୁଃଖମହାର୍ଣଵାଦ୍ଭୃଶଂ ପ୍ରାପ୍ନୋତି ଦାସ୍ୟଂ ଗିରିଧାରିଣେ ଧ୍ରୁଵମ୍ ॥ ୮ ॥
ପ୍ରଣମ୍ୟ ସମ୍ପ୍ରାର୍ଥୟତେ ତଵାଗ୍ରତସ୍ତ୍ଵଦଙ୍ଘ୍ରିରେଣୁଂ ରଘୁନାଥନାମକଃ ।
ଶ୍ରୀଵିଠ୍ଠ୍ଲାନୁଗ୍ରହଲବ୍ଧସନ୍ମତିସ୍ତତ୍ପୂରୟୈତସ୍ୟ ମନୋରଥାର୍ଣଵମ୍ ॥ ୯ ॥
॥ ଇତି ଶ୍ରୀରଘୁନାଥପ୍ରଭୁକୃତଂ ସମାପ୍ତମିଦଂ ଶ୍ରୀଗିରିରାଜଧାର୍ୟଷ୍ଟକମ୍ ॥
-Chant Stotra in Other Languages –
Sri Krishna Slokam » Sri Giridharyashtakam Lyrics in Sanskrit » English » Bengali » Gujarati » Kannada » Malayalam » Telugu » Tamil