॥ Girirajadharya Ashtakam Gujarati Lyrics ॥
॥ શ્રીગિરિરાજધાર્યષ્ટકમ્ ॥
ભક્તાભિલાષાચરિતાનુસારી દુગ્ધાદિચૌર્યેણ યશોવિસારી ।
કુમારતાનન્દિતઘોષનારી મમ પ્રભુઃ શ્રીગિરિરાજધારી ॥ ૧ ॥
વ્રજાઙ્ગનાવૃન્દસદાવિહારી અઙ્ગૈર્ગૃહાઙ્ગારતમોઽપહારી ।
ક્રીડારસાવેશતમોઽભિસારી મમ પ્રભુઃ શ્રીગિરિરાજધારી ॥ ૨ ॥
વેણુસ્વનાનન્દિતપન્નગારી રસાતલાનૃત્યપદપ્રચારી ।
ક્રીડન્વયસ્યાકૃતિદૈત્યમારી મમ પ્રભુઃ શ્રીગિરિરાજધારી ॥ ૩ ॥
પુલિન્દદારાહિતશમ્બરારી રમાસદોદારદયાપ્રકારી ।
ગોવર્ધને કન્દફલોપહારી મમ પ્રભુઃ શ્રીગિરિરાજધારી ॥ ૪ ॥
કલિન્દજાકૂલદુકૂલહારી કુમારિકાકામકલાવિતારી ।
વૃન્દાવને ગોધનવૃન્દચારી મમ પ્રભુઃ શ્રીગિરિરાજધારી ॥ ૫ ॥
વ્રજેન્દ્રસર્વાધિકશર્મકારી મહેન્દ્રગર્વાધિકગર્વહારી ।
વૃન્દાવને કન્દફલોપહારી મમ પ્રભુઃ શ્રીગિરિરાજધારી ॥ ૬ ॥
મનઃકલાનાથતમોવિદારી વંશીરવાકારિતતત્કુમારિઃ ।
રાસોત્સવોદ્વેલ્લરસાબ્ધિમારી મમ પ્રભુઃ શ્રીગિરિરાજધારી ॥ ૭ ॥
મત્તદ્વિપોદ્દામગતાનુકારી લુઠત્પ્રસૂનાપ્રપદીનહારી ।
રામોરસસ્પર્શકરપ્રસારી મમ પ્રભુઃ શ્રીગિરિરાજધારી ॥ ૮ ॥
ઇતિ શ્રીમદ્વલ્લભાચાર્યવિરચિતં શ્રીગિરિરાજધાર્યષ્ટકં સમ્પૂર્ણમ્ ।
– Chant Stotra in Other Languages –
Sri Girirajadharyashtakam Lyrics in Sanskrit » English » Bengali » Kannada » Malayalam » Odia » Telugu » Tamil